Fundargerðir



Fundargerðir

Til baka Prenta
Bæjarstjórn - 1809

Haldinn í fundarsal bæjarstjórnar Hafnarborg,
22.08.2018 og hófst hann kl. 17:00
Fundinn sátu: Rósa Guðbjartsdóttir. Adda María Jóhannsdóttir. Kristinn Andersen. Ólafur Ingi Tómasson. Friðþjófur Helgi Karlsson. Jón Ingi Hákonarson. Helga Ingólfsdóttir. Ágúst Bjarni Garðarsson. Guðlaug Svala Steinunnar Kristjánsdóttir. Sigurður Þórður Ragnarsson. Kristín María Thoroddsen.
Fundargerð ritaði: Ívar Bragason
Mættir voru allir aðalbæjarfulltrúar.

Forseti bæjarstjórnar Kristinn Andersen setti fundinn og stjórnaði honum.

Næst bar forseti upp tillögu um að taka með afbrigðum eftirfarandi mál inn á dagskrá fundarins:1806100 - Samband íslenskra sveitarfélaga kosning fulltrúa á landsþingi 2018-2022.

Er framangreint samþykkt samhljóða með 11 greiddum atkvæðum.

Var næst gengið til dagskrár.


Dagskrá: 
Almenn erindi
2. 1802385 - Reykjanesbraut, samgönguáætlun, ályktun
Lögð fram ályktun bæjarstjórnar.
Forseti les upp svohljóðandi tillögu að sameiginlegri ályktun bæjarstjórnar:

"Bæjarstjórn Hafnarfjarðar lýsir yfir miklum vonbrigðum með að framkvæmdir við Reykjanesbraut séu ekki hafnar og að ekki sé gert ráð fyrir þeim í nýjustu útboðsverkefnum Vegagerðarinnar. Bæjarstjórn tekur undir fyrirspurnir bæjarstjóra Hafnarfjarðar til samgöngu- og sveitarstjórnarráðherra þar sem krafist er skýringa á því.
Bæjarstjórn Hafnarfjarðar ítrekar áhyggjur af þeirri miklu bílaumferð sem í dag fer um einfalda kafla brautarinnar og tvenn gatnamót á henni, við Lækjargötu og Kapklakrika. Sá vegkafli sem enn á eftir að tvöfalda og umrædd gatnamót eru fyrir löngu orðnir miklir farartálmar og þeim fylgir síaukin slysahætta.
Mikil fjölgun ferðamanna á undanförnum árum sem fara í gegnum Leifsstöð er fordæmalaus. Sú staðreynd ásamt mikilli fjölgun íbúa á Reykjanesi og í Hafnarfirði hefur leitt til þess að umferð um Reykjanesbraut hefur margfaldast. Þetta álag á einfalda brautina í gegnum Hafnarfjörð hefur leitt til mikilla umferðartafa á þeim kafla og sífellt fleiri slysa. Er því ljóst að ekki er hægt að bíða lengur með að ráðast í tvöföldun hennar á þeim kafla.
Bæjarstjórn Hafnarfjarðar krefst þess að ráðherrar og alþingismenn sjái til þess að í nýrri og endurskoðaðri vegaáætlun sem lögð verður fram nú á haustþingi, verði fjármagn tryggt til að ráðast í þessar brýnu framkvæmdir á Reykjanesbrautinni í gegnum Hafnarfjörð. Skilvirkar samgöngur á svæðinu og öryggi vegfarenda er í húfi. Ljóst er að við núverandi ástand verður ekki unað lengur."

Samþykkt samhljóða.

3. 1211376 - Ásvallabraut tenging Valla og Áslands, deiliskipulag
14.liður úr fundargerð skipulags- og byggingaráðs frá 26.júní sl.
Afgreiðslu deiliskipulags Ásvallabraut var frestað á fundi bæjarstjórnar Hafnarfjarðar 20. júní s.l. og vísað aftur til skipulags- og byggingarráðs.
Erindi lagt fram á ný ásamt athugasemdum sem bárust.

Skipulags- og byggingarráð samþykkir umsögn skipulagsfulltrúa, dagsetta 25. apríl 2018 og vísar málinu aftur til afgreiðslu í bæjarstjórn og leggur til að erindið verði samþykkt. Skipulags- og byggingarráð leggur til að málið verði tekið fyrir eftir sumarleyfi bæjarstjórnar eða 22. ágúst nk.

