Fundargerðir



Fundargerðir

Til baka Prenta
Umhverfis- og framkvæmdaráð - 347

Haldinn í fundarherbergi Norðurhellu 2,
12.02.2020 og hófst hann kl. 08:15
Fundinn sátu: Árni Rúnar Árnason. Skarphéðinn Orri Björnsson. Friðþjófur Helgi Karlsson. Helga Björg Arnardóttir. Þórey Svanfríður Þórisdóttir. Tinna Hallbergsdóttir. Kristinn Jónsson.
Fundargerð ritaði: Anna María Elíasdóttir
Auk ofangreindra ráðsmanna sátu fundinn: Helga Stefánsdóttir forstöðumaður, Guðmundur Elíasson umhverfis- og veitustjóri og Sigurður Haraldsson sviðsstjóri.


Dagskrá: 
Almenn erindi
1. 1602126 - Strætó, leiðarkerfi í Hafnarfirði
Fulltrúar Strætó bs. mæta til fundarins og kynna leiðarkerfisbreytingar 2020 og aðgerðir þeim tengdar.
Umhverfis- og framkvæmdaráð þakkar kynninguna og fagnar því að nú eru að koma til framkvæmdar breytingar á innanbæjarleiðarkerfi Hafnarfjarðar sem hafa verið í vinnslu undanfarin misseri.
2. 1912184 - Vorhreinsun 2020
Tekið fyrir að nýju.
Umhverfis- og framkvæmdaráð þakkar góða yfirferð á verklagi við vorhreinsun bæjarins og framkomnar tillögur frá starfsmönnum sviðsins. Tillögum er vísað til vinnslu fjárhagsáætlunar 2021. Fyrirkomulag vorhreinsunar 2020 verður með óbreyttu sniði frá fyrra ári.
Ishmael David mætir til fundarins undir þriðja dagskrárlið.
3. 1701589 - Rafhleðslustöðvar
Umhverfis- og framkvæmdaráð fól umhverfis- og skipulagssviði á fundi sínum þann 29.1.2020 að gera tillögu að hóflegri kostnaðarþátttöku notenda.
Umhverfis- og framkvæmdaráð samþykkir að leggja á gjald vegna notkunar rafhleðslustöðvar við Fjörð og vísar tillögu að gjaldtöku til samþykktar í bæjarráði. Umhverfis- og framkvæmdaráð leggur til að gjaldtaka fyrir hraðhleðslu (DC) verði 20kr. fyrir kWh. og 19kr. fyrir mínútuna eftir fyrstu 15 mínúturnar. Gjaldtaka fyrir hæghleðslu (AC) verði 20kr. fyrir kWh. og 2kr. fyrir mínútuna eftir fyrstu 15 mínúturnar.
4. 2001386 - Endurvinnsluhlutfall heimilisúrgangs
Tekið fyrir að nýju bréf Umhverfisstofnunar dags. 20.1.2020 þar sem minnt er á hertar kröfur endurvinnsluhlutfalls heimilisúrgangs sem innleiddar verða árið 2020 í íslenska löggjöf. Markmið ársins 2020 er 50%. Endurvinnsluhlutfall Hafnarfjarðarbæjar var árið 2018 6,59 skv. skráningu en vankantar eru á henni. Jafnframt verða kynntar sorphirðutölur í Hafnarfirði.
Lagt fram til kynningar.
5. 1801408 - Umhverfis- og auðlindastefna, aðgerðaráætlun
Farið yfir stöðu verkefna og næstu skref rædd.
Erindi frestað.
6. 1911351 - Vatnsveita, krafa um yfirferð gjaldskrár, vatnsgjald
Lagt fram til kynningar bréf Hafnarfjarðarkaupstaðar dags. 30.1.2020 til Samgöngu- og sveitarstjórnarráðuneytisins í kjölfar bréfs ráðuneytisins dags. 13.11.2019 þar sem farið er fram á að gjaldskrár vatnsveitna sveitarfélagsins verði yfirfarnar.
Lagt fram.
Samgönguráðuneytið_vantsveita.pdf
Fundargerðir
7. 2001036 - Strætó bs, fundargerðir 2020
Lögð fram til kynningar fundargerð Strætó bs. nr. 315 frá 10.1.2020.
Fundargerð stjórnarfundar nr. 315 10.01.2020.docx
8. 2001037 - Sorpa bs, fundargerðir 2020
Lögð fram 417. fundargerð stjórnar SORPU bs. frá 22. janúar 2020.
Fundargerð 417 stjórnarfundar undirrituð.pdf
9. 1708176 - Skarðshlíðarskóli, framkvæmdir
Lögð fram verkfundargerð nr. 49.
2020-01-29_Verkfundur 49.pdf
Fleira ekki gert. Fundi slitið kl. 10:10 

Til baka Prenta