Tilkynningar




  • 162699231_4193708670660884_909209284768304752_n

Varðandi eldgos í Geldingadal á Reykjanesi

24. mar. 2021

Fólk sem hyggur á ferðir að gosstöðvum er hvatt til þess að afla sér upplýsinga um nýjustu veðurspá og vera vel útbúið til útiveru í langan tíma, en flestir dvelja lengur við gosstöðvarnar en þeir ætla sér þar sem sjónarspilið er mikið. Þá er hvatt til þess að taka með auka hleðslu fyrir síma þar sem rafhlöður tæmast fljótt við myndatökur og kulda. 

Veðurstofa Íslands hefur komið upp veðurstöð við Geldingadali til þess að fylgjast með veðri í rauntíma. Þá er verið að vinna að því að efla rauntímamælingar á gasi við hraunjaðra. Með þessum aðgerðum þá er áætlað að ásættanlegt sé að halda svæðinu opnu og viðvaranir verði sendar út ef loftgæði versna eða veðurspá er óhagstæð.

Hætta á að gas safnist fyrir í lægðum er alltaf fyrir hendi og því er óráðlegt að fara um þær við hraunjaðra og best að halda sig í hlíðum ofan Geldingadals. Að auki er vakin athygli á því að smitum vegna COVID hefur farið fjölgandi og því er ferðafólk hvatt til ýtrustu varkárni og viðhafa persónulegar sóttvarnir.

Góðar og gagnlegar upplýsingar má finna á eftirfarandi:

Vegna umferðar nærri gosstöðvum í Geldingadal

Sjá ítarlegar leiðbeiningar á vef almannavarna sem taka til þess sem bera að varast

Skráningaform – brennisteinsmengun SO2

Ef íbúar og aðrir telja sig finna brennisteinslykt er mikilvægt að skrá það. Hægt er að skrá slík tilvik hér og munu upplýsingarnar berast Veðurstofu Íslands. 

Skráning brennisteinslyktar fer fram hér