Fundargerðir


Fundargerðir

Til baka Prenta
Fjölskylduráð - 467

Haldinn í fundarsal bæjarráðs, Strandgötu 6,
15.06.2022 og hófst hann kl. 14:00
Fundinn sátu: Margrét Vala Marteinsdóttir formaður,
Helga Ingólfsdóttir varaformaður,
Jóhanna Erla Guðjónsdóttir aðalmaður,
Árni Rúnar Þorvaldsson aðalmaður,
Auður Brynjólfsdóttir aðalmaður,
Árni Stefán Guðjónsson áheyrnarfulltrúi,
Fundargerð ritaði: Erna Aradóttir, ritari fjölskylduráðs
Einnig sat Rannveig Einarsdóttir, sviðsstjóri, fundinn.


Fjölskylduráð samþykkir að taka inn mál nr. 1801074 með afbrigðum.


Dagskrá: 
Almenn erindi
1. 2205659 - Ráð og nefndir 2022 - 2026, kosningar
Á fundi bæjarstjórnar þ. 8.júní sl. var eftirfarandi tekið fyrir:

2205659 - Ráð og nefndir 2022 - 2026, kosningar

Teknar fyrir kosningar í ráð og nefndir. Kosið til 1 árs:

Fjölskylduráð
Formaður Margrét Vala Marteinsdóttir Suðurgötu 21 B
Varaformaður Helga Ingólfsdóttir, Brekkugötu 26 D
Aðalfulltrúi Jóhanna Erla Guðjónsdóttir Miðvangi 10 B
Aðalfulltrúi Árni Rúnar Þorvaldsson Stekkjarhvammi 5 S
Aðalfulltrúi Auður Brynjólfsdóttir Dvergholti 23 S
Varafulltrúi Sindri Mar Jónsson Vitastíg 5 B
Varafulltrúi Snædís K. Bergmann Reykjavíkurvegi 36 B
Varafulltrúi Elsa Dóra Grétarsdóttir Herjólfsgötu 32 D
Varafulltrúi Gunnar Þór Sigurjónsson Klapparholti 5 S
Varafulltrúi Inga Björg Margrétar Bjarnadóttir Akurvöllum 1 S
Áheyrnarfulltrúi Árni Stefán Guðjónsson Öldutúni 10 C
Varaáheyrnarfulltrúi Sigrún Jónsdóttir Norðurbakka 9a C

Lagt fram.
2. 1406376 - Málskotsnefnd, kosning
Fjölskylduráð tilnefnir Margréti Völu Marteinsdóttur formann, Helgu Ingólfsdóttur, varaformann og Árna Rúnar Þorvaldsson fulltrúa sína í málskotsnefnd.
3. 2206210 - Ársskýrsla fjölskyldu- og barnamálasviðs Hafnarfjarðar 2021
Ársskýrsla fjölskyldu- og barnamálasviðs fyrir árið 2021 lögð fram til kynningar.
Ársskýrsla sviðsins er lögð fram til kynningar og þakkar ráðið fyrir greinargóðar upplýsingar sem fram koma í skýrslunni.
2021_Arsskyrsla.pdf
Fjölskylduráð.pdf
4. 2206161 - Íbúðir fyrir eldra fólk
Bæjarstjórn vísaði á fundi sínum 8.júní sl. eftirfarandi tillögu til fjölskylduráðs og skipulags- og byggingaráðs:

Bæjarstjórn Hafnarfjarðar samþykkir að hraðað verði vinnu við uppbyggingu íbúða fyrir eldra fólk og hjúkrunarheimili í ólíkum hverfum bæjarins, sbr. á Sólvangssvæði, í Hamranesi og á Völlum og á Hrafnistusvæðinu. Mikilvægt að hafa fjölbreytta íbúðasamsetningu í boði fyrir eldra fólk í Hafnarfirði.
Tillögunni er vísað til nánari úrvinnslu í fjölskylduráði og skipulags- og byggingarráði.

Lagt fram til kynningar. Sviðstjóra falið að vinna málið áfram. Málinu vísað til Öldungarráðs til umræðu.


Fulltrúar Samfylkingarinnar fagna því að það eigi að hraða vinnu við uppbyggingu íbúða fyrir eldra fólk og hjúkrunarheimili í ólíkum hverfum bæjarins. Á sama tíma er mikilvægt að tryggja eldra fólki sem vill búa heima og getur það, viðunandi og metnaðarfulla heimaþjónustu.


