Fundargerðir



Fundargerðir

Til baka Prenta
Bæjarráð - 3554

Haldinn í fundarsal bæjarstjórnar Hafnarborg,
27.08.2020 og hófst hann kl. 08:15
Fundinn sátu: Ágúst Bjarni Garðarsson formaður,
Kristinn Andersen varaformaður,
Ólafur Ingi Tómasson aðalmaður,
Sigurður Þórður Ragnarsson aðalmaður,
Guðlaug Svala Steinunnar Kristjánsdóttir áheyrnarfulltrúi,
Jón Ingi Hákonarson áheyrnarfulltrúi,
Friðþjófur Helgi Karlsson varamaður,
Fundargerð ritaði: Guðríður Guðmundsdóttir, 
Einnig sátu fundinn Rósa Guðbjartsdóttir bæjarstjóri og Sigríður Kristinsdóttir bæjarlögmaður og sviðsstjóri stjórnsýslusviðs.


Dagskrá: 
Almenn erindi
1. 2005324 - Rekstrartölur 2020
Rekstrartölur jan.-maí lagðar fram. Rósa Steingrímsdóttir sviðsstjóri fjármálasviðs mætir til fundarins.
Lagt fram.
Rekstrartölur jan-maí 2020_bæjarráð.pdf
2. 1902408 - Fjárhagsáætlun Hafnarfjarðarkaupstaðar og fyrirtækja hans 2020 og 2021-2023
Lagður fram viðauki nr. II.
Rósa Steingrímsdóttir sviðsstjóri fjármálasviðs og Sigurður Haraldsson sviðsstjóri umhverfis- og framkvæmdasviðs mæta til fundarins.
Guðmundur Sverrisson rekstrarstjóri sat fundinn undir þessum lið.
Viðauki II lagður fram og vísað til afgreiðslu í bæjarstjórn.
Viðauki II 27.ágúst 2020.pdf
3. 2005180 - Samgöngusáttmáli
Páll Björgvin Guðmundsson framkvæmdastjóri SSH og Hildigunnur Hafsteinsdóttir lögfræðingur hjá SSH mæta til fundarins.
Rósa Steingrímsdóttir sviðsstjóri fjármálasviðs sat fundinn undir þessum lið.

Lagt fram bréf frá framkvæmdastjóra SSH, þar sem fram kemur tillaga um að bæjarráð samþykki að Hafnarfjarðarkaupstaður taki þátt í að stofna opinbert hlutafélag, Betri samgöngur ohf., um uppbyggingu samgönguinnviða með aðild ríkissjóðs, Garðabæjar, Kópavogsbæjar, Mosfellsbæjar, Reykjavíkurborgar og Seltjarnarnesbæjar, sbr. heimild í 1. gr. laga nr. 81/2020 um heimild til að stofna opinbert hlutafélag um uppbyggingu samgönguinnviða á höfuðborgarsvæðinu, og leggi félaginu til hlutafé við stofnun þess með áskrift hluta að nafnvirði kr. 128.817,- í samræmi við fyrirhugaðan eignarhlut Hafnarfjarðarkaupstaðar í félaginu eða 3,22%.
Greiðsla hlutafjár verður með þeim hætti að Hafnarfjarðarkaupstaður innir af hendi kr. 128.817,- með eingreiðslu í reiðufé til félagsins samhliða stofnun þess.
Þá er til samræmis við framangreint lagt til að bæjarráð samþykki stofnsamning og hluthafasamkomulag fyrir Betri samgöngur ohf., sbr. hjálögð skjöl, og feli bæjarstjóra að undirrita þessi skjöl fyrir hönd Hafnarfjarðarkaupstaðar.
Bæjarráð samþykkir að Hafnarfjarðarkaupstaður taki þátt í að stofna opinbert hlutafélag, Betri samgöngur ohf., um uppbyggingu samgönguinnviða með aðild ríkissjóðs, Garðabæjar, Kópavogsbæjar, Mosfellsbæjar, Reykjavíkurborgar og Seltjarnarnesbæjar, sbr. heimild í 1. gr. laga nr. 81/2020 um heimild til að stofna opinbert hlutafélag um uppbyggingu samgönguinnviða á höfuðborgarsvæðinu, og leggi félaginu til hlutafé við stofnun þess með áskrift hluta að nafnvirði kr. 128.817,- í samræmi við fyrirhugaðan eignarhlut Hafnarfjarðarkaupstaðar í félaginu eða 3,22%.
Greiðsla hlutafjár verður með þeim hætti að Hafnarfjarðarkaupstaður innir af hendi kr. 128.817,- með eingreiðslu í reiðufé til félagsins samhliða stofnun þess.
Þá er til samræmis við framangreint lagt til að bæjarráð samþykki stofnsamning og hluthafasamkomulag fyrir Betri samgöngur ohf., sbr. hjálögð skjöl, og feli bæjarstjóra að undirrita þessi skjöl fyrir hönd Hafnarfjarðarkaupstaðar.