Til máls tekur Ólafur Ingi Tómasson. Einnig tekur til máls Adda María Jóhannsdóttir. Þá tekur Ólafur Ingi til máls öðru sinni. Adda María kemur upp til andsvars.

Helga Ingólfsdóttir tekur næsta til máls. Einnig Guðlaug Kristjánsdóttir og Friðþjófur Helgi Karlsson. Ólafur Ingi kemur næst til andsvars við ræðu Friðþjófs.

Næst tekur til máls Sigurður Þ. Ragnarsson. Til andsvars kemur Ólafur Ingi.

Til máls tekur Jón Ingi Hákonarson.

Bæjarstjórn samþykkir með 10 atkvæðum að erindinu verði lokið í samræmi við 2. mgr. 32. gr. laga 123/2010 og 3. mgr. 41. gr. skipulagslaga nr. 123/2010. Adda María situr hjá við atkvæðagreiðslu.
Ásvallabraut deilisk. umsögn Umhverfisstfonunar.pdf
Umsögn vegna skipulags frá Vegagerðinni.
ASK_2013_Adalskipulag_Hfj_Asvallabraut.pdf
SA1702-Greinargerð og umhverfisskýrsla.pdf
Greinagerð send 11. janúar 2018
DG1402-Deilisk.uppdráttur 11.01.2018.pdf
DG1402-Deilisk.greinargerd 10.01.2018.pdf
DG1402-Ásvallabr.Skýringaruppdráttur_.pdf
4. 1808180 - Fornubúðir 5, skipulagsbreyting
1.liður úr fundargerð skipulags-og byggingaráðs frá 14.ágúst sl.
Með úrskurði ÚUA þann 12. júlí s.l. var samþykkt bæjarstjórnar Hafnarfjarðar á deiliskipulagi Suðurhafnar vegna Fornubúða 5 felld úr gildi. Jafnframt var samþykkt byggingarfulltrúans í Hafnarfirði frá 27 mars s.l. á umsókn um byggingu skrifstofu- og rannsóknarhúss sem tengist sjávarútvegi felld úr gildi.

Með vísan til úrskurðar ÚUA frá 12 júlí s.l. og 2. mgr. 41. gr. skipulagslaga nr. 123/2010 er lögð fram breyting á aðalskipulagi Hafnarfjarðar 2013-2025 dags. 08.08.2018 er varðar breytingu á greinagerð aðalskipulags Hafnarfjarðar 2013-2025 um landnotkunarflokk H. Lýsing skipulagsverkefnisins dags 19.07.2018 samanber 1. mgr. 30 gr. sömu laga var samþykkt á fundi skipulags- og byggingarráðs þann 20.07.2018. Jafnframt lagt fram deiliskipulag lóarinnar Fornubúða 5 dags. 10.08.2018.

Skipulags- og byggingarráð samþykkir fyrir sitt leyti framlagða tillögu að breytingu á aðalskipulagi Hafnarfjarðar 2013-2025 dags. 08.08.2018 og deiliskipulagi Fornubúða 5 dags. 10.08.2018. Jafnframt er samþykkt að málsmeðferð verði í samræmi við 31. gr. skipulagslaga 123/2010 er varðar breytingu á aðalskipulagi Hafnarfjarðar 2013-2025 og í samræmi við 41. gr. skipulagslaga 123/2010 er varðar deiliskipulag Fornubúða 5.

Skipulags- og byggingarráð leggur til við bæjarstjórn Hafnarfjarða:
"Bæjarstjórn Hafnarfjaðar samþykkir framlagða tillögu að breytingu á aðalskipulagi Hafnarfjarðar 2013-2025 dags. 08.08.2018 og deiliskipulagi Fornubúða 5 dags. 10.08.2018. Jafnframt er samþykkt að málsmeðferð verði í samræmi við 31. gr. skipulagslaga 123/2010 er varðar breytingu á aðalskipulagi Hafnarfjarðar 2013-2025 og í samræmi við 41. gr. skipulagslaga 123/2010 er varðar deiliskipulag Fornubúða 5."

Ólafur Ingi Tómasson tekur til máls. Adda María Jóhannsdóttir kemur til andsvars. Ólafur Ingi svarar andsvari. Einnig kemur Guðlaug Kristjánsdóttir til andsvars. Ólafur Ingi svarar andsvari.

