Fundargerðir



Fundargerðir

Til baka Prenta
Menningar- og ferðamálanefnd - 351

Haldinn í Langeyri, Strandgötu 6,
24.06.2020 og hófst hann kl. 08:30
Fundinn sátu: Guðbjörg Oddný Jónasdóttir. Þórey Anna Matthíasdóttir. Sigurbjörg Anna Guðnadóttir.
Fundargerð ritaði: Andri Ómarsson


Dagskrá: 
Almenn erindi
1. 1911803 - Menningarstyrkir 2020
Auglýst verður eftir umsóknum um menningarstyrki í síðari úthlutun ársins 2020 strax í byrjun ágúst.
Umsóknarfrestur verður til 10. september og úthlutun á að vera lokið fyrir 1. október. Starfsmönnum falið að vinna að málinu.
2. 2004013 - Menning á tímum Covid-19
Farið yfir áætlun um ýmis hátíðarhöld í Hafnarfirði í kjölfar kórónuverufaraldursins
Í ljósi þess að fáir viðburðir hafa verið haldnir á árinu 2020 sökum Covid19 þá er lagt til að sett verði upp fallegt og lýsandi merki/tákn fyrir Hafnarfjörð í miðbæ Hafnarfjarðar. Merki sem fangar þá tilfinningu og stemningu sem Hafnarfjörður er og vill vera þekktur fyrir, og lögð er áhersla á í skýrslu um markaðsstefnumótun Hafnarfjarðar. Merkið á að vekja og sameina samfélagsandann, heilsu, menningu og listir. Gert er ráð fyrir að merkið verði afhjúpað mánudaginn 13. júlí.

Menningar- og ferðmálanefnd samþykkir að fjárveiting til verksins verði af liðnum viðburðahald og vísar útfærslu og uppsetningu til umhverfis- og framkvæmdasviðs.
3. 2003508 - Covid 19, aðgerðaráætlun
Farið yfir sumarverkefni nema við rannsóknir- og nýsköpun á sviði menningar- og ferðamála
Andri Ómarsson verkefnastjóri fór yfir sumarverkefni nema við rannsóknir og nýsköpun sem tengjast menningar- og ferðamálanefnd og Ragnar Már Jónsson kynnti vinnu við verkefnið sitt um áfangastaðinn Hafnarfjörð.
4. 1902080 - Bæjarbíó, heimsókn menningar- og ferðamálanefndar
Páll Eyjólfsson tók á móti Menningar- og ferðamálanefnd í Bæjarbíó, sagði frá starfseminni og tónlistar- og bæjarhátíðinni Hjarta Hafnarfjarðar
Menningar- og ferðamálanefnd þakkar fyrir kynninguna
Fleira ekki gert. Fundi slitið kl. 10:10 

Til baka Prenta