Fundargerðir


Fundargerðir

Til baka Prenta
Skipulags- og byggingarráð - 747

Haldinn í fundarherbergi Norðurhellu 2,
30.11.2021 og hófst hann kl. 08:30
Fundinn sátu: Ólafur Ingi Tómasson formaður,
Ágúst Bjarni Garðarsson varaformaður,
Lovísa Björg Traustadóttir aðalmaður,
Stefán Már Gunnlaugsson aðalmaður,
Gísli Sveinbergsson aðalmaður,
Óli Örn Eiríksson áheyrnarfulltrúi,
Sigurður Pétur Sigmundsson áheyrnarfulltrúi,
Fundargerð ritaði: Anna María Elíasdóttir, skrifstofustjóri
Auk ofangreindra ráðsmanna sátu fundinn: Þormóður Sveinsson skipulagsfulltrúi, Guðrún Guðmundsdóttir arkitekt, Anna Margrét Tómasdóttir arkitekt, Ósk Soffía Valsdóttir arkitekt, Ívar Bragason bæjarlögmaður og Sigurður Haraldsson sviðsstjóri.


Dagskrá: 
Almenn erindi
1. 2106263 - Hafnarfjarðarbær, heildstæð stefnumótun, heimsmarkmið
Arnar Pálsson verkefnastjóri kynnir stöðu verkefnisins og fer yfir þau mál sem snúa að skipulags- og byggingarráði.
Tekið til umræðu.
2. 1909131 - Strætó bs, nýtt leiðakerfi á höfuðborgarsvæðinu
Kynning á nýju leiðaneti Strætó bs. Fulltrúar Strætó mæta til fundarins.
Skipulags- og byggingarráð þakkar kynninguna.
3. 2105166 - Sléttuhlíð, aðalskipulagsbreyting
Á fundi skipulags- og byggingarráðs þann 24. ágúst 2021 var samþykkt að auglýsa tillögu að breyttu aðalskipulagi Sléttuhlíðar. Samþykktin var staðfest í bæjarstjórn 1.9.2021. Tillagan felst í að heimiluð verði gistiaðstaða í flokki II í frístundabygginni í Sléttuhlíð skv. h-lið 4. greinar reglugerðar 1277/2016 um veitingastaði, gististaði og skemmtanahald. Tillagan var auglýst 12.10-23.11.2021 auk þess sem hægt var að kynna sér tillöguna á opnu húsi þann 13.10.2021. Engar athugasemdir bárust.
Skipulags- og byggingarráð samþykkir framlagða tillögu að breytingu á aðalskipulagi Hafnarfjarðar 2013-2025 og að erindinu verði lokið í samræmi við skipulagslög. Erindinu er vísað til bæjarstjórnar til staðfestingar.
ASK_2013_2025_Slettuhlid_gisting_062021.pdf
HFj-Skipulag-snokalond12.10.21.pdf
4. 2103383 - Snókalönd, innviðir og uppbygging
Skipulags- og byggingarráð samþykkti 24.8.2021 að auglýsa breytt aðalskipulag fyrir Snókalönd. Bæjarstjórn samþykkti samhljóða afgreiðslu skipulags- og byggingarráðs þann 1.9.2021. Helstu breytingar felast í að skilgreint er nýtt afþreyingar og ferðamannasvæði AF5 við Snókalönd sem eru staðsett við Bláfjallaveg í upplandi Hafnarfjarðar, vegna áforma um frekari uppbyggingu í tengslum við norðurljósa- og stjörnuskoðun. Tillagan var auglýst 12.10-23.11.2021 auk þess sem hægt var að kynna sér tillöguna á opnu húsi þann 13.10.2021.
Engar athugasemdir bárust.
Skipulags- og byggingarráð samþykkir framlagða tillögu að breytingu á aðalskipulagi Hafnarfjarðar 2013-2025 og að erindinu verði lokið í samræmi við skipulagslög. Erindinu er vísað til bæjarstjórnar til staðfestingar.
HFj-Skipulag-snokalond12.10.21.pdf
Snókalönd við Bláfjallaveg, breyting á aðalskipulagi 2013-2025.pdf
5. 2101519 - Ásland 4, deiliskipulag
Lögð fram til kynningar tillaga að deiliskipulagi Áslands 4.
Lagt fram til kynningar.
6. 1812023 - Skarðshlíð, farsímamastur
Lögð fram deiliskipulagstillaga Strendings ehf. dags. 15.11.2021 vegna lóðar fyrir farsímamastur í Skarðshlíð.
Skipulags- og byggingarráð samþykkir að tillaga dags. 15.11.2021 verði auglýst í samræmi við skipulagslög auk grenndarkynningar. Erindinu vísað til bæjarstjórnar til staðfestingar.
Skarðshlíð Farsímaloftnet - Deiliskipulagsbreyting.pdf
7. 2111398 - Skarðshlíð 1. áfangi, breytt deiliskipulag
Lögð fram tillaga um að breyta deiliskipulagi Skarðshlíðar 1. áfanga vegna endastöðvar strætó.
Skipulags- og byggingarráð samþykkir að hafin verði vinna við breytingu á deiliskipulagi 1. áfanga Skarðshlíðar.
8. 2111480 - Hádegisskarð 26, breyting á deiliskipulag
Kári Eiríksson fh. lóðarhafa sækir 22.11.2021 um breytingu á deiliskipulagi. Fjöldi íbúða fer úr 2 í 3. Bílastæðum fjölgar úr 2 í 3. Byggingarreitur færist um 1m í vestur. Stefna þaks breytist og verður austur-vestur í stað norður-suður.
Skipulags- og byggingarráð samþykkir að tillaga dags. 10.11.2021 verði grenndarkynnt.
hádegisskarð26-deiliskipulagsbreyting-211110.pdf
