Fundargerðir



Fundargerðir

Til baka Prenta
Bæjarstjórn - 1877

Haldinn í fundarsal bæjarstjórnar Hafnarborg,
13.10.2021 og hófst hann kl. 14:00
Fundinn sátu: Kristinn Andersen forseti,
Jón Ingi Hákonarson 1. varaforseti,
Ágúst Bjarni Garðarsson 2. varaforseti,
Adda María Jóhannsdóttir aðalmaður,
Friðþjófur Helgi Karlsson aðalmaður,
Guðlaug Svala Steinunnar Kristjánsdóttir aðalmaður,
Guðbjörg Oddný Jónasdóttir varamaður,
Lovísa Björg Traustadóttir varamaður,
Gísli Sveinbergsson varamaður,
Fundargerð ritaði: Ívar Bragason, Bæjarlögmaður ritari bæjarstjórnar.
Mættir eru allir aðalbæjarfulltrúar að undanskildum þeim Sigurði Þ. Ragnarssyni, Helgu Ingólfsdóttur, Ólafi Inga Tómassyni, Kristínu Maríu Thoroddsen og Rósu Guðbjartsdóttur en í þeirra stað sitja fundinn Gísli sveinbergsson, Tinna Hallbergsdóttir, Lovísa Björg Traustadóttir, Magnús Ægir Magnússon og Guðbjörg Oddný Jónasdóttir.

Auk þess sat fundinn Sigurður Nordal sviðsstjóri stjórnsýslusviðs og staðgengill bæjarstjóra.

Kristinn Andersen forseti bæjarstjórnar setti fundinn og stýrði honun.


Dagskrá: 
Almenn erindi
1. 1806149 - Ráð og nefndir 2018-2022, kosningar
Hafnarstjórn
Breyting á aðalmanni Framsóknar í hafnarstjórn.
Ágúst Bjarni Garðarsson fer út og í hans stað kemur Guðmundur Fylkisson. Nýr varamaður í hafnarstjórn verður Garðar Smári Gunnarsson.

Stjórn Sorpu bs.
Breyting á aðalmanni Hafnarfjarðarkaupstaðar í stjórn Sorpu bs.
Ágúst Bjarni Garðarsson fer út og í hans stað kemur Valdimar Víðisson. Kristinn Andersen verður áfram varamaður.

Umhverfis- og framkvæmdaráð
Breyting á varamanni Framsóknar í umhverfis- og framkvæmdaráði.
Garðar Smári Gunnarsson fer út og í hans stað kemur Guðmundur Fylkisson sem varamaður.
Til máls tekur Ágúst Bjarni Garðarsson og leiðréttir að Hildur Helga Gísladóttir kemur inn í umhverfis- og framkvæmdaráð í stað Garðars Smára Gunnarssonar en ekki Guðmundur Fylkisson líkt og stóð í útsendri dagskrá.

Bæjarstjórn samþykkir samhljóða framlagðar breytingar í nefndum og ráðum.
2. 1110006 - Vesturbær, endurgert og nýtt deiliskipulag
2.liður úr fundargerð skipulags- og byggingaráðs frá 5.október sl.
Lögð fram að nýju tillaga að deiliskipulagi ásamt greinargerð fyrir vesturbæ Hafnarfjarðar. Deiliskipulagstillagan hefur áhrif á mörk aðliggjandi deiliskipulaga og verða þau leiðrétt samhliða. Þar sem tillagan gengur yfir eldri deiliskipulög, verða þau felld úr gildi. Auk þess er lögð fram tillaga að verndarsvæði í byggð ásamt húsakönnun.

Skipulags- og byggingarráð samþykkir tillögu að deiliskipulagi vesturbæjar ásamt fylgiskjölum og að þau verði auglýst í samræmi við skipulagslög. Deiliskipulagserindinu er jafnframt vísað til bæjarstjórnar til staðfestingar. Skipulags- og byggingarráð samþykkir að vísa tillögu að verndarsvæði í byggð til menntamálaráðneytisins til meðferðar í samræmi við lög um verndarsvæði í byggð og vísar ákvörðun sinni til staðfestingar í bæjarstjórn.
Til máls tekur Ágúst Bjarni Garðarsson.

