Fundargerðir



Fundargerðir

Til baka Prenta
Bæjarráð - 3561

Haldinn á fjarfundi,
19.11.2020 og hófst hann kl. 08:15
Fundinn sátu: Ágúst Bjarni Garðarsson formaður,
Kristinn Andersen varaformaður,
Ólafur Ingi Tómasson aðalmaður,
Friðþjófur Helgi Karlsson aðalmaður,
Sigurður Þórður Ragnarsson aðalmaður,
Guðlaug Svala Steinunnar Kristjánsdóttir áheyrnarfulltrúi,
Jón Ingi Hákonarson áheyrnarfulltrúi,
Fundargerð ritaði: Guðríður Guðmundsdóttir, 
Einnig sátu fundinn Rósa Guðbjartsdóttir bæjarstjóri og Sigríður Kristinsdóttir bæjarlögmaður og sviðsstjóri stjórnsýslusviðs.


Dagskrá: 
Almenn erindi
1. 2001456 - Fjárhagsáætlun Hafnarfjarðarkaupstaðar og fyrirtækja hans 2021 og 2022-2024
Bæjarráð vísar fyrirliggjandi tillögu að fjárhagsáætlun og gjaldskrá Hafnarfjarðarkaupstaðar og fyrirtækja hans 2021 og langtímaáætlun fyrir 2022-2024 til fyrri umræðu í bæjarstjórn.
2. 2011293 - Útsvarsprósenta við álagningu 2021
Tillaga Miðflokks, Bæjarlista og Samfylkingar:
Fulltrúar Miðflokks, Bæjarlista og Samfylkingar leggja til að útsvarsprósenta við álagningu 2021 verði 14,52%
Greinargerð:
Að fullnýta útsvarsprósentuna (14,52%) hefði þýtt kostnaðarauka fyrir einstakling með eina milljón á mánuði um 400 krónur á mánuði. Kostnaðarauki einstaklings með 500 þúsund á mánuði yrði 200 kr.
Sveitarfélagið munar hins vegar um þennan mismun á útsvari 14,52%/14,48% um 50 milljónir á ári sem er upphæð sem sveitarfélagið sárvantar.

Tillagan er felld með þremur atkvæðum meirihluta. Fulltrúar Miðflokks og Samfylkingar greiða atkvæði með tillögunni.

Fyrirliggjandi tillaga er samþykkt með atkvæðum meirihluta. Fulltrúar Samfylkingar og Miðflokks greiða atkvæði á móti.

Fulltrúi Samfylkingar leggur fram svohljóðandi bókun:
Nú er ljóst að meirihluti Sjálfstæðis- og Framsóknarflokks ætlar sér ekki að fullnýta útsvarið. Hann ákveður þess í stað að hækka gjaldskrár. Með þeirri ákvörðun er meirihlutinn að hlífa breiðu bökunum í samfélaginu á meðan hann leggur þyngri byrðar á viðkvæma hópa. Meðal annrars vegna þess getur Samfylkingin ekki samþykkt þessa tillögu og greiðir atkvæði gegn henni.

Fulltrúi Viðreisnar leggur fram svohljóðandi bókun:
Fulltrúi Viðreisnar óskar eftir því að gerðar verði nokkrar sviðsmyndir þar sem sýnt verði hvernig allar fyrirhugaðar gjaldskrárhækkanir munu koma við ólíkar stærðir fjölskyldna. Telur fulltrúi Viðreisnar það nauðsýnlegt til að geta tekið upplýsta ákvörðun um það hvernig heildar hækkanir koma við heimilin í Hafnarfirði. Þær sviðsmyndir sem þarf að skoða eru krónutöluhækkanir á einstakling, á einstætt foreldri með eitt barn, hjón með eitt barn og hjón með 3 börn.

Fulltrúi Miðflokks leggur fram svohljóðandi bókun:
Það er hrein og klár sýndarmennska meirihluta Sjálfstæðisflokks og Framsóknarflokks að viðhalda útsvarsprósentu sveitarfélagsins óbreyttri (14,48%) í ljósi erfiðrar rekstrarstöðu bæjarins. Vandanum hefur verið mætt m.a. með sölu fyrirtækja bæjarins, hækkun gjaldskrár og fleira. Að fullnýta útsvarsprósentuna (14,52%) hefði þýtt kostnaðarauka fyrir mann með eina milljón á mánuði um 400 krónur á mánuði. Kostnaðarauki manns með 500 þúsund á mánuði yrði 200 kr.
Fyrir sveitarfélagið munar hins vegar um þennan mismun á útsvari 14,52%/14,48% um 50 milljónir á ári sem er upphæð sem sveitarfélaginu sárvantar. Því er þetta sýndarmennska að geta veifað því að halda útsvarsprósentu óbreyttri og í raun ábyrgðarleysi.

