Neyðarstjórn



Neyðarstjórn

Neyðarstjórn er ætlað að styðja og styrkja aðgerðir einstakra sveitarfélaga með samræmingu, upplýsingum og boðleiðum. Öll sveitarfélög skipa neyðarstjórn með erindisbréfi sem skilgreinir hlutverk og tilgang neyðarstjórna og liggur sú skipan til grundvallar mönnun neyðarstjórnanna. 

Neyðarstjórn er ætlað að styðja og styrkja aðgerðir einstakra sveitarfélaga með samræmingu, upplýsingum og boðleiðum. Öll sveitarfélög skipa neyðarstjórn með erindisbréfi sem skilgreinir hlutverk og tilgang neyðarstjórna og liggur sú skipan til grundvallar mönnun neyðarstjórnanna. Neyðarstjórnirnar starfa hvort sem er á hefðbundnum tímum og almannavarnatímum.

Hlutverk neyðarstjórna sveitarfélaganna

Frumskylda sveitarfélaga er að stuðla að öryggi og velferð borgaranna. Neyðarstjórn hefur því hlutverki að gegna að samhæfa aðgerðir og grípa til neyðarráðstafana þegar neyðarástand skapast til að forgangsraða lögbundinni þjónustu, samfélagslega mikilvægri starfsemi, tryggja almannaheill og lágmarka hugsanlegan samfélagslegan skaða. Neyðarástand getur skapast þegar öryggi og innviðum samfélagsins er ógnað, svo sem vegna náttúruvár, þegar umhverfi og heilsu er ógnað, og þegar tæknivá eða annars konar hættuástand skapast. Á neyðarstigi er verkefnum forgangsraðað og grunnstoðir í þjónustu sveitarfélagsins varðar til að halda uppi nauðsynlegustu starfsemi. Bæjarstjóri fer ásamt bæjarráði með framkvæmdastjórn sveitarfélagsins. Fagsvið, skrifstofur og fyrirtæki sveitarfélagsins bera hvert í sínu lagi ábyrgð á þeirri þjónustu sem þau veita.

Neyðarstjórn starfar samkvæmt viðbragðsáætlun sveitarfélagsins.

Í neyðarstjórn Hafnarfjarðarbæjar sitja eftirfarandi:

  • Rósa Guðbjartsdóttir, bæjarstjóri
  • Sigurður Nordal, sviðsstjóri stjórnsýslusviðs
  • Fanney D. Halldórsdóttir, sviðsstjóri mennta- og lýðheilsusviðs
  • Rannveig Einarsdóttir, sviðsstjóri fjölskyldu- og barnamálasviðs
  • Rósa Steingrímsdóttir, sviðsstjóri fjármálasviðs
  • Sigurður Haraldsson, sviðsstjóri umhverfis- og skipulagssviðs
  • Sigurjón Ólafsson, sviðsstjóri þjónustu- og þróunarsviðs
  • Lúðvík Geirsson, hafnarstjóri
  • Árdís Ármannsdóttir, samskiptastjóri

Varamenn eru eftirfarandi:

  • Guðríður Guðmundsdóttir, lögfræðingur á fjölskyldu- og barnamálasviði
  • Helga Stefánsdóttir, forstöðumaður umhverfis- og hönnunardeildar
  • Kristján B. Skaftason, staðgengill hafnarstjóra
  • Guðrún Þorsteinsdóttir, mannauðsstjóri

Almannavarnadeild ríkislögreglustjóra

Neyðarstjórn starfar náið með almannavarnardeild ríkislögreglustjóra.

Samkvæmt 5. grein laga um almannavarnir nr. 82/2008 annast ríkislögreglustjóri starfsemi almannavarna í umboði dómsmálaráðherra. Lögin um almannavarnir taka til samhæfðra almannavarnaviðbragða, að bregðast við afleiðingum neyðarástands, sem kann að ógna lífi og heilsu almennings, umhverfi og eignum. Öryggi íbúa í umdæmum landsins kallar á umfangsmikla starfsemi er varða fyrirbyggjandi varnir, viðbúnað, viðbragð og enduruppbyggingu vegna hamfara. Almannavarnadeild ríkislögreglustjórans samhæfir almannavarnaáætlanir sveitarfélaga og stofnana og hefur eftirlit með endurskoðun og viðhaldi þeirra. Verkefni ríkislögreglustjóra vegna almannavarna fela m.a. í sér víðtækt samstarf við stofnanir þjóðfélagsins varðandi neyðarskipulagið með það að markmiði að tryggja öryggi almennings og vinna að gerð og endurskoðun viðbragðsáætlana.

Allar mikilvægar upplýsingar um almannavá og áhættu er að finna á vef almannavarna ásamt upplýsingum um forvarnir og fræðslu og þar á meðal viðbragðsáætlanir. 

Sjá vef almannavarnadeildar ríkislögreglustjóra 

Viðbragðsáætlanir almannavarna


Var efnið hjálplegt? Nei