Bæjarstjórn samþykkir samhljóða afgreiðslu skipulags- og byggingarráðs.
D11-00 YFIRLITSMYND.pdf
D11-01 DEILISKIPULAG.pdf
D11-02 DEILISKIPULAG.pdf
D11-03 DEILISKIPULAG.pdf
D11-04 DEILISKIPULAG.pdf
HAFN-VEST_DSK_GREINARGERÐ-1OKT21 (003).pdf
SKILMÁLABLOÌ?Ð YFIRLITSBLAÐ (003).pdf
HFJ_VESTURBÆR-GREINARGERÐ-16092021.pdf
3. 2109289 - Áshamar reitur 8.A, deiliskipulag
5.liður úr fundargerð skipulags- og byggingaráðs frá 5.október sl.
Baldur Ólafur Svavarsson fh. lóðarhafa sækir 7.9.2021 um samþykki fyrir nýju deiliskipulag í Hamranesi, Áshamar, reitur 8a.

Skipulags- og byggingarráð samþykkir að deiliskipulag reits 8.A verði auglýst í samræmi við skipulagslög. Erindinu vísað til bæjarstjórnar til samþykktar.
Lovísa Björg Traustadóttir tekur til máls.

Bæjarstjórn samþykkir samhljóða afgreiðslu skipulags- og byggingarráðs.
Hamranes 8A Dsk.pdf
4. 2104436 - Smyrlahraun 41a, aðalskipulagsbreyting
9.liður úr fundargerð skipulags- og byggingaráðs frá 5.október sl.
Skipulags- og byggingarráð samþykkti 4. maí 2021 að málsmeðferð vegna aðalskipulagsbreytinga Smyrlahrauns 41a færi skv. 1. mgr. 36. greinar skipulagslaga. Lögð fram lýsing vegna breytinga á aðalskipulagi Hafnarfjarðar 2013-2025. Breytingin snýr að landnotkun.

Skipulags- og byggingarráð leggur til við bæjarstjórn að gerð verði breyting á aðalskipulagi Hafnarfjarðar 2013-2025 er varðar landnotkun Smyrlahrauns 41a. Skipulags- og byggingarráð samþykkir framlagða lýsingu og visar til staðfestingar í bæjarstjórn.
Til máls tekur Ágúst Bjarni Garðarsson. Til andsvars kemur Guðlaug Kristjánsdóttir og svarar Ágúst andsvari.

Bæjarstjórn samþykkir samhljóða afgreiðslu skipulags- og byggingarráðs.
Aðalskipulagslýsing fyrir Smyrlahraun 41a.pdf
5. 2109653 - Miðbær, aðalskipulagsbreyting
10.liður úr fundargerð skipulags- og byggingaráðs frá 5.október sl.
Skipulags- og byggingarráð fól umhverfis- og skipulagssviði á fundi sínum þann 21.9.2021 að bregðast við úrskurði umhverfis- og auðlindamála. Fram kemur í aðalskipulagi Hafnarfjarðar 2013-2025 að allt rými á jarðhæð í miðbænum skuli nýtt fyrir verslun, veitingahús og þjónustu. Lögð fram lýsing vegna breytinga á greinargerð miðbæjarsvæðis M1 aðalskipulags Hafnarfjarðar 2013-2025.

Skipulags- og byggingarráð leggur til við bæjarstjórn að gerð verði breyting á aðalskipulagi Hafnarfjarðar 2013-2025 er varðar greinargerð miðbæjarsvæðis. Skipulags- og byggingarráð samþykkir framlagða lýsingu og visar til staðfestingar í bæjarstjórn.
Til máls tekur Ágúst Bjarni Garðarsson.

