Fundargerðir



Fundargerðir

Til baka Prenta
Fjölskylduráð - 455

Haldinn á fjarfundi,
19.11.2021 og hófst hann kl. 13:30
Fundinn sátu: Helga Ingólfsdóttir varaformaður,
Kristjana Ósk Jónsdóttir aðalmaður,
Árni Rúnar Þorvaldsson aðalmaður,
Árni Stefán Guðjónsson aðalmaður,
Hulda Sólveig Jóhannsdóttir áheyrnarfulltrúi,
Linda Hrönn Þórisdóttir varamaður,
Sævar Gíslason varaáheyrnarfulltrúi,
Fundargerð ritaði: Erna Aradóttir, ritari fjölskylduráðs
Einnig sat Rannveig Einarsdóttir, sviðsstjóri, fundinn.


Dagskrá: 
Almenn erindi
1. 2105289 - Fjárhagsáætlun Hafnarfjarðarkaupstaðar og fyrirtækja hans 2022 og 2023-2025
Lagðar fram tillögur að breytingum á fjárhagsáætlun sem vísað var til fjölskylduráðs frá bæjarstjórn 10. nóvember 2021.
Tillögur til breytinga á fjárhagsáætlun sem vísað var til fjölskylduráðs frá bæjarstjórn 10. nóvember 2021 eru lagðar fram og teknar til skoðunar. Afgreiðslu vísað til næsta fundar.
Eftirfarandi tillögur til breytinga á fjárhagsáætlun voru lagðar fram á fundi bæjarstjórnar 10 nóv 2021.pdf
2. 1512128 - Notendastýrð persónuleg aðstoð NPA
Lagðar fram tillögur að breytingum á reglum um notendastýrða persónulega aðstoð. Sjöfn Guðmundsdóttir, deildarstjóri stuðnings- og stoðþjónustu mætir á fundinn.
Frestað.
3. 2006310 - Íþrótta- og tómstundastyrkir, lágtekjuheimili, jöfn tækifæri barna til íþrótta og tómstundastarfs
Lögð fram drög að uppfærðum reglum vegna sérstakra íþrótta- og tómstundastyrkja fyrir tekjulág heimili.
Fjölskylduráð samþykkir fyrirliggjandi reglur um úhlutun sérstakra íþrótta- og tómstundastyrkja fyrir börn á tekjulágum heimilum haustönn 2021 og vísar þeim til bæjarstjórnar.
Reglur Hafnarfjarðarkaupstaðar um úthlutun sérstakra íþrótta- og tómstundastyrkja haustið 2021.pdf
4. 2111061 - Húsnæðismál, Samfylkingin, fyrirspurn
Lögð fram svör við fyrirspurn Samfylkingarinnar vegna húsnæðismála.
Fulltrúi Samfylkingarinnar þakkar framlögð svör við fyrirspurnum Samfylkingarinnar um húsnæðismál sem lögð var fram á fundi fjölskylduráðs þann 1. nóvember sl. Þær upplýsingar sem fram koma í svörunum sýna að mikilvægt er að setja aukinn kraft í húsnæðisuppbyggingu í Hafnarfirði enda horfum við nú upp á íbúafækkun í bænum í fyrsta sinn í tugi ára. Svörin sýna einnig að nauðsynlegt er að hraða fjölgun íbúða í félagslega kerfinu til þess að mæta þeirri brýnu þörf sem er til staðar í kerfinu þannig að hægt verði að stytta biðtíma og koma til móts við einstaklinga í brýnni þörf.

Fulltrúi Viðreisnar tekur undir bókun fulltrúa Samfylkingarinnar.
Fyrirspurn fulltrúa Samfylkingarinnar vegna húsnæðismála.pdf
5. 1912142 - Barnavernd, úttekt
Lagðar fram niðurstöður úttektar í barnavernd.
Lagt fram.
Fleira ekki gert. Fundi slitið kl. 14:45 

Til baka Prenta