9. 1903510 - Hellnahraun 3. áfangi, endurskoðun deiliskipulags
Lögð fram tillaga dags. 26.11.2021 að endurskoðuðu deiliskipulagi iðnaðarsvæðis í Hellnahrauni 3.
Skipulags- og byggingarráð samþykkir að tillaga dags. 26.11.2021 verði auglýst í samræmi við skipulagslög. Erindinu vísað til bæjarstjórnar til staðfestingar.
(90)1.01 Deiliskipulagsuppdráttur_29.11.2021.pdf
(90)1.02 Skýringaruppdráttur_29.11.2021.pdf
10. 2109983 - Hellnahraun, aðalskipulagsbreyting þynningarsvæði
Lögð fram tillaga að breytingu á aðalskipulagi vegna þynningarsvæðis í Hellnahrauni dags. 25.11.2021.
Skipulags- og byggingarráð samþykkir að auglýsa tillögu dags. 25.11.2021 að breyttu aðalskipulagi Hellnahrauns. Erindinu er vísað til staðfestingar í bæjarstjórn.
ASK_2013_2025_Thynningarsvaedi_25112021.pdf
11. 2111279 - Reykjanesbraut, deiliskipulag
Tekið fyrir að nýju. Bæjarstjórn vísaði tillögunni til skipulags- og byggingarráðs á fundi sínum þann 24.11.2021 til frekari úrvinnslu.
Tekið til umræðu og vísað að nýju til staðfestingar í bæjarstjórn.
12. 2111539 - Straumsvík, deiliskipulag
Rio Tinto á Íslandi hf. og Carbfix ohf. óska í sameiningu eftir því við Hafnarfjarðarbæ að hafin verði undirbúningur á skipulagsvinnu í tengslum við uppbyggingu Coda Terminal, loftslagsverkefni, sem Carbfix hyggst koma upp í Straumsvík. Verkefnið miðar að því að koma upp móttökustöð sem getur tekið á móti sérútbúnum tankskipum sem flytja koldíoxíð á vökvaformi frá Norður-Evrópu til að farga því varanlega með hagkvæmri og öruggri steinrenningu neðanjarðar.
Skipulags- og byggingarráð tekur jákvætt í erindið.
13. 2104503 - Gjáhella 9, deiliskipulag
Járn og blikk ehf. sækja 26.4.2021 um breytingu á lóðarmörkum, innkeyrslu og hæðarafsetningu lóðanna Gjáhella 7, 9 og 11. Tillaga dags. 25.11.2021 lögð fram.
Skipulags- og byggingarráð samþykkir að tillaga dags. 25.11.2021 verði auglýst í samræmi við skipulagslög.
Gjáella 9 deiliskipulag Skýringarmynd.pdf
Gjáella 9 deiliskipulag Layout1 (1).pdf
14. 1701589 - Rafhleðslustöðvar
Lagðar fram tillögur og minnisblað umhverfis og skipulagssviðs af mögulegum staðsetningum rafhleðslustöðva í bæjarlandi.
Lagt fram til kynningar.
Fyrirspurnir
15. 2110626 - Hamranes reitur 27b, deiliskipulag, fyrirspurn
Lindabyggð ehf. leggur 29.10.2021 inn fyrirspurn vegna tillögu að deiliskipulagi fyrir reit 27b.
Skipulags- og byggingarráð tekur jákvætt í fyrirspurnina.
16. 2105243 - Strandgata, lækkun hámarkshraða
Lögð fram fyrirspurn áheyrnarfulltrúa Viðreisnar í ráðinu vegna tillögu sem lögð var fram þann 18. maí sl. og vísað til umsagnar Vegagerðarinnar og undirbúningsnefndar umferðarmála í Hafnarfirði: Að Hafnarfjarðarbær, í samstarfi við Vegagerðina, lækki hámarkshraðann á Strandgötu úr 50 km/klst niður í 40 km/klst frá hringtorgi við Fornubúðir að Hafnartorgi.
Óskað er eftir upplýsingum um dagsetningu sem undirbúningsnefnd umferðarmála fékk málið sent til sín, hvort hún hafi haldið fund á tímabilinu, ef ekki, af hverju, og hver ber ábyrgð á því að kalla saman fundi nefndarinnar.
Tekið til umræðu.
17. 2106231 - Drangsskarð 13 og Hádegisskarð 22, fyrirspurn
Tekin fyrir að nýju fyrirspurn Kristins Ragnarssonar fh. lóðarhafa er varðar breytingu á deiliskipulagi fyrir lóðirnar Drangsskarð 13 og Hádegisskarð 22. Breytingin gerir ráð fyrir sameiningu lóða og tilfærslu á byggingarreitum sem taka mið að því að minnka innskot milli eignarhluta. Allir eignarhlutar verði 2 hæðir með tilheyrandi hækkun á hæðarskilum og breikkun á byggingarreitum um 1 m. Hæð húsa hækkar sem nemur á bilinu 0,8-1,0 m. Einhalla með hæðsta punkt til suðurs og/eða flatt þak. Íbúðafjöldi eykst úr fjórum íbúðum í sex íbúðir þar sem tvö hús eru með tveim íbúðum og tvö hús með einni íbúð. Að öðru leyti gilda skilmálar gildandi deiliskipulags.
Skipulags- og byggingarráð tekur jákvætt í fyrirspurnina.
Fundargerðir
18. 2111015F - Afgreiðslufundur skipulags- og byggingarfulltrúa - 860
Lögð fram fundargerð 860 fundar.
19. 2111024F - Afgreiðslufundur skipulags- og byggingarfulltrúa - 861
Lögð fram fundargerð 861 fundar.
Fleira ekki gert. Fundi slitið kl. 11:30 

Til baka Prenta