Bæjarstjórn samþykkir samhljóða afgreiðslu skipulags- og byggingarráðs.
Lýsing vegnar breytingar á aðalskipulagi vegna Miðsvæðis M1.pdf
6. 2109983 - Hellnahraun, aðalskipulagsbreyting þynningarsvæði
11.liður úr fundargerð skipulags- og byggingaráðs frá 5.október sl.
Lögð fram lýsing vegna breytinga á aðalskipulagi Hafnarfjarðar 2013-2025. Breytingin snýr að landnotkun og skilgreiningu á
afmörkun þynningarsvæðis.

Skipulags- og byggingarráð leggur til við bæjarstjórn að gerð verði breyting á aðalskipulagi Hafnarfjarðar 2013-2025 er varðar landnotkun Hellnahrauns. Skipulags- og byggingarráð samþykkir framlagða lýsingu og visar til staðfestingar í bæjarstjórn.
Ágúst Bjarni Garðarsson tekur til máls. Adda María Jóhannsdóttir kemur til andsvars og svarar Ágúst Bjarni andsvari. Þá kemur Adda María til andsvars öðru sinni og svarar Ágúst Bjarni andsvari öðru sinni.

Þá tekur Friðþjófur Helgi Karlsson til máls.

Kristinn Andersen ber upp tillögu um að afgreiðslu málsins verði frestað milli funda og er það samþykkt samhljóða.
lýsing v br á aðal - þynningarsvæði.pdf
Loftdreifilíkan - Endurskoðun á þynningarsvæði og svæðis takmarkaðrar ábyrgðar vegna álversins í Straumsvík.pdf
7. 2001526 - Reykjanesbraut, tvöföldun, aðalskipulagsbreyting
12.liður úr fundargerð skipulags- og byggingaráðs frá 5.október sl.
Samþykkt var á fundi bæjarstjórnar Hafnarfjarðar þann 17.3.2021 að auglýsa tillögu að breytingu á aðalskipulagi Hafnarfjarðar 2013-2025 vegna tvöföldunar Reykjanesbrautar ásamt umhverfisskýrslu. Tillagan var auglýst 9.7-23.8.2021. Frummatsskýrsla, þar sem lagt er mat á umhverfisáhrif framkvæmdarinnar, var auglýst samhliða. Athugasemd barst. Skipulags- og byggingarráð fól skipulagsfulltrúa á fundi sínum þann 24.8.2021 að taka saman umsögn vegna framkominna athugasemda. Lögð fram umsögn skipulagsfulltrúa ásamt uppfærðum uppdrætti þar sem tekið hefur verið tillit til þeirra athugasemda sem bárust.

Skipulags- og byggingarráð samþykkir uppfærð gögn vegna breytinga á aðalskipulagi Hafnarfjarðar 2013-2025 og að erindinu verði lokið í samræmi við skipulagslög. Erindinu er vísað til bæjarstjórnar til staðfestingar.
Til máls tekur Ágúst Bjarni Garðarsson. Friðþjófur Helgi Karlsson kemur til andsvars.

Bæjarstjórn samþykkir samhljóða afgreiðslu skipulags- og byggingarráðs.
ASK_2013_2025_Reykjanesbraut_06102021.pdf
Reykjanesbraut, umsögn.pdf
20130_Reykjanesbr-grg-30092021.pdf
8. 1806328 - Verklagsreglur um skólavist hafnfirskra grunnskólabarna
2. liður úr fundargerð fræðsluráðs frá 6.október sl.
Lögð fram að nýju drög að reglum um skólavistun í grunnskólum Hafnarfjarðar fyrir börn úr öðrum sveitarfélögum.

Fræðsluráð samþykkir fyrir sitt leyti drög að verklagsreglum um skólavist hafnfirskra grunnskóla fyrir börn úr öðrum sveitarfélögum og vísar til frekara samþykkis í bæjarstjórn Hafnarfjarðar.