Friðþjófur Helgi Karlsson tekur til máls. Einnig Adda María Jóhannsdóttir.

Bæjarstjórn Hafnarfjaðar samþykkir með 9 greiddum atkvæðum framlagða tillögu að breytingu á aðalskipulagi Hafnarfjarðar 2013-2025 dags. 08.08.2018 og deiliskipulagi Fornubúða 5 dags. 10.08.2018. Jafnframt er samþykkt að málsmeðferð verði í samræmi við 31. gr. skipulagslaga 123/2010 er varðar breytingu á aðalskipulagi Hafnarfjarðar 2013-2025 og í samræmi við 41. gr. skipulagslaga 123/2010 er varðar deiliskipulag Fornubúða 5. Adda María Jóhannsdótttir og Jon Ingi Hákonarson sitja hjá við atkvæðagreiðsluna.
Athugasemdir vegna aðalskipulagsbreytingar að Fornubúðum 5.pdf
1701_deilskipulagsbreyting 01 (1).pdf
ASK_2013_2025_Sudurhofn_08082018.pdf
ASK_2013_2025_Sudurhofn_ein_mynd_08082018.pdf
5. 1805076 - Hamraneslína, bráðabirgðaflutningur
2.liður úr fundargerð skipulags- og byggingaráðs frá 14.ágúst sl.
Lögð fram breyting með vísan til 1. mgr. 36. gr. skipulagslaga nr. 123/2010, á Aðalskipulagi Hafnarfjarðar 2013-2025 dags. 08.08.2018 er varðar færslu á háspennulínu við Hamranes.
Skipulagslýsing dags. 22. maí 2018 var samþykkt 10.07.2018 í skipulags- og byggingarráði. Lagt fram bréf Skipulagsstofnunar dags. 19.07.2018 um ákvörðun á matskyldu.

Skipulags- og byggingarráð samþykkir fyrir sitt leyti framlagða tillögu að breytingu á aðalskipulagi Hafnarfjarðar 2013-2025 dags. 08.08.2018. Jafnframt er samþykkt að málsmeðferð verði í samræmi við 31. gr. skipulagslaga 123/2010 er varðar breytingu á aðalskipulagi Hafnarfjarðar 2013-2025.

Skipulags- og byggingarráð leggur til við bæjarstjórn Hafnarfjarðar:
"Bæjarstjórn Hafnarfjarðar samþykkir framlagða tillögu að breytingu á aðalskipulagi Hafnarfjarðar 2013-2025 dags. 08.08.2018 og að málsmeðferð verði í samræmi við 31. gr. skipulagslaga 123/2010 er varðar breytingu á aðalskipulagi Hafnarfjarðar 2013-2025."

Ólafur Ingi Tómasson tekur til máls. Til andsvars kemur bæjarstjóri Rósa Gubjartsdóttir.

Til máls tekur Jón Ingi Hákonarson. Til andsvars kemur Ólafur Ingi Tómasson.

Bæjarstjórn Hafnarfjarðar samþykkir samhljóða framlagða tillögu að breytingu á Aðalskipulagi Hafnarfjarðar 2013-2025, dags. 08.08.2018, og að málsmeðferð verði í samræmi við 31. gr. skipulagslaga nr. 123/2010 er varðar breytingu á Aðalskipulagi Hafnarfjarðar 2013-2025.
ASK_2013_2025_Haspennulina_faersla_08082018.pdf
Hamraneslínur.pdf
6. 1704040 - Fjárhagsáætlun Hafnarfjarðarkaupstaðar og fyrirtækja hans 2018 og 2019-2021
3.liður úr fundargerð bæjarráðs frá 16.ágúst sl.
Rósa Steingrímsdóttir, sviðsstjóri fjármálasviðs mætti til fundarins.

Lagður fram viðauki við fjárhagsáætlun.

Bæjarráð leggur til við bæjarstjórn að samþykkja framlagðan viðauka við fjárhagsáætlun.

Fulltrúar Samfylkingar, Bæjarlista og Viðreisnar leggja fram svohljóðandi bókun:
Undirritaðir fulltrúar óska bókað undir lið í viðauka um að Hafnarfarðarkaupstaður falli frá byggingu knatthús í Kaplakrika.

