Fundargerðir



Fundargerðir

Til baka Prenta
Umhverfis- og framkvæmdaráð - 332

Haldinn í fundarherbergi Norðurhellu 2,
05.06.2019 og hófst hann kl. 08:15
Fundinn sátu: Helga Ingólfsdóttir. Árni Rúnar Árnason. Friðþjófur Helgi Karlsson. Þórey Svanfríður Þórisdóttir. Arnhildur Ásdís Kolbeins. Tinna Hallbergsdóttir. Hulda Sólveig Jóhannsdóttir.
Fundargerð ritaði: Anna María Elíasdóttir
Auk ofangreindra ráðsmanna sátu fundinn: Helga Stefánsdóttir forstöðumaður, Guðmundur Elíasson umhverfis- og veitustjóri og Sigurður Haraldsson sviðsstjóri.


Dagskrá: 
Almenn erindi
1. 1801408 - Umhverfis- og auðlindastefna, aðgerðaráætlun 2018
Tekin til umræðu.
Umhverfis- og framkvæmdaráð samþykkir að kolefnisjafna starfsemi sveitarfélagsins fyrir árið 2018 og felur sviðinu að ganga til samninga við Kolviðarsjóð skv. lið 2.3 í aðgerðaráætlun umhverfis- og auðlindastefnu.

Umhverfis- og framkvæmdaráð samþykkir að ráðastafa 500.000kr. til fræðslu í umhverfismálum í samstarfi við fræðslu og frístundaþjónustu skv. lið 1.4 í aðgerðaráætlun umhverfis- og auðlindastefnu.

Umhverfis- og framkvæmdaráð samþykkir að ráðstafa 1.000.000kr. í vöktun skv. lið 1.4 í aðgerðaráætlun umhverfis- og auðlindastefnu.

Umhverfis- og framkvæmdaráð samþykkir kaup á rafmagnshjólum sem hvatningu til starfsmanna um vistvænar samgöngur að fjárhæð 1.000.000 skv. lið 4.2 í aðgerðaráætlun umhverfis- og auðlindastefnu.

Fundarhlé var gert í 5 mínútur við afgreiðslu málsins.
2. 1810082 - Skíðasvæðið Bláfjöllum, Kópavogsbæ, beiðni um umsögn
Umhverfis- og veitustjóri, Guðmundur Elíasson, fer yfir stöðu mála vegna fyrirhugaðra framkvæmda við skíðasvæðið í Bláfjöllum.
Umhverfis- og framkvæmdaráð afturkallar kæru f. h. Hafnarfjarðarbæjar til Úrskurðarnefndar umhverfis og auðlindamála dags. 31.05.2019.

Fulltrúi Viðreisnar benti á skort á gagnsæi þegar ákvörðun um Bláfjallasvæðið var samþykkt á sínum tíma þar sem sú ákvörðun sé ekki tekin í samráði við sérfræðinga á sviði umhverfis- og vatnsverndar. Þá telur Viðreisn það miður að verkið hafi ekki farið í umhverfismat þar sem svæðið er í jaðri vatnsbóls Höfuðborgarsvæðisins, ásamt því að ekki skuli vera búið að ganga frá vegáætlun fyrir svæðið sjálft. Þá teljum við slík ákvörðun sé ekki mjög umhverfisvæn og sé ekki í takt við umhverfisstefnu bæjarins.
Fulltrúar minnihluta og áheyrnarfulltrúar taka undir bókun Viðreisnar og eru mótfallin því að kæran verði dregin til baka.

Fulltrúar Sjálfstæðisflokks og Framsóknar og óháðra beinir þeim tilmælum til framkvæmdaraðila að lögð verði áhersla á að vatnsvernd og áhættumat vegna framkvæmda verði í fyrirrúmi og að vegaframkvæmdum verði flýtt til að lágmarka neikvæð umhverfisáhrif.
Niðurstaða Skipulagsstofnunar.pdf
3. 1904367 - Sólvangsvegur 4, Lækjarskóli, breyting
Stefán Eiríkur Stefánsson fer yfir stöðu mála vegna breytinga á Lækjarskóla.
Lagt fram til kynningar.
4. 1804295 - Rótarýklúbbur Hafnarfjarðar, Helgafell, útsýnisskífa, erindi
Tekið fyrir að nýju erindi Rótarýklúbbs Hafnarfjarðar vegna uppsetningu á útsýnisskífu. Óskað er eftir að opna svæðið fyrir bílaumferð tímabundið.
Umhverfis- og framkvæmdaráð hafnar erindinu og bendir á að um er að ræða grannsvæði vatnsverndar.
Útsýnispallur Layout1 (1).pdf
Erindi frá Rótarý klúbbi Hafnarfjarðar vegna opnun á eldra bílastæði við Kaldársel.msg
5. 1905237 - Yfirlagnir í Hafnarfirði, 2019
Tekið til umræðu.
Erindi frestað.
6. 16011208 - Leiðarendi, aðgerðir og verndun
Tekið til umræðu.
7. 1309581 - Betri Hafnarfjörður
Tekið á dagskrá. Þórey S Þórisdóttir, fulltrúi Viðreisnar, óskar eftir að málefni um Betri Hafnarfjörður verði sett á dagskrá.
1. Setja Betri Hafnarfjörð á ábyrgð nýs sviðs Þjónustu og Þróunar.
2. Sett verði fjármagn í að kynna vefinn.
3. Samþykkt verði sú verklagsregla að hæsta tillaga í lok hvers mánaðar verði tekin til formlegrar afgreiðslu hjá viðkomandi ráði.
4. Settir verði á fót hverfapottar fyrir hverfi bæjarins þar sem íbúar geti forgangsraðað fjárfestingum bæjarins innan síns hverfis að fyrirmynd Reykjavíkur og Garðabæjar.