Bæjarstjórn samþykkir samhljóða fyrirliggjandi verklagsreglur.
Regludrög um skólavist nemenda frá öðrum sveitarfélögum-Hfj2021.pdf
Minnisblad__skólavist-grunnskóla-fra-odrum-sveitarfelogum_20210903.pdf
9. 2001456 - Fjárhagsáætlun Hafnarfjarðarkaupstaðar og fyrirtækja hans 2021 og 2022-2024
3.liður úr fundargerð fræðsluráðs frá 6.október sl.
Lögð fram að nýju tillaga að gjaldskrá fyrir skólavist í grunnskólum Hafnarfjarðar fyrir börn úr öðrum sveitarfélögum.

Fræðsluráð samþykkir fyrir sitt leyti fyrirliggjandi gjaldskrá fyrir skólavist í grunnskólum Hafnarfjarðar fyrir börn úr öðrum sveitarfélögum og vísar til frekara samþykkis í bæjarstjórn Hafnarfjarðar.
Bæjarstjórn samþykkir samhljóða fyrirliggjandi gjaldskrá fyrir skólavist í grunnskólum Hafnarfjarðarbær.
Minnisblad__fjárhagsáætlun-gjaldskrá-grunnskóla_20210903.pdf
10. 2108583 - SSH, byggðasamlag, stefnuráð
3.liður úr fundargerð bæjarráðs frá 6.október sl.
Frá Samtökum sveitarfélaga á höfuðborgarsvæðinu. Óskað er eftir því að viðaukar við stofnsamninga Sorpu bs. og Strætó bs. verði teknir til efnislegrar umræðu, afgreiðslu og staðfestingar á vettvangi aðildarsveitarfélaganna.

Bæjarráð samþykkir fyrirliggjandi viðauka við stofnsamninga Sorpu bs. og Strætó bs. og vísar til staðfestingar í bæjarstjórn.
Til máls tekur Ágúst Bjarni Garðarsson.

Bæjarstjórn samþykkir samhljóða afgreiðslu bæjarráðs.
a) Minnisblað Hildigunnar Hafsteinsdóttur, lögfræðings SSH, dags. 4. júní 2021..pdf
b) Drög að viðauka við stofnsamning Strætó bs..pdf
c) Drög að viðauka við stofnsamning Sorpu bs..pdf
d) Minnisblað með tillögum starfshóps, dags. 8. apríl 2021..pdf
e) Viðauki 1 - Myndir..pdf
f) Viðauki 2 - Yfirlit yfir leiðir A og B við skipan stefnuráðs..pdf
Fylgibréf - bókun 525 fundar stjórnar SSH 1912001 HFJ.pdf
g) Viðauki 3 - Glærur Strategíu á fundum starfshópsins..pdf
h) Viðauki 4 - Fundargerðir starfshóps um stjórnsýslu byggðasamlaga..pdf
11. 2103146 - Starfsfólk í leikskólum, aukið álag
5.liður úr fundargerð bæjarráðs frá 6.október sl.
Lagt fram bréf frá verkalýðsfélaginu Hlíf.

Bæjarráð vísar erindinu til fjárhagsáætlunargerðar og til umræðu í fræðsluráði.

Adda María Jóhannsdóttir leggur fram svohljóðandi bókun:

Fulltrúi Samfylkingarinnar undrast að kjörnir fulltrúar hafi ekki verið upplýstir um samtöl milli bæjarstjóra og Verkalýðsfélagsins Hlífar vegna ástands á leikskólum bæjarins. Á sama tíma hafa fyrirspurnir frá fulltrúa Samfylkingarinnar í fræðsluráði varðandi mönnun á leikskólum ekki verið settar á dagskrá og í raun verið ósvarað síðan í maí sl., þrátt fyrir nokkrar ítrekanir.
Í erindi Verkalýðsfélagsins Hlífar kemur fram að illa gangi að manna skólana, veikindi séu algeng og mörg dæmi séu um að starfsfólk sem hafi starfað árum saman í leikskólum hjá Hafnarfjarðarbæ hafi sagt upp störfum og ráðið sig í sambærileg störf hjá öðrum sveitarfélögum.
Í erindinu er bent að mögulegar skýringar séu m.a. óhagstæður samanburður kjara við nágrannasveitarfélögin og vaxandi álag vegna undirmönnunar. Óskað er eftir minnisblaði þar sem þessi atriði eru dregin saman.
Fulltrúi Samfylkingarinnar tekur undir þær áhyggjur sem birtast í erindinu og hvetur til þess að allra leiða verði leitað til að finna lausir, með hagsmuni leikskólastarfs að leiðarljósi.
Til máls tekur Adda María Jóhannsdóttir. Til andsvars kemur Ágúst Bjarni Garðarsson og svarar Adda María andsvari.

