Fréttir




  • IMG_4420

Ungmennaráð menntamála

7. des. 2016

Stofnað hefur verið ungmennaráð Menntamálastofnunar en í því eru unglingar á aldrinum 14 – 18 ára allstaðar að af landinu. Verða ungmennin stofnuninni innan handar með ráðgjöf um málefni og verkefni sem varða börn og unglinga. Bjarki Steinar Viðarsson hjá Ungmennaráði Hafnarfjarðar er fulltrúi Hafnarfjarðar í ráðinu.

Meðal verkefna sem þetta unga fólk mun fást við er að vera ráðgjafar um framtíðarsýn í þeim málum sem varða þeirra aldursflokk. Til að mynda námsmat, útgáfu námsefnis, innritun og fleira. Þá munu þau einnig sitja fundi, málþing eða ráðstefnur á vegum Menntamálastofunnar, ef þurfa þykir, og halda erindi á ráðstefnum, skrifa greinar í blöð og funda með ráðamönnum svo fátt eitt sé nefnt.

Alls eru 22 ungmenni í hinu nýstofnaða ráði, 12 stúlkur og 10 drengir. Voru þau valin af samstarfsaðilum Menntamálastofnunar í kjölfar samráðsfundar í vor með fulltrúum úr hinum ýmsu starfandi ungmennaráðum, en samstarfsaðilarnir eru Barnaheill, Umboðsmaður barna, Samband íslenskra sveitafélaga, UMFÍ, SAFT, Unicef og Samfés.

Í framhaldinu óskaði Menntamálastofnun eftir tilnefningum frá þessum aðilum og var ungmennaráðið sett á laggirnar í kjölfarið. Umsjónaraðili er Erla Ósk Guðjónsdóttir en eftirfarandi ungmenni skipa ráðið:

  1. Anna Mínerva Kristinsdóttir
  2. Ástþór Jón Tryggvason
  3. Berglín Sólbrá Bergsdóttir
  4. Bjarki Steinar Viðarsson
  5. Brynja Rún Guðmundsdóttir
  6. Eyrún Magnúsdóttir
  7. Guðmunda Bergsdóttir
  8. Guðný Rós Jónsdóttir
  9. Gunnar Ágústsson
  10. Haukur Orri Kristjánsson
  11. Hulda Margrét Sveinsdóttir
  12. Inga Huld Ármann
  13. Ingibjörg Ragnheiður Linnet
  14. Jón Ragnar Magnússon
  15. Júlíus Viggó Ólafsson
  16. Jökull Ingi Þorvaldsson
  17. Kristján Helgason
  18. Marta Valdís Reykdal
  19. Sara Rós Hulda Róbertsdóttir
  20. Sigrún Birna Steinarsdóttir
  21. Sigurður Ingvi Gunnþórsson
  22. Sindri Smárason