Umhverfis- og framkvæmdaráð tekur jákvætt í erindið og vísar því til bæjarráðs.
8. 1905308 - Ungmennaráð, tillaga, Ástjörn
Tekin til umfjöllunar tillaga frá ungmennaráði sem vísað var til umhverfis- og framkvæmdaráðs frá bæjarstjórn þann 29.5. sl.
Tillaga frá Ungmennaráði.
1. Lagt er til að laga svæðið við Ástjörn þar sem flæðir yfir eftir miklar rigningar.
Hætta skapast fyrir bæjarbúa, fullorðna jafnt og börn.

Ágæti bæjarstjóri, bæjarfulltrúar, fulltrúar í Ungmennaráði Hafnarfjarðar og aðrir gestir.
Mig langar að ræða við ykkur um Ástjörn sem stækkar alltaf á veturnar. Þegar það rignir á veturnar stækkar tjörnin töluvert og fer inná göngustíga. Einnig frýs oftast yfirborðið á vatninu og þá finnst krökkum mjög gaman að skauta. En það er alls ekki hættulaust. Klakinn sem myndast er mjög sjaldan gegn frosinn og stafar því mikil hætt á því að krakkar detta ofan í djúpt ískalt vatnið. Stundum er vatnið dýpra en einstaklingurinn og er það því stórhættulegt ef einstaklinguinn dettur útí. Þetta svæði er í eigu Hauk en ef þeir ætla að nota það þá þurfa þeir hvort eð er að breyta svæðinu því eins og staðan er núna er svæðið ónothæft. Ég er með nokkrar hugmyndir um hvernig er hægt að bæta þetta. Þar á meðal eftirfarandi.
Það er hægt að setja flóðvarnargarð svo það leki ekki á svæðið. Það þarf þá að finna vatninu annan farveg.
En svo er líka hægt að dýpka Ástjörn einhverstaðar en það myndi mögulega trufla fuglalífið á svæðinu.
Hér er önnur hugmynd sem er svolitið erfið í framkvæmd en væri samt hægt að nota. Við gætum hækkað svæðið upp sem fer alltaf undir vatn á veturnar, þá værum við allt vatnið sem safnast þar upp en enn og aftur þyrfti þá að finna vatninu nýjan farveg.
Hafnarfjarðarbær gæti starfað með Haukum til þess að laga þetta svæði en aðal málið er að gera eitthvað í því sem fyrst.

Umhverfis- og framkvæmdaráð felur sviðinu að taka saman greinargerð.
Fundargerðir
9. 1901143 - Strætó bs, fundargerðir 2019
Lögð fram fundargerð nr. 304.
Fundargerd stjornarfundur 304 17. mai´ 2019.docx
10. 1901142 - Sorpa bs, fundargerðir 2019
Lagðar fram fundargerðir nr. 407 og nr. 408.
Fundargerð 407 stjórnarfundar undirrituð.pdf
Fundargerð 408 stjórnarfundar undirrituð.pdf
11. 1708176 - Skarðshlíðarskóli, framkvæmdir
Lögð fram verkfundargerð nr. 32.
2019-04-24_Verkfundur 32.pdf
12. 1701334 - Sólvangsvegur 2, hjúkrunarheimili, framkvæmdir
Lögð fram verkfundargerð nr. 50.
Sigurður Haraldsson gerir grein fyrir stöðu framkvæmda.
17120001-1-FV-0237-Solvangur_verkfundargerd_nr.050.pdf
13. 1801099 - Kaplakriki, framkvæmdir
Lögð fram fundargerð 17. fundar dags. 17.5.2019.
Kaplakrikahópur fundargerð 17.5.2019 (002).pdf
Fleira ekki gert. Fundi slitið kl. 10:40 

Til baka Prenta