Þá tekur Friðþjófur Helgi Karlsson til máls.

Einnig tekur til máls Guðlaug Kristjánsdóttir og leggur fram svohljóðandi fyrirspurnir:

Fyrirspurn í bæjarstjórn v. sumaropnunar leikskóla og stöðu í leikskólamálum.
Fulltrúi Bæjarlistans í fræðsluráði lagði í marsmánuði 2021 fram eftirfarandi fyrirspurnir sem hér með eru ítrekaðar.

Fyrirspurnirnar sem liggja fyrir fræðsluráði eru eftirfarandi:
Í ljósi mjög mikillar og vel rökstuddrar gagnrýni á sumaropnun leikskóla í Hafnarfirði óskar fulltrúi Bæjarlistans í fræðsluráði eftir því að sérstök vinna verði sett af stað til að kortleggja áhrif sumaropnunarinnar og að fræðsluráð fái þær upplýsingar eins fljótt og verða má þegar sumri lýkur. Telur fulltrúinn slíkt nauðsynlegt í ljósi þessarar miklu gagnrýni auk breytinga vegna styttingar vinnuvikunnar hjá starfsfólki leikskólanna og breyttrar fjárhagsstöðu bæjarins í kjölfar covid19. Óskar fulltrúinn eftir því að eftirfarandi atriði verði skoðuð sérstaklega;

?Áhrif sumaropnunar á leikskólabörn og þá sér í lagi þau börn sem þurfa sérstakan stuðning, svo sem hvort börnin fái viðeigandi þjónustu í sumaropnun og hvernig nýting fjölskyldna barna með sérþarfir verður í sumaropnuninni.

?Áhrif sumaropnunar á barnafjölskyldur og upplifun þeirra.

?Áhrif sumaropnunar á starfsfólk leikskólanna þar sem m.a. er fylgst sérstaklega með starfsmannaveltu frá því að þessi ákvörðun var tekin og hvort breyting verði á hlutfalli menntaðra leikskólakennara í starfi hjá bænum.

?Athugun á því hvort sumaropnunin hafi áhrif á viðhald á húsnæði og leikskólalóðir sem venjulega fer fram þegar leikskólar eru lokaðir.

?Athugun á því hvort og þá hvernig sumaropnunin hafi áhrif á aðlögun barna sem eru að byrja á leikskólunum.

?Kortlagning á þeim kostnaði eða sparnaði sem hlýst af sumaropnun leikskólanna.
Við ofangreint má bæta að í gildandi fjárhagsáætlun er gert ráð fyrir 1% „forgangsröðun fjármagns“ á stofnunum á mennta- og lýðheislusviði. Útfærsla á styttingu vinnuviku virðist líka stefna í að kosta meira en yfirlýsingar í kringum kjarasamningagerð gaf til kynna.
Því er jafnframt spurt hvort boðaðar og fyrirsjáanlegar þrengingar í fjármögnun leikskólastigsins hafi áhrif á endurskoðun sumaropnunar í leikskólum bæjarins.

Til andsvars kemur Ágúst Bjarni Garðarsson og svarar Guðlaug andsvari.

Til máls öðru sinni tekur Adda María Jóhannsdóttir. Ágúst Bjarni kemur til andsvars og svarar Adda María andsvari.