Fulltrúi Bæjarlista leggur fram svohljóðandi bókun:
Fulltrúi Bæjarlistans lýsir furðu á því vali meirihlutans að nýta ekki útsvarsheimildir til fulls, til ráðstöfunar í þjónustu við viðkvæma hópa.
Hér er um að ræða uþb 50 milljón króna svigrúm sem bærinn gæti verið að nýta á sviðum sem þjónusta viðkvæma hópa, sem myndi ekki þýða nema nokkur hundruð krónur á mánuði fyrir einstakling með meðallaun í útsvarsgreiðslur.
Á tímum þegar tekjur afmarkaðra hópa á vinnumarkaði hafa orðið fyrir skörpu höggi væri fullnýting á útsvari málefnaleg leið til að auka tekjur bæjarins til góða fyrir nauðsynlega þjónustu á fræðslu- og fjölskyldusviði.

Fulltrúar Sjálfstæðisflokks og Framsóknar leggja fram svohljóðandi bókun:
Það hefur verið ein af áherslum núverandi meirihluta að hækka ekki álögur á íbúa. Útsvarshækkun hefði í för með sér tekjuskerðingu fyrir bæjarbúa eða með öðrum orðum; útborguð laun íbúa bæjarfélagsins lækka. Slíkt er ekki í samræmi við stefnu núverandi meirihluta sem hefur það markmið að létta undir með fjölskyldufólki og jafnframt að tryggja að allar gjaldskrár sem snerta viðkvæmustu hópa samfélagsins séu ávallt með þeim lægri sé horft til samanburðarsveitarfélaga. Því leggja fullltrúar meirihlutans það til við bæjarstjórn að prósentuhlutfallið verði ekki hækkað. Hagkerfið, verslun og þjónusta, munar um þær milljónir í sinn rekstur.



3. 2011232 - Framlenging ráðningar eftir 70 ára aldur, kjarasamningar 2020
Bæjarráð samþykktir fyrirliggjandi reglur um framlengingu eða endurráðningu starfsfólks eftir 70 ára aldur.
Reglur um framlengingu ráðningar eftir 70 ára aldur lokaeintak.pdf
4. 1809417 - Skíðasvæði höfuðborgarsvæðisins (SHB), kjörtímabil 2018-2022, samstarfssamningur
Lagt fram til umræðu og kynningar.
5. 2009507 - Brú lífeyrissjóður, breytingar á réttindaákvæðum, erindi
Bæjarráð vísar breytingum á réttindaákvæðum til frekari skoðunar hjá bæjarlögmanni.
Breytingar á réttindaákvæðum 2020 - bæjarstjórn.pdf
6. 2007447 - Verslunarmiðstöðin Fjörður, ósk um samstarf, erindi
Bæjarráð samþykkir fyrirliggjandi samkomulag milli Hafnarfjarðarkaupstaðar og 220 Fjarðar. Málinu vísað til staðfestingar í bæjarstjórn.

Fulltrúi Samfylkingar situr hjá við afgreiðslu málsins.