Minnihluti bæjarstjórnar hefur ákveðið að kæra þessa ákvörðun meirihluta til samgöngu- og sveitastjórnarráðuneytis, á grunni þess að hún standist ekki 65. grein laganna um ábyrga meðferð fjármuna sveitarfélagsins. Furðu sætir að gera eigi viðauka áður en úrskurður liggur fyrir um lögmæti gjörningsins.

Fram kom við fyrirspurn um stöðu íþróttahússins í Kaplakrika, að það er bókfært á 92 milljón krónur í bókhaldi bæjarins. Er þar væntanlega um að ræða 80% eignarhlut bæjarins í umræddu húsi, sem meirihlutinn virðist nú ætla að láta Hafnarfjörð kaupa aftur af sjálfum sér. Spurningar vekur hvernig þetta bókfærða virði passar við áætlun meirihluta um að greiða 790 milljónir fyrir hús sem bærinn sjálfur hefur skjalfest á mun lægra virði. Annars vegar er þar um að ræða íþróttahúsið sem fyrr greinir og hins vegar eldra verðmat á Risa og Dverg upp á 200 milljónir fyrir 55% hlut í báðum byggingum, samanber kauptilboð Hafnarfjarðarbæjar frá janúar 2017.
Fjárhagsáætlun er gildandi stefna sveitarfélagsins og hana ber að virða. Um hana gilda leikreglur sem fara ber eftir. Í 87. gr. samþykkta bæjarins og 63. gr. sveitarstjórnarlaga 138/2011 er skýrt kveðið á um bindandi áhrif ákvörðunar um fjárhagsáætlun ársins. Þar kemur fram í 2. mgr. að óheimilt sé að víkja frá fjárhagsáætlun nema sveitarstjórn hafi áður samþykkt viðauka við áætlunina. Það að leggja fram viðauka nú, eftir að málið hefur verið keyrt í gegnum bæjarráð og bæjarstjórn með meirihlutavaldi, getur því með engu móti talist merki um góða stjórnsýsluhætti og fer beinlínis gegn ákvæðum sveitarstjórnarlaga. Fullyrðing í viðauka um að umrædd breyting á fjárhagsáætlun hafi ekki áhrif á rekstur, efnahag eða sjóðsstreymi þarfnast frekari útskýringa. Fulltrúar minnihluta í bæjarstjórn lögðu fram fyrirspurn þess efnis á fundi bæjarstjórnar í gær, þann 15. ágúst 2018. Eðlilegt hefði verið að bíða með frekari ákvarðanir eða vinnu á grundvelli þessarar tillögu þar til þeim fyrirspurnum hefur verið svarað og bæjarfulltrúar hefðu tök á að geta tekið upplýsta og vandaða afstöðu til málsins.

Adda María Jóhannsdóttir, Guðlaug Svala Kristjánsdóttir, Vaka Ágústsdóttir

Fulltrúar Framsóknarflokks og óháðra og fulltrúar Sjálfstæðisflokks leggja fram svohljóðandi bókun:
Eins og komið hefur fram á undanförnum árum eru eignarhlutir í mannvirkjum á Kaplakrika ekki rétt skráðir í öllum tilvikum og hefur verið ljóst um langan tíma að brýnt er að klára þau skipti. Ber þar hæst að ákvæði í samningi Hafnarfjarðarbæjar við FH sem samþykktur var í bæjarstjórn 10. janúar 1989 hefur aldrei verið fullnustað og eignarhlutir því ekki rétt skráðir í bókum bæjarins. Í 7. gr. samningsins segir m.a.: ,,Húsið skal vera sameign Hafnarfjarðarbæjar og FH í hlutföllunum 80-20 til 1. janúar 2005, en að loknum þeim tíma skal FH eignast húsið að fullu og öllu og reka það frá þeim tíma á sína ábyrgð og sinn kostnað.“

Með rammasamkomulaginu við FH sem nú hefur verið samþykkt er verið að taka af skarið og klára eignaskiptasamninga við félagið. Samkvæmt verðmati sem fengið var frá fasteignasala á árinu 2017 stendur mat hússins á verðbilinu 400-500 milljónir króna. Helsta verkefni Kaplakrikahópsins er að klára þessa eignaskipti og sjá til þess að eignir séu rétt skráðar í opinberar bækur eins og eftirlitsnefnd með fjármálum íþróttafélaga hefur hvatt til, nú síðast á fundi sínum í maí sl.