Þá tekur Jón Ingi Hákonarson til máls. Einnig tekur til máls Guðbjörg Oddný Jónasdóttir. Til andsvars kemur Guðlaug Kristjánsdóttir. Einnig Adda María Jóhannsdóttir. Guðbjörg svarar andsvari og kemur Adda María til andsvars öðru sinni.

Adda María Jóhannsdóttir kemur að svohljóðandi bókun:

Fulltrúar Samfylkingarinnar harma þá stöðu sem upp er komin á leikskólum Hafnarfjarðar og lýst er sem grafalvarlegu ástandi. Eins og fram kemur í erindi Verkalýðsfélagsins Hlífar, gengur illa að manna skólana, veikindi eru algeng og mörg dæmi um að starfsfólk sem starfað hefur árum saman í leikskólum hjá Hafnarfjarðarbæ hafi sagt upp störfum og ráðið sig í sambærileg störf hjá öðrum sveitarfélögum.
Frá því að erindi Hlífar barst og var tekið fyrir í bæjarráði, eftir ítrekun frá fulltrúa Samfylkingarinnar, hefur borist ályktun frá Félagi leikskólakennara, sem einnig lýsir áhyggjum af stöðu leikskólamála hjá Hafnarfjarðarbæ sem glími við alvarlegan mönnunarvanda.
Þessum erindum ber að taka alvarlega og það er miður að stéttarfélög starfsfólks á leikskólum upplifi að svo hafi ekki verið gert. Í báðum erindum er lýst áhuga á samtali við bæjaryfirvöld þar sem leitað verði lausna og teljum við brýnt að það verði gert hið fyrsta. Fulltrúar Samfylkingarinnar munu fylgja málinu eftir bæði í fræðsluráði og bæjarstjórn og minnum við hér með á fyrirspurnir sem liggja fyrir fræðsluráði frá fulltrúa Samfylkingarinnar um mönnun á leikskólum bæjarins frá því í maí sl.. Samfylkingin hefur ítrekað haldið málefnum leikskóla bæjarins á lofti og mun gera það hér eftir sem hingað til.
Adda María Jóhannsdóttir
Friðþjófur Helgi Karlsson

Guðbjörg Oddný kemur að svohljóðandi bókun:

Meirihluti Sjálfstæðisflokks og Framsóknar bóka eftirfarandi:

