Tilkynningar



  • Eldgos

Gasmengun gæti lagt yfir höfuðborgarsvæðið í dag

13. apr. 2021

Gasmengun gæti í dag og á morgun borist frá eldgosinu við Fagradalsfjall til höfuðborgarinnar, samkvæmt upplýsingum frá Umhverfisstofnun og Veðurstofu Íslands.

Þegar mengun frá eldgosinu í Geldingadölum berst inn á höfuðborgarsvæðið geta komið háir mengunartoppar sem hafa oftast gengið fljótt yfir. Mengun í lægri styrk getur þó varað í lengri tíma. Viðkvæmir einstaklingar (þar með talin öll börn), forsvarsmenn barna og atvinnurekendur eiga að fylgjast með loftgæðamælingum, hafi borist tilkynningar um háan styrk SO2. 

Mælingar má sjá á loftgæðavef Umhverfisstofnunar

 

Almennar ráðleggingar varðandi gasmengun eru eftirfarandi:

  • Lungna og hjartasjúklingar hafi sín lyf tiltæk
  • Andið sem mest með nefi og forðast líkamlega áreynslu utandyra í mikill mengun því það dregur úr SO2 sem kemst niður í lungu.
  • Dvöl innanhúss með lokaða glugga og slökkt á loftræstingu veitir verulega vörn fyrir menguninni.
  • Athugið að rykgrímur veita enga vörn gegn gasmengun

Ráðstafanir til varnar SO2 mengun innandyra:

  • Lokaðu gluggum og minnkaðu umgengni um útidyr.
  • Hækkaðu hitastigið í húsinu.
  • Loftaðu út um leið og loftgæði batna utandyra.


Auk ofangreindra upplýsinga má finna ráðleggingar vegna heilsufarslegra áhrifa að völdum loftmengunar á síðu landlæknis. Þar má einnig finna nýuppfærðan leiðbeiningabækling fyrir almenning á þremur tungumálum: Hætta á heilsutjóni vegna loftmengunar frá eldgosum.

 

Sjá nánar hér