Fréttir



Fréttir

  • ErasmusPlusStyrkir2016

Úthlutun Erasmus+ styrkja 2017

16. maí 2017

Rannís hefur úthlutað um 3,5 milljónum evra eða tæplega 400 m.kr. í náms- og þjálfunarstyrki úr menntahluta Erasmus+, mennta- og æskulýðsáætlunar Evrópusambandsins. Fjármagninu var úthlutað til 63 verkefna og njóta ríflega eitt þúsund einstaklingar frá skólastofnunum, fræðsluaðilum og fyrirtækjum góðs af styrkjunum að þessu sinni. Styrkir hafa farið stighækkandi undanfarin ár og hefur einkum verknámið fengið mikla aukningu á styrkjum. En það er þó háskólastigið sem fær hæstu styrkina. Alls bárust 77 umsókn um styrki að upphæð ríflega 700 m.kr. Mesta nýliðunin í hópi umsækjenda var í starfsmenntahlutann en flestar umsóknir bárust í skólahlutann eða 42 umsóknir.

Náms- og þjálfunarverkefni gefa nemendum og starfsfólki skóla á öllum skólastigum, fræðslustofnana og fyrirtækja sem sinna menntun tækifæri til að taka hluta af námi eða sinna starfsþjálfun og kennslu í 33 löndum í Evrópu. Að auki geta háskólar sótt um samstarfsstyrki við lönd utan Evrópu. Eins og undanfarin ár var hæstum styrkjum úthlutað til Háskóla Íslands, Listaháskóla Íslands, Háskólans í Reykjavík og Tækniskólans. Einnig kom Borgarholtsskóli sterkur inn að þessu sinni.  Samtök sveitarfélaga á höfuðborgarsvæðinu fékk stóran styrk til að efla samstarf sveitarfélaganna varðandi móttöku flóttafólks og í fullorðinsfræðslunni voru veittir styrkir til efla þjálfun fólks sem vinnur með fötluðum og fólki sem glímir við þroskahömlun. Svo má geta þess að Hafnarfjarðarbær sótti um styrk fyrir hönd allra grunnskólanna í bænum til að senda starfsfólk bókasafna skólanna á námskeið erlendis.

Erasmus+ mennta- og æskulýðsáætlun Evrópusambandsins er stærsta áætlun í heimi á þessu sviði. Ísland fær árið 2017 um 8 milljónir evra eða ríflega 900 m.kr. til ráðstöfunar í verkefnistyrki á sviðum menntunar og æskulýðsmálefna þar af eru um 650 m.kr. til menntahlutans. Markmið Erasmus+ áætlunarinnar í menntun eru að ýta undir nýsköpun og þróun á evrópskum menntakerfum, meðal annars með því að styðja verkefni sem miða að því að efla grunnþætti eins og læsi og stærðfræði, ýta undir sköpunargáfu og frumkvæði nemenda, vinna gegn brotthvarfi, innleiða upplýsingatækni, efla starfsemi skólabókasafna og almennt efla gæði í menntun á öllum skólastigum og í atvinnulífi.

Yfirlit yfir úthlutaða styrki eftir skólastigum*

Leik-, grunn- og framhaldsskólar

31 skóli, sveitarfélög og fyrirtæki sem starfa á leik-, grunn- og framhaldsskólastigi var úthlutað alls 328. 718 evrum. Eftirtaldir hlutu styrki:

StofnunHeiti umsóknarÚthlutun
Samtök sveitarfélaga á höfuðborgarsvæðinuStuðningur til að efla læsi og aðlögun fjöl-/tvítyngdra í grunnskólum51.165 €
Menntaskólinn við SundStarfsþróun eflir nemendamiðaða faglega forystu23.255 €
NesskóliStarfsþróun starfsfólks Nesskóla22.255 €
BorgarholtsskóliSkapandi kennsla og lærdómur21.440 €
KlettaskóliÞó að ég tali ekki þýðir það ekki að ég hafi ekkert að segja....20.940 €
Skólaþjónusta ÁrborgarFjölmenningarlegir kennsluhættir, frístundastarf og pólsk menning13.950 €
Menntaskólinn á TröllaskagaSköpun og nýnæmi í skólastarfi13.650 €
OddeyrarskóliVaxandi lærdómssamfélag í Oddeyrarskóla12.165 €
HafnarfjarðarbærSkólabókasöfn sem lærdómssetur11.580 €
RimaskóliAð finna leiðir til að efla einstaklingsmiðað nám.10.980 €
Verkmenntaskóli AusturlandsBarist gegn brottfalli í VA10.520 €
Leikskóli SnæfellsbæjarAukin tækifæri til þekkingar10.000 €
Kvennaskólinn í ReykjavíkSímenntunarnámskeið fyrir starfsfólk 2017-20189.820 €
BrekkuskóliSkilvirkni og gæði náms.9.540 €
FlensborgarskóliMóttaka flóttamanna8.630 €
HólabrekkuskóliNámsgleði og þróun skólabókasafna8.050 €
Menntaskóli BorgarfjarðarNámsþróun kennara7.578 €
SalaskóliFrumkvæði, sköpun og lýðræði í námi7.100 €
ÞelamerkurskóliSkipulag náms og stöðluð matstæki6.990 €
Menntaskólinn við HamrahlíðTil móts við netkynslóðina6.160 €
Fjölbrautaskólinn við ÁrmúlaDigital Native 5.825 €
Heilsuleikskólinn KórHvernig nýta má núvitund með fjölbreyttum barnahópi5.805 €
GrandaskóliByggjum grunn5.140 €
Fjölbrautaskólinn í GarðabæRafræn framtíð - Heimsókn í framhaldsskólabókasöfn í Amsterdam3.660 €