Hafnarfjarðarbær rekur 18 leikskóla þar sem 1500 börn og um 450 starfsmenn starfa á degi hverjum. Í haust voru um 350 ný börn innrituð í leikskólana og voru þeir á þeim tímapunkti flestir fullmannaðir miðað þann fjölda. Vegna ófyrirséðra veikinda starfsmanna á nokkrum leikskólum hafa foreldrar í nokkrum tilvikum verið beðnir um að sækja börn sín fyrr en ella. Slíkt er aðeins gert í neyð og er unnið að því að tryggja afleysingu meðan á veikindum stendur svo ekki þurfi að koma til skerðingar á þjónustu við börn og foreldra.
Undanfarin ár hefur það verið ein helsta áskorun leikskóla í landinu öllu að fá fólk til starfa svo hægt sé að halda úti fullri þjónustu. Sem betur fer hefur staðan í Hafnarfirði verið með betra móti á síðastliðnum árum, ekki síst í samanburði við sum nágrannasveitarfélögin. En nú í haust hafa það einkum verið ófyrirséð veikindi sem hafa sett strik í reikninginn á sama tíma og verið er að koma á styttingu vinnuvikunnar. Önnur sveitarfélög á höfuðborgarsvæðinu hafa því nú í haust staðið frammi fyrir sama vanda. Til að reyna að koma til móts við þetta lokar t.d. Reykjavíkurborg leikskólum sínum kl. 16:30 vegna mönnunar- og nýliðunarvanda leikskólakennara og ekki hefur reynst hægt að innrita öll börn, ólíkt stöðu okkar hér í Hafnarfirði.
Ýmislegt hefur verið gert til að koma til móts við starfsfólk, foreldra og börn í leikskólum Hafnarfjarðar á undanförnum árum, aðgerðir sem sem byggðar eru á skýrslu starfshóps um bættar starfsaðstæður í leikskólum. Nefna má styttingu vistunartíma barna með hag barna að leiðarljósi og rýmisáætlun sem tók gildi í leikskólum Hafnarfjarðar árið 2018 þar sem aukið var á rými fyrir börn og starfsmenn. Ófaglærðir starfsmenn geta farið á námssamninga í leikskólakennarafræðum og fá leyfi til að stunda nám sitt á launum og afleysing sett inn í staðinn til að efla fagmenntun og faglegt starf skólanna. Nú erum um 30 starfsmenn á samningi sem er aukning milli ára. Einnig hefur starfsfólki fjölgað sem stundar nám í leikskólabrú Borgarholtsskóla.
Lágmarks starfssemi er milli jóla og nýárs, í dimbilviku og í vetrarfríum grunnskóla sem gerir það að verkum að starfsmenn geta tekið frí miðað við fjölda barna á hverjum tíma sem er hluti af því að færa starfsemi leikskólanna nær því sem gerist í grunnskólunum. Á síðasta fundi fræðsluráðs var lögð fram tillaga að sveigjanlegum vistunartíma leikskólabarna sem mun létta álag og mönnum leikskólans og auka möguleika á sveigjanlegum vinnutíma starfsmanna.
Áfram verður unnið að bættum starfsaðstæðum í leikskólum Hafnarfjarðar með aðgerðum sem byggja á skýrslu starfshóps um bættar starfsaðstæður í takt við þróun leikskóla á landinu. Jafnframt er unnið að því að bæta kjör starfsmanna. Hafnarfjörður býr að ómetanlegum mannauð í leikskólum bæjarins. Þar starfar öflugur hópur fólks sem sýnir mikla fagmennsku og ósérhlífni í gefandi og mikilvægu starfi með börnum. Leikskólar bæjarins hafa meðal annars getið sér gott orð fyrir fjölbreytni og snemmtæka íhlutun sem lögð er mikil áhersla á. Við erum stolt af því frábæra starfi sem unnið er í leikskólunum og munum nú sem endranær leggja okkur fram við að gera vel við þá sem þar starfa.




Leikskólar, alvarleg staða.pdf
Fundargerðir
12. 2101038 - Fundargerðir 2021, til kynningar í bæjarstjórn
Fundargerð fjölskylduráðs frá 7.október sl.
Fundargerð bæjarráðs frá 6.október sl.
a. Fundargerðir hafnarstjórnar frá 22. og 29.sept. sl.
b. Fundargerð heilbrigðiseftirlits Hafnarfjarðar- og Kópavogssvæðis frá 27.september sl.
c. Fundargerð menningar- og ferðamálanefndar frá 1.október sl.
d. Fundargerðir stjórnar SORPU bs. frá 6., 10. og 17.september sl.
e. Fundargerð stjórnar Strætó bs. frá 24.september sl.
Fundargerð skipulags- og byggingaráðs frá 5.október sl.
Fundargerð umhverfis- og framkvæmdaráðs frá 6.október sl.
a. Fundargerðir stjórnar SORPU bs. frá 6.,10. og 17.sept. sl.
b. Fundargerðir stjórnar Strætó bs. frá 3. og 24.sept. sl.
Fundargerð fræðsluráðs frá 6.október sl.
Fundargerð forsetanefndar frá 11.október sl.
Til máls tekur Tinna Hallbergsdóttir undir 5 lið í fundargerð fræðsluráðs frá 6. október sl.

Til máls tekur Friðþjófur Helgi Karlsson til máls undir 1 lið í fundargerð fræðsluráðs frá 6. október sl.
Fleira ekki gert. Fundi slitið kl. 16:09 

Til baka Prenta