Fréttir




  • IMG_1030

Yfir 200 ungir dorgveiðimenn

20. jún. 2017

Yfir 200 dorgveiðimenn á aldrinum 6-12 ára mættu á Flensborgarbryggju í Hafnarfirði í dag, munduðu veiðarfærin og kepptust við að veiða sem flesta og furðulegasta fiska. Mohammad El Said sjö ára fékk verðlaun fyrir að fanga stærsta fiskinn en hann veiddi þyrskling sem vó hátt í 600 gr.

Færi og furðulegir fiskar

Árlega standa leikjanámskeiðin í Hafnarfirði fyrir dorgveiðikeppni við Flensborgarbryggju sem opin er öllum börnum á aldrinum sex til tólf ára. Í yfir 25 ár hefur Hafnarfjarðarbær staðið fyrir þessari dorgveiðikeppni og taka oft um 300 börn þátt þegar veður er gott. Börnin voru heldur færri í ár eða um 200 talsins en gleðin alltaf jafn mikil. Keppendur fá veiðarfæri á keppnisstað, beitu og leiðbeiningar frá starfsmönnum. Verðlaun voru veitt fyrir stærsta fiskinn sem að þessu sinni var þyrsklingur sem vó hátt í 600 gr. Það var Mohammad El Said sjö ára frá leikjanámskeiði Selsins í Öldutúnsskóla sem fékk verðlaun fyrir stærsta fiskinn. Leikjanámskeið hans í Öldutúnsskóla varl íka verðlaunað með bikar fyrir að veiða flestu fiskana. Leiðbeinendur íþrótta- og leikjanámskeiðanna voru með öfluga gæslu á meðan á dorgveiðikeppni stóð auk þess sem Siglingaklúbburinn Þytur var með björgunarbát siglandi um svæðið.