Bæjarráð samþykkir tillöguna með atkvæðum fulltrúa meirihluta og Samfylkingarinnar en fulltrúi Miðflokksins greiðir atkvæði á móti og leggur fram svohljóðandi bókun:
Sú vegferð sem verið er að hefja hér er algjör óvissuför þar sem gengið er út frá því að fjórföldun verði í notkun almenningssamgangna eða úr 4% í 16% sem þýðir að þá á eftir að koma 84% umferðarinnar um þessa einstíga sem bílum verður ætlað að aka um, eða eins og segir í frumdrögum um fyrsta áfanga Borgarlínu: „Almennar akstursakreinar eru í flestum tilfellum ein í hvora átt.“. Þá liggur ekki fyrir sundurliðuð kostnaðaráætlun um Borgarlínu. Vegna þessara mjög svo margra óvissuþátta er fulltrúi Miðflokksins á móti þessari för.

Áheyrnarfulltrúar Viðreisnar og Bæjarlistans styðja samþykkt um stofnun félagsins Betri samgöngur ohf.

HFJ Tillaga ásamt greinargerð.pdf
Fwd: Tillaga að afgreiðslu ásamt greinargerð.pdf
a_Hluthafasamkomulag um stjórnskipulag og eignarhald félagsins Betri samgöngur ohf..pdf
b_Stofnsamþykktir fyrir hlutafélagið Betri samgöngur ohf..pdf
c_Stofnsamningur fyrir hlutafélagið Betri samgöngur ohf. .pdf
HFJ fylgibréf hlutafélag.pdf
4. 1701108 - Rimmugýgur, húsnæðismál
Lagður fram afnota- og samstarfssamningur við Rimmugýgi. Til afgreiðslu.
Andri Ómarsson verkefnastjóri mætir til fundarins.
Bæjarráð samþykkir fyrirliggjandi afnota- og rekstrarsamning við víkingafélagið Rimmugýgi.
Afnota- og samstarfssamningur við Rimmugýg-LOKA.pdf
5. 1801574 - Stjórnsýsla sveitarfélaga, eftirlitshlutverk, samningar, erindi
Samgöngu- og sveitarstjórnarráðuneytið vekur athygli á eftirfarandi:
Ráðuneytið hefur lokið frumkvæðisathugun á samstarfssamningum sveitarfélaga, sem stofnað var til með vísan til eftirlitshlutverks þess með stjórnsýslu sveitarfélaga. Tilgangur athugunarinnar var að afla heildstæðra upplýsinga um samstarfssamninga sveitarfélaga og leggja mat á hversu vel samningarnir samræmast þeim kröfum sem gerðar eru til slíkra samninga í lögum.

Lagðar fram leiðbeiningar ráðuneytisins til sveitarfélaga um almenn sjónarmið sem gilda um samvinnu þeirra, form samvinnu og lagakröfur sem gerðar eru til slíkra samninga.
Lagt fram til kynningar.
Leiðbeiningar samningar um samvinnu SRN lokaútgáfa undirritað 20. ágúst 2020.pdf
6. 2008433 - Norðurhella 1, lóð fyrir dreifistöð HS Veitna hf
Lögð fram beiðni Festa fasteigna ehf og HS Veitna hf um að stofnuð verði lóð út úr lóð Festa fasteigna hf nr. 1 við Norðurhellu fyrir dreifistöð HS Veitna hf.

Stofnuð verði sérstök lóð sem yrði úthlutað til HS Veitna hf, lóðina þarf að stækka sbr. meðfylgjandi uppdrátt.

Til afgreiðslu.
Bæjarráð samþykkir fyrir sitt leyti framlagða beiðni og lóðarstækkun en bendir á að vinna þarf tillögu að breytingu á deiliskipulagi þar sem gert er ráð fyrir nýrri lóð úr Norðuhellu 1 og stækkun og breytingu á lóðarmörkum.