Fulltrúi Samfylkingar leggur fram svohljóðandi bókun:
Ég er hrifinn af hugmyndum um nýtt bókasafn í miðbænum en mér finnst málið ekki hafa fengið nægjanlega umræðu í samfélaginu og aðkoma íbúa hefur engin verið. Ég hefði viljað sjá þetta mál skoðað betur í heild og í tengslum við þá vinnu sem nú er í gangi varðandi framtíðarhúsnæði stjórnsýslunnar. Á þeim forsendum sit ég hjá við þessa afgreiðslu.
7. 2005486 - Ungmennaráð, tillögur 2020 - 9. Jafnréttisstefna
Bæjarráð þakkar fyrir minnisblað mennta- og lýðheilsusviðs. Ljóst er að grunnskólar bæjarins eru með skýra stefnu í jafnréttis- og mannréttindarmálum og að jafnréttisfræðsla sé hluti af kennslu í öllum grunnskólum bæjarfélagsins. Af ýmsu, þá má sérstaklega tiltaka sérstakan samning Hafnarfjarðarbæjar við Samtökin 78 um fræðslu og ráðgjöf fyrir nemendur og starfsfólk, auk þess sem skrifstofa mennta- og lýðheilsusviðs býður upp á fræðslu um fjölmenningu og kennslu í fjölmenningarlegu umhverfi. Bæjarráð, sem jafnréttisnefnd bæjarfélagsins, hvetur grunnskóla og aðrar stofnanir bæjarins til að huga áfram vel að jafnréttis- og mannréttindarmálum og auka virkt samtal við ungmennaráð.
Minnisblad-20201021_Jafnrettisfraedsla-i-grunnskolum-Hfj_LOK.pdf
8. 2011067 - Mæðrstyrksnefnd Hafnarfjarðar, styrkbeiðni 2020
Bæjarráð samþykkir að veita Mæðrastyrksnefnd Hafnarfjarðar styrk að upphæð 700.000kr.
Bréf til fyrirtækja 2020.pdf
9. 2003493 - Bæjarráðsstyrkir 2020, síðari úthlutun
Karlar í skúrum í Hafnarfirði / 834.000kr.
Ástráður, kynfræðslufélag læknanema / 120.000kr.
Samtals eru þetta: 954.000kr.
10. 2008273 - Drangsskarð 11, Umsókn um lóð,úthlutun
Bæjarráð samþykkir fyrirliggjandi erindi og að lóðarhafi verði RENTUR starfsemi ehf.
11. 2010604 - Völuskarð 18, umsókn um parhúsalóð,úthlutun
Bæjarráð samþykkir fyrirliggjandi beiðni um að Ingunn Stefánsdóttir og Eiríkur Stefánsson verði meðlóðarhafar að lóðinni Völuskarði 18 og vísar til staðfestingar í bæjarstjórn.
12. 2011037 - Völuskarð 22 og 34, umsókn um lóð
Bæjarráð leggur til við bæjarstjórn að lóðinni Völuskarð 22 og 34 verði úthlutað til Jóhanns Ögra Elvarssonar og Rutar Helgadóttur. Bæjarráð samþykkir einnig fyrirliggjandi beiðni um áfangaskiptingu og vísar til afgreiðslu á stjórnsýslu- og fjármálasviði.
13. 2011114 - Völuskarð 20, umsókn um lóð
Bæjarráð leggur til við bæjarstjórn að lóðinni Völuskarð 20 verði úthlutað til Gylfa Andréssonar.
14. 2011087 - Glimmerskarð 2(-6), 8(-12 ) og 14(-16),umsókn um lóð
Bæjarráð leggur til við bæjarstjórn að lóðunum Glimmerskarði 2(-6), 8(-12) og 14(-16) verði úthlutað til Sjónvers ehf.
15. 1908176 - Hverfisgata 12,umsókn um lóð, úthlutun,skil
Bæjarráð leggur til við bæjarstjórn að samþykkja skil á lóðinni Hverfisgata 12.
16. 1802321 - Hverfisgata 12, lóð, úthlutun
Bæjarráð samþykkir fyrirliggjandi tillögu.
17. 1510136 - Lónsbraut, bátaskýli, endurnýjun lóðarleigusamninga
Bæjarráð samþykkir fyrirliggjandi lóðarleigusamning.
18. 1602253 - Suðurgata 79 lóðarleigusamningur
Bæjarráð samþykkir fyrirliggjandi lóðarleigusamning.
19. 2002406 - Suðurgata 81, lóðarleigusamningur
Bæjarráð samþykkir fyrirliggjandi lóðarleigusamning.
20. 2005379 - Undirskriftasöfnun, tilkynning, HS Veitur
Lagt fram.
Undirskriftasöfnun, tilkynning, HS Veitur.pdf
Fundargerðir
21. 2011001F - Hafnarstjórn - 1585
22. 2011008F - Hafnarstjórn - 1586
23. 2011010F - Menningar- og ferðamálanefnd - 358
24. 2001040 - Stjórn SSH, fundargerðir 2020
SSH_Stjorn_510_fundur_2020_10_27.pdf
SSH_Stjorn_511_fundur_2020_11_02.pdf
Fleira ekki gert. Fundi slitið kl. 11:00 

Til baka Prenta