Um leið og fulltrúar Samfylkingarinnar fagna áformum um hraðari uppbyggingu íbúða fyrir eldri borgara verður að lýsa vonbrigðum með að í málefnasamningi meirihlutans er ekki minnst á fjölgun félagslegra íbúða hjá bæjarfélaginu. Biðlistar eftir félagslegum íbúðum eru langir og margir einstaklingar og fjölskyldur í brýnni þörf. Staðan á húsnæðismarkaði er grafalvarleg og það er skylda allra velmegandi samfélaga að sjá íbúum sínum fyrir þaki yfir höfuðið.


Samfylkingin hefur lengi barist fyrir byggingu hjúkrunarheimilis og heilsugæslu m.a. á Völlunum og greinilegt að sú barátta er núna að skila árangri. Árið 2013 samþykkti bæjarstjórn að hefja undirbúning að byggingu hjúkrunarheimilis í Skarðshlíð en að baki þeirri ákvörðun lá mikil vinna allra flokka í bæjarstjórn en þau áform voru lögð til hliðar árið 2014 þegar Sjálfstæðisflokkurinn komst í meirihluta. Fulltrúar Samfylkingarinnar fagna því að sjá þessar áherslur á nýjan leik í bæjarstjórn Hafnarfjarðar.
5. 2206163 - Réttindi fatlaðs fólks
Bæjarstjórn vísaði á fundi sínum 8.júní sl. eftirfarandi tillögu til fjölskylduráðs:

Bæjarstjórn Hafnarfjarðar samþykkir að áfram verði settur aukinn kraftur í málefni og þjónustu við fatlað fólk. Lögð verði áhersla á samning sameinuðu þjóðanna um réttindi fatlaðs fólks með það að markmiði að framfylgja öllum ákvæðum í þessum mikilvæga mannréttindasamningi.
Tillögunni er vísað til fjölskylduráðs þar sem fram fari greining á því hvernig Hafnarfjörður stendur í innleiðingu á samningi SÞ og unnið verði að útfærslum og tillögum að framtíðarsýn í málefnum fatlaðs fólks.

Lagt fram til kynningar.

Fulltrúar Samfylkingarinnar taka heilshugar undir nauðsyn þess að öllum markmiðum Samnings SÞ um réttindi fatlaðs fólks verði framfylgt hjá Hafnarfjarðarbæ. Því er mikilvægt að greina með markvissum hætti hvernig Hafnarfjörður stendur í innleiðingu samningsins. Fulltrúar Samfylkingarinnar leggja mikla áherslu á samráð við ráðgjafaráð í málefnum fatlaðs fólks við úrvinnslu tillögunnar sem og við hagsmunasamtök fatlaðs fólks. Þá telja fulltrúar Samfylkingarinnar rétt að fá utanaðkomandi aðila til þess að koma að greiningarvinnu vegna innleiðingar samnings SÞ á réttindum fatlaðs fólks. Að öðru leyti eru það viss vonbrigði að málefni fatlaðs fólks fái ekki meira vægi í málefnasamningi meirihlutans en raun ber vitni. Þar vantar umfjöllun um mikilvæg atriði eins réttinn til náms, aðgengi fatlaðra barna að íþrótta- og tómstundastarfi, aðgengi fatlaðs fólks að byggingum sveitarfélagsins, atvinnumál fatlaðs fólks og NPA samninga.
6. 1801074 - Smyrlahraun 41a
Fjölskylduráð samþykkir að fela sviðstjóra að óska eftir lóð fyrir búsetukjarna í Áslandi 4 og á Öldugötu í samræmi við niðurstöðu skýrslu starfshóps.
Fundargerðir
7. 1602410 - Fjölmenningarráð
Lagt fram.
Fundur Fjölmenningaráðs Hafnarfjarðar 31.5. 2022.pdf
8. 1110181 - Fatlaðir, ráðgjafarráð
Lagt fram.
fundargerð ráðgjafráðs 3.2.2022.pdf
Ráðgjafaráð í málefnum fatlaðra 12.5.2022.pdf
Fleira ekki gert. Fundi slitið kl. 15:15 

Til baka Prenta