Fundargerðir



Fundargerðir

Til baka Prenta
Fjölskylduráð - 398

Haldinn í fundarsal bæjarráðs, Strandgötu 6,
27.09.2019 og hófst hann kl. 13:30
Fundinn sátu: Valdimar Víðisson. Helga Ingólfsdóttir. Guðbjörg Oddný Jónasdóttir. Árni Rúnar Þorvaldsson. Árni Stefán Guðjónsson. Hulda Sólveig Jóhannsdóttir. Sigurður Þórður Ragnarsson.
Fundargerð ritaði: Karlott Gunnhildarson
Einnig sat Rannveig Einarsdóttir, sviðsstjóri, fundinn.


Dagskrá: 
Almenn erindi
1. 1807012 - Velferðartækni, innleiðing, sveitarfélög á höfuðborgarsvæði
Sjöfn Guðmundsdóttir, verkefnastjóri heimaþjónustu mætir á fundinn.
Fjölskylduráð þakkar Sjöfn kærlega fyrir góða kynningu.
Lagt fram. Umræður.
Velferðartækni.pdf
2. 1411192 - Barnaverndarmál, framkvæmdaáætlun
Jóhanna Erla Guðjónsdóttir,Dagbjört Rún Guðmundsdóttir og Helena Unnarsdóttir fulltrúar starfshóps um framkvæmdaáætlun á sviði barnaverndar mættu á fundinn.

Lagt fram.
3. 1903560 - Sérhæfð akstursþjónusta í Hafnarfirði
Sigurður Jónsson ráðgjafi hjá Mannviti og Guðmundur Ragnar innkaupastjóri mættu á fundinn kl. 14:30.


Fulltrúi Samfylkingarinnar leggur til að afgreiðslu málsins verði frestað til næsta fundar ráðsins svo fulltrúar í ráðinu geti gefið sér betri tíma til þess að kynna sér þetta stóra mál.
Fulltrúar Sjálfsstæðisflokks og Framsóknar og óháðra hafna tillögunni með 3 greiddum atkvæðum. Fulltrúi Viðreisnar situr hjá.

Fjölskylduráð samþykkir að vísa fyrirliggjandi drögum að útboðsgögnum til bæjarráðs. Starfshópnum er þakkað fyrir vandaða vinnu.
Samþykkt af fulltrúum Sjálfsstæðisflokks, Framsókn og óháðra, Viðreisnar, Miðflokks og Bæjarlistans. Fulltrúi Samfylkingar á móti.

Fulltrúi Samfylkingarinnar óskar bókað:
Fulltrúi Samfylkingarinnar harmar að fulltrúar meirihlutans í fjölskylduráði skuli hafna því að fresta afgreiðslu málsins til næsta fundar ráðsins. Samkvæmt erindisbréfi starfshóps um sérhæfða akstursþjónustu þá átti vinnu hópsins að vera lokið fyrir 1. júní 2019. Málið er að koma inn á borð með formlegum hætti í fyrsta skipti síðan starfshópurinn var skipaður og ráðið fékk sína fyrstu kynningu á málinu frá starfsmönnum í dag. Það eru því mikil vonbrigði að fulltrúar meirihlutans skuli ekki vera tilbúnir að veita ráðsmönnum tvær vikur í viðbót til þess að kynna sér málið betur. Fullltrúi Samfylkingarinnar greiðir því atkvæði gegn því að vísa málinu til bæjarráðs á þessu stigi.

Fulltrúar Miðflokksins, Bæjarlistans, Sjálfsstæðisflokksins, Framsóknar og óháðra leggja fram eftirfarandi bókun:

Starfshópur um sérhæfða akstursþjónustu hefur unnið afar ítarlega, mikla og góða vinnu. Fjölskylduráð hefur verið upplýst um stöðu málsins reglulega. Fulltrúar úr starfshópnum og frá Mannviti verkfræðistofu hafa komið á fund fjölskyldurráðs til upplýsingar og til að svara spurningum ráðsmanna. Fulltrúi ofangreindra flokka telja því málið komið á næsta stig sem er yfirlestur lögmanna og vísun til bæjarráðs og styðja því ekki tillögu Samfylkingar um frestun málsins.
4. 1902408 - Fjárhagsáætlun Hafnarfjarðarkaupstaðar og fyrirtækja hans 2020 og 2021-2023
Bryndís Edda Edvaldsdóttir mætir á fundinn kl. 15.
Umræður.
5. 1609187 - Útlendingastofnun
Fjölskylduráð felur sviðsstjóra að ganga til samninga við Útlendingastofnun um framlengingu á samningi um þjónustu við umsækjendur um alþjóðlega vernd sem eru nú þegar tímabundið búsettir í Hafnarfirði. Óskað er eftir því að drög að samningi verði svo kynnt fyrir fjölskylduráði þegar þau liggja fyrir.
Beiðni til Hafnarfjarðarkaupstaðar um stækkun og lengri gildistíma.pdf
6. 1903304 - Sérstakur húsnæðisstuðningur
Lagt fram.
7. 1801069 - Utangarðsfólk, húsnæðisvandi,
Frestað.
Fleira ekki gert. Fundi slitið kl. 16:00 

Til baka Prenta