Um er að ræða óháða eftirlitsnefnd með fjármálum íþróttafélaga sem var sett á laggirnar í byrjun árs 2017 og hefur fundað reglulega síðan. Í fundargerð nefndarinnar frá 14.5.2018 segir:

9. 1805293 - Eignaskiptasamningar Hafnarfjarðarbæjar og íþrótta- og tómstundafélaga
Hlutdeild Hafnarfjarðar í sameiginlegum íþróttamannvirkjum íþrótta- og tómstundafélaga er ekki alltaf ljós eða rétt skráð í opinberar bækur.
Íþróttafulltrúi sendir sviðstjórum og bæjarstjóra erindi frá nefndinni vegna þessa og kallar á að þessar eignir séu rétt skráðar og vinni við það hefjist og klárist sem fyrst.

Lögð fram svohljóðandi bókun:
Staðreyndir málsins í opinberum gögnum eru þær að íþróttahúsið er í 80% eign Hafnarfjarðarkaupstaðar, bókfært á 92 milljónir og að á því hvíla skuldir bæjarins að upphæð samtals 870 milljón króna, gagnvart fjölmörgum lífeyrissjóðum.
Vakin er athygli á því að minnihluti bæjarstjórnar hefur lagt fram fyrirspurn um minnisblað sem gert var á síðasta kjörtímabili um stöðu hins meinta gjafagjörnings frá 1989. Það minnisblað hefur ekki verið lagt fram.
Ljóst er að Hafnarfjörður hefur meðhöndlað þennan eignarhlut sem sína eign frá árinu 2005 jafnt og áður, bæði með viðhaldskostnaði og ekki síður veðsetningu.

Adda María Jóhannsdóttir, Guðlaug Svala Kristjánsdóttir, Vaka Ágústsdóttir

Fulltrúar meirihluta vísa í fyrri bókun sína hér að ofan.

Til máls tekur Rósa Guðbjartsdóttir. Einnig tekur til máls Guðlaug Kristjánsdóttir. Til andsvars kemur Rósa Guðbjartsdóttir.

Til máls tekur Friðþjófur Helgi Karlsson. Einnig Jón Ingi Hákonarson. Til andsvars kemur Rósa Guðbjartsdóttir.

Til máls tekur Adda María Jóhannsdóttir. Til andsvars kemur Rósa Guðbjartsdóttir.

Guðlaug Kristjánsdóttir tekur til máls öðru sinni. Til andsvars kemur Rósa Guðbjartsdóttir. Guðlaug Kristjánsdóttir svarar andsvari.

Adda María tekur til máls öðru sinni.

Til máls öðru sinni tekur Jón Ingi Hákonarson. Rósa Guðbjartsdóttir kemur til andsvars. Einnig til andsvars kemur Adda María Jóhannsdóttir.

Fundarhlé kl. 19:48.

Fundi framhaldið kl. 20:15.

Bæjarstjórn samþykkir framlagðan viðauka við fjárhagsáætlun með 6 atkvæðum fulltrúa Sjálfstæðisflokks og Framsóknar og óháðra gegn 4 atkvæðum fulltrúa, Viðreisnar, Samfylkingar og Bæjarlistans. Sigurður Þ. Ragnarsson situr hjá við atkvæðagreiðsluna.

Helga Ingólfsdóttir gerir grein fyrir atkvæði sínu og leggur fram svohljóðandi bókun:

Þessi viðauki sem hér er lagður fram í dag til samþykktar er að hluta til vegna ákvörðunar sem samþykkt var á síðasta bæjarstjórnarfundi hvað varðar breytingu fjárfestingaáætlun vegna byggingar nýs knatthúss. Ég tók ekki þátt í afgreiðslu málsins.