7. 2007646 - Hringhamar 7
Lögð fram beiðni Drauma ehf og Draumar hús ehf um að lóðarhafi verði Draumar hús ehf í stað Drauma ehf á lóðinni nr. 7 við Hringhellu.
Bæjarráð samþykkir að lóðarhafi lóðarinnar nr. 7 við Hringhamar verði Draumar hús ehf í stað Drauma ehf.
8. 2008623 - Eskivellir 11, íbúð 0204, kaup
Lagt fram kauptilboð í íbúð að Eskivöllum 11 ásamt söluyfirliti. Til afgreiðslu.
Bæjarráð samþykkir fyrirliggjandi kauptilboð vegna íbúðar 0204 að Eskivöllum 11.
9. 2008354 - Tinnuskarð 7,umsókn um lóð
Lögð fram umsókn Þórhalls Björnssonar og Hörpu Einarsdóttur um lóðina nr. 7 við Tinnuskarð.
Bæjarráð leggur til við bæjarstjórn að lóðinni nr. 7 við Tinnuskarð verði úthlutað til Þórhalls Björnssonar og Hörpu Einarsdóttur.
10. 2008386 - Nónhamar 1,umsókn um lóð
Lögð fram umsókn Bjargs íbúðafélags hses um lóðina nr. 1 við Nónhamar.
Bæjarráð leggur til við bæjarstjórn að lóðinni nr. 1 við Nónhamar verði úthlutað til Bjargs íbúðafélags hses.
11. 2008387 - Hringhamar 2, umsókn um lóð
Lögð fram umsókn Bjargs íbúðafélags hses um lóðina nr. 2 við Hringhamar.
Bæjarráð leggur til við bæjarstjórn að lóðinni nr. 2 við Hringhamar verði úthlutað til Bjargs íbúðafélags hses.
12. 1912354 - Búðahella 8 og Dofrahella 13,umsókn um lóð
Lögð fram umsókn um atvinnuhúsalóðina nr. 8 við Búðahellu og nr. 13 við Dofrahellu. Umsækjandi Linde Gas ehf
Bæjarráð leggur til við bæjarstjórn að lóðinni nr. 8 við Búðahellu og lóðinni nr. 13 við Dofrahellu verði úthlutað til Linde Gas ehf.
13. 1903545 - Starfshópur, Krýsuvík, framtíðarnýting
Lögð fram beiðni frá formanni hópsins um heimild fyrir allt að 10 fundum til viðbótar og að skil lokaskýrslu verði 31. maí 2021
Bæjarráð samþykkir framkomna beiðni um heimild fyrir allt að 10 fundum til viðbótar og að skil lokaskýrslu verði 31. maí 2021.
14. 1709249 - Samþykktir um stjórn Hafnarfjarðarkaupstaðar
Lögð fram fyrirspurn frá áheyrnafulltrúa Viðreisnar
1. Hvenær má vænta þess að lögð verði fram tillaga að breytingum á samþykktum um stjórn Hafnarfjarðar, sem Samgöngu- og sveitarstjórnarráðuneytið taldi nauðsynlegar, sbr. bréf ráðuneytisins frá 18. september 2019?
2. Hvers vegna hefur nýleg fyrirspurn ráðuneytisins til sviðsstjóra stjórnsýslusviðs um stöðu mála ekki verið lögð fram í bæjarstjórn?
3. Hefur fyrirspurn ráðuneytisins um stöðu mála verið svarað?
4. Hefur meirihlutinn ekki hugleitt að bregðast við og gera úrbætur á þeirri stöðu sem uppi er og hefur leitt til ógildingar á ákvörðunum sbr. t.d. úrskurð úrskurðarnefndar umhverfis og auðlindamála nr. 44/2019 (Gráhelluhraun)?
Lagt fram.
15. 2008641 - Landsfundur um jafnréttismál sveitarfélaga 2020
Lagt fram fjarfundarboð á landsfund um jafnréttismál sveitarfélaga 2020 sem verður 15. september nk.
Landsfundur um jafnréttismál sveitarfélaga 2020, fjarfundur 15. september nk..pdf
Fundargerðir
16. 1510061 - Ásvellir, uppbygging
Lögð fram fundargerð framkvæmdanefndar frá 23.júní sl.
5 fundur framkvæmdanefndar um uppbyggingu knatthúss á Ásvöllumi 23. júní 2020.pdf
17. 2007005F - Hafnarstjórn - 1578
Lögð fram fundargerð hafnarstjórnar frá 13.júlí sl.
18. 2008001F - Hafnarstjórn - 1579
Lögð fram fundargerð hafnarstjórnar frá 12.ágúst sl.
19. 2008015F - Menningar- og ferðamálanefnd - 352
Lögð fram fundargerð menningar- og ferðamálanefndar frá 20.ágúst sl.
20. 2001040 - Stjórn SSH, fundargerðir 2020
Lögð fram fundargerð stjórnar SSH frá 7.ágúst sl.
Stjórn SSH_500_fundur_2020_08_07.pdf
21. 2001037 - Sorpa bs, fundargerðir 2020
Lögð fram fundargerð stjórnar SORPU bs. frá 31.júlí sl.
431_stjórnarfundur_SORPU bs_31.07.2020.pdf
20200731 Framlenging samninga um gámaleigu.pdf
22. 2001036 - Strætó bs, fundargerðir 2020
Lögð fram fundargerð stjórnar Strætó bs. frá 14.ágúst sl.
Fundargerð stjo´rnarfundur 326 14. ágúst 2020.pdf
Kynning árshlutauppgjör 30.06.2020 stjórn 14.08.2020.pdf
Strætó BS árshlutareikningur 30.6.20.pdf
Helstu forsendur 2021 drög.pdf
Fleira ekki gert. Fundi slitið kl. 10:05 

Til baka Prenta