Fréttir




Covid19. Upplýsingar. Information. Informacje

27. mar. 2020


Hafnarfjarðarbær hefur sett í loftið upplýsingasíðu um áhrif Covid19 á þjónustu sveitarfélagsins ásamt því að birta þar yfirlit yfir allar fréttir á vefnum sem tengjast Covid19. Sambærileg síða hefur verið gerð á ensku og pólsku .

Á vefnum www.covid.is er svo að finna upplýsingar fyrir almenning um Covid19 veirufaraldurinn. Sá vefur er á vegum embættis Landlæknis og almannavarna. Sérfræðingar frá embætti landlæknis uppfæra reglulega "Spurt og svarað" liðinn á síðunni og er bent sérstaklega þá undirsíðu ef spurningar vakna. 

Forgangsröðun verkefna og efling grunnstoða

Í ljósi neyðarstigs almannavarna sem nú er í gildi vegna COVID-19 veirunnar hefur Hafnarfjarðarbær gripið til nauðsynlegra aðgerða sem miða að því að forgangsraða verkefnum og verja grunnstoðir í þjónustu Hafnarfjarðarbæjar til að halda uppi samfélagslega mikilvægri þjónustu og starfsemi. Allar aðgerðir sveitarfélagsins hafa miðað að því að tryggja öryggi íbúa og starfsfólks með áherslu á þá þjónustu sem þarf að haldast órofin á öllum viðbragðsstigum. Neyðarstjórn Hafnarfjarðarbæjar er að störfum og fundar reglubundið á meðan neyðarstig almannavarna vegna Covid19 er í gildi. Rík áhersla er lögð á að viðskiptavinir nýti rafrænar þjónustuleiðir til að sækja þjónustu til sveitarfélagsins.

Á síðunni er m.a. að finna upplýsingar um áhrif Covid19 á eftirfarandi þjónustu:

  • Barnavernd
  • Dagforeldrar
  • Dagvistun og heimsóknarbann
  • Félagsmiðstöðvar ungmenna
  • Frístundabíll
  • Frístundaheimili grunnskólanna
  • Frístundaklúbburinn Kletturinn
  • Grunnskólar
  • Hafnarfjarðarhöfn
  • Leikskólar
  • Lækurinn – athvarf fyrir einstaklinga með geðrænan vanda
  • Sorphirða
  • Stuðningsþjónusta við eldra fólk – heimaþjónusta
  • Stuðningsþjónusta við eldra fólk – matur
  • Sundlaugar, íþróttamiðstöðvar og líkamsræktarstöðvar
  • Söfn sveitarfélagsins: Bókasafn, Hafnarborg og Byggðasafn
  • Tónlistarskóli Hafnarfjarðar
  • Umsækjendur um alþjóðlega vernd
  • Vinnu- og virknimiðuð stoðþjónusta fyrir fatlað fólk


Fara á upplýsingasíðu um áhrif Covid19 á þjónustu sveitarfélagsins.