Ég er fylgjandi byggingu nýs knatthúss á athafnasvæði FH að Kaplakrika og tók þátt í undirbúningi þess verkefnis af einhug á síðasta kjörtímabili. Á síðasta kjörtímabili var ennfremur unnið að þeirri stefnumótun að íþróttamannvirki sem Hafnarfjarðarbær samþykkir að byggja verði að öllu jöfnu í 100% eigu sveitarfélagsins. Þetta er í samræmi við þróun í þeim sveitarfélögum sem við berum okkur saman við og ennfremur í samræmi við breytingar á rekstrarsamningum við íþróttafélög sem gerðir voru á síðasta kjörtímabili. Heilt yfir er markmiðið að tryggja jafnræði milli íþróttagreina og gegnsæi með þá fjármuni sem settir eru í uppbyggingu og rekstur íþrótta- og tómstundafélaga í bænum. Þessari stefnumótun hef ég tekið þátt í og ég byggi afstöðu mína til samþykkts rammasamkomulags við FH á því að ég tel farsælla að vinna áfram í samræmi við þá meginstefnu að fjárfestingar sem ráðist er í vegna uppbyggingar íþróttamannvirkja verði í umsjón og eigu sveitarfélagsins.


Adda María gerir einnig grein fyrir atkvæði sínu.

Einnig Guðlaug Kristjánsdóttir sem kemur einnig að svohljóðandi bókun:

Bæjarfulltrúar Samfylkingar, Viðreisnar og Bæjarlista ítreka fyrri bókanir sínar og athugasemdir um málsmeðferð varðandi þá ákvörðun meirihlutans að falla frá byggingu bæjarins á knatthúsi á Kaplakrika og lýsa furðu á því að haldið sé áfram með málið á meðan kæruferli er í gangi.
Bæjarfulltrúarnir fordæma jafnframt þá staðreynd sem fram kom í umræðu um viðaukann hér í dag að bæjarstjóri hafi þegar greitt út 100 milljónir króna úr bæjarsjóði til Fimleikafélags Hafnarfjarðar án þess að fyrir lægi samþykktur viðauki. Slíkur gjörningur er andstæður 2. málsgrein 63. greinar sveitastjórnarlaga og heimildarlaus með öllu og allra síst til marks um ábyrga fjármálastjórn. Einnig stangast hann á við 65. grein, um ábyrga meðferð fjármuna sveitarfélagsins.
Með þessari framgöngu hefur meirihlutinn endanlega bitið höfuðið af skömminni í þessu máli og sýnt af sér fullkomið ábyrgðarleysi gagnvart sameiginlegum fjármunum Hafnfirðinga.
Þessi gjörningur bæjarstjóra verður kærður til samgöngu- og sveitastjórnarráðuneytisins til að fá úr því skorið hvort lög hafi verið brotin í starfi.

Fundarhlé kl. 20:20.

Fundi framhaldið kl. 20:36.

Rósa Guðbjartsdóttir leggur fram svohljóðandi bókun:

Samkvæmt rammasamkomulagi Hafnarfjarðarbæjar við Fimleikafélag Hafnarfjarðar er kveðið á um að starfshópur, svokallaður Kaplakrikahópur sem stofnaður hefur verið, muni m.a. hafa fjárhagslegt eftirlit með framkvæmd við byggingu nýs knatthús, og tryggja að greiðslur vegna eignaskiptanna verði inntar af hendi samkvæmt fjárhagsáætlun ársins sem samþykkt var í desember 2017 og eftir því sem framkvæmdum framvindur. Í Kaplakrikahópnum eru meðal annars endurskoðandi bæjarins og lögmaður en bæjarfulltrúar minnihlutans hafa afþakkað þátttöku í hópnum.
Í fjárhagsáætlun Hafnarfjarðarbæjar fyrir árið 2018 voru 200 milljónir króna áætlaðar til uppbyggingar knattspyrnuaðstöðu á Kaplakrika. Í viðauka þessum sem fjármálastjóri lagði fram í bæjarráði í síðustu viku segir að breytingin samkvæmt rammasamkomulaginu hafi engin áhrif á rekstur, fjárhag eða sjóðsstreymi bæjarins.

Rósa Guðbjartsdóttir.






Viðauki III 16.08.2018.pdf
7. 1804359 - Ósk um niðurfellingu á fasteignaskatti og lóðarleigu vegna Kaplakrika 121342 (Dvergurinn)
6.liður úr fundargerð bæjarráðs frá 16.ágúst sl.
Lögð fram beiðni frá Fimleikafélagi Hafnarfjarðar um niðurfellingu fasteignaskatts og lóðarleigu af fasteigninni Kaplakriki 121342 (Dvergurinn) sem er í eigu FH Knatthúsa ehf.

Kristinn Andersen tók aftur sæti á fundinum.