 Hagaskóli

Gagnvirk þjálfun kennara í Hagaskóla2.920 €
RéttarholtsskóliÁframhaldandi fagþróun í notkun tækja á sviði upplýsingatækni í samstarfsverkefnum, í tengslum við lausnarleitarnám og kennslu.2.450 €
BreiðholtsskóliGagnvirk upplýsingatæknikennsla og spegluð kennsla2.210 €

 Myndlistaskólinn í Reykjavík

Endurmenntun fyrir kennara í barna- og unglingadeild, á almennum námskeiðum og í sjónlistadeild

 

2.140 €

Menntaskólinn á AkureyriNýjar leiðir í upplýsingatækni2.010 €
NorðlingaskóliSkólasafnið hjarta skólans1.930 €
Grunnskólinn í BorgarnesiSkólabókasafnið sem þekkingarmiðstöð1.930 €

Starfsmenntun

Fjórtán starfsmenntaskólar og stofnanir fengu samtals 749.720 evrum úthlutað. Eftirtaldir aðilar hlutu styrki:

StofnunHeiti umsóknarÚthlutun
Tækniskólinn - skóli atvinnulífsinsNýsköpun og tækni183.388 €
Keilir Aviation Academy ehf.Verkleg þjálfun flugvirkjanema í Skotlandi130.758 €
IDAN Fræðslusetur ehf.Íslenskir iðnnemar og starfsmenn í Evrópu87.245 €
BorgarholtsskóliSkapandi hæfileikar í kennslu og þjálfun77.516 €
Fjölbrautaskólinn í BreiðholtiÆfingin skapar meistarann66.210 €
Myndlistaskólinn i ReykjavíkEfni og aðferðir og tenging við evrópskt menntakerfi og starfsumhverfi fyrir nemendur og kennara61.610 €
Verkmenntaskólinn á AkureyriStarfsþjálfun í Evrópu, reglulegur hluti starfsmenntunar hjá VMA37.212 €
Landbúnaðarháskóli ÍslandsVíðari sjóndeildarhringur29.789 €
Verkmenntaskóli AusturlandsEfling starfsnáms við VA með evrópsku samstarfi21.728 €
Menntaskólinn á ÍsafirðiNám og þjálfum með áherslu á norður evrópskar hefðir og handverk15.430 €
LandspítaliÞjálfun heilbrigðisstarfsmann í hlutverki leiðbeinenda13.650 €
Slysavarnafélagið LandsbjörgUmhverfisáhrif eldæfinga í öryggisfræðslu sjómanna9.860 €
Menntaskólinn í KópavogiNámsferðir kennara og nemenda 2017-20189.284 €
Fjölbrautaskóli SuðurlandsStarfsspeglun kennara FSU6.040 €

Háskólar

Háskólinn á Akureyri, Háskólinn á Bifröst, Háskóli Íslands, Háskólinn í Reykjavík, Háskólinn á Hólum, Landbúnaðarháskóli Íslands á Hvanneyri og Listaháskóli Íslands fá samtals 1.900.000 evrur í hefðbundin stúdenta- og starfsmannaskipti. Þar að auki var úthlutað úr svokölluðum ,,alþjóðlegum“ hluta Erasmus+ . Í þeim flokki var háskólunum úthlutað 398.001 evrum í verkefni til að styrkja tengsl við háskóla utan Evrópu.

StofnunHeiti umsóknarÚthlutun
Háskóli ÍslandsStúdenta- og starfsmannaskipti795.315 €
Listaháskóli ÍslandsStúdenta- og starfsmannaskipti451.479 €
Háskólinn í ReykjavíkStúdenta- og starfsmannaskipti313.282 €
Háskólinn á BifröstStúdenta- og starfsmannaskipti148.562 €
Háskólinn á AkureyriStúdenta- og starfsmannaskipti101.513 €
Landbúnaðarháskóli ÍslandsStúdenta- og starfsmannaskipti50.705 €
Háskólinn á HólumStúdenta- og starfsmannaskipti39.144 €

Úthlutun í Erasmus+ háskólahluta 2017 samstarf við lönd utan Evrópu

Háskóli ÍslandsAlþjóðasamstarf utan Evrópu213.283 €
Háskólinn í ReykjavíkAlþjóðasamstarf utan Evrópu89.103 €
Listaháskóli ÍslandsAlþjóðasamstarf utan Evrópu66.725 €
Háskólinn á AkureyriAlþjóðasamstarf utan Evrópu20.800 €
Háskólinn á HólumAlþjóðasamstarf utan Evrópu8.090 €

Fullorðinsfræðsla

 6 aðilar innan fullorðinsfræðslugeirans hlutu samtals 72.350 evrur. Eftirtaldir aðilar fengu styrki:

StofnunHeiti umsóknarÚthlutun
Mínir símenntunTASK20.500 €
Björgunarhundasveit ÍslandsÞjálfun og þróun sveitarinnar18.520 €
Slysavarnafélagið LandsbjörgÞjálfun björgunarbátasveita11.870 €
Fræðslumiðstöð atvinnulífsinsStarfs- og verkefnaþróun hjá Fræðslumiðstöð atvinnulífsins11.470 €
Fræðslunetið-símenntun SuðurlandsHvernig fræða norðurlandaþjóðirnar fullorðið fólk með þroskahömlun um nánd, samskipti kynjanna og kynfræðslu?5.700 €
Fjölmennt símmenntunar og fræðslumiðstöðFræðsluferðir vegna fullorðins fatlaðs fólks4.020 €

*Upplýsingar eru birtar með fyrirvara um innsláttarvillur