Með vísan til reglna um styrki til greiðslu fasteignaskatts til félaga og félagasamtaka frá 5. desember 2012, samstarfssamnings ÍBH og Hafnarfjarðar frá 2008 og fyrirliggjandi minnisblaðs, samþykkir bæjarráð erindi frá Fimleikafélagi Hafnarfjarðar um niðurfellingu fasteignaskatts og lóðarleigu af fasteigninni Kaplakriki 121342 (Dvergurinn) sem er í eigu FH Knatthúsa ehf. og vísar til afgreiðslu í bæjarstjórn.

Til máls tekur Guðlaug Kristjánsdóttir.

Bæjarstjórn staðfestir afgreiðslu bæjarráðs með 10 atkvæðum. Guðlaug Kristjánsdóttir situr hjá við atkvæðagreiðslu.

Adda María Jóhannsdóttir gerir grein fyrir atkvæði sínu.
Samtarfssamningur Hfj og ÍBH frá 2008
Reglur um styrki til greiðslu fasteignaskatts samþ í bæjarstjórn 5. desember 2012.pdf
8. 1808146 - Gjáhella 17, umsókn um lóð
17.liður úr fundargerð bæjarráðs frá 16. ágúst sl.
Lögð fram umsókn frá Sóldögg ehf um atvinnuhúsalóðina Gjáhellu 17.

Bæjarráð leggur til við bæjarstjórn að lóðinni Gjáhellu 17 verði úthlutað til Sóldaggar ehf.

Bæjarstjórn samþykkir samhljóða að lóðinni Gjáhellu 17 verði úthlutað til Sóldaggar ehf.
Kosningar
1. 1806100 - Samband íslenskra sveitarfélaga, kosning fulltrúa á landsþing 2018-2022
Bæjarstjórn tilnefnir og kýs eftirtalda aðila sem fulltrúa á landsþing Sambands íslenskra sveitarfélaga:

Aðalmenn:
Kristinn Andersen
Ólafur Ingi Tómasson
Ágúst Bjarni Garðarsson
Friðþjófur Helgi Karlsson
Jón Ingi Hákonarson
Guðlaug Svala Steinunnar Kristjánsdóttir

Varamenn:
Rósa Guðbjartsdóttir
Helga Ingólfsdóttir
Valdimar Víðisson
Adda María Jóhannsdóttir
Sigurður Þ. Ragnarsson
Sigrún Sverrisdóttir

Samþykkt samhljóða.
Fundargerðir
9. 1801218 - Fundargerðir 2018, til kynningar í bæjarstjórn.
Fundargerð bæjarráðs frá 16.ágúst sl.
a.Fundargerð heilbrigðisnefnar Hafnarfjarðar- og Kópavogssvæðis frá 16.júlí sl.
Fundargerð umhverfis- og framkvæmdaráðs frá 13.ágúst sl.
a. Fundargerð stjórnar SORPU bs. frá 4.júli sl.
Fundargerð skipulags- og byggingaráðs frá 14.ágúst sl.
Fundargerð fræðsluráðs frá 15.ágúst sl.
Fundargerð fjölskylduráðs frá 17.ágúst sl.
Fundargerð forsetanefndar frá 20.ágúst sl.

Til máls tekur Guðlaug Kristjánsdóttir undir fundargerð fjölskylduráðs frá 17.ágúst sl. sem og fundargerð forsetanefndar frá 20.ágúst sl.

2. varaforseti Ágúst Bjarni Garðarsson tekur við fundarstjórn.

Kristinn Andersen kmeur til andsvars við ræðu Guðlaugar Kristjánsdóttur. Einnig Helga Ingólfsdóttir. Guðlaug Kristjánsdóttir svarar andsvari. Helga Ingólfsdóttir kemur að stuttri athugasemd.

Kristín Thoroddsen tekur til máls undir fundargerð fræðsluráðs frá 15. ágúst sl.

Til máls tekur Sigurður Þ. Ragnarsson undir fundargerð fjölskylduráðs frá 17. ágúst sl.

Adda María Jóhannsdóttir tekur til máls.

Helga Ingólfsdóttir tekur til máls undir 3. lið fundargerð fjölskylduráðs frá 17. ágúst sl.
Fleira ekki gert. Fundi slitið kl.  

Til baka Prenta