Fréttir




  • FlugeldarRusl

Tökum höndum saman og hreinsum eftir áramótin

2. jan. 2020

Gleðilegt nýtt ár kæru Hafnfirðingar!

Nokkuð mikið er um það tómir flugeldakassar, spýtur og prik liggi á víð og dreif um bæinn nú í upphafi árs og biðlum við til íbúa og fyrirtækja á svæðinu að huga að nærumhverfi sínu og taka til eftir áramótagleðina.

Tökum höndum saman og hreinsum upp eftir áramótin

Það er eins í þessu eins og svo mörgu öðru að margar hendur vinna létt verk. Við hvetjum íbúa Hafnarfjarðarbæjar og kaupendur flugelda að sýna gott fordæmi, hreinsa upp eftir sig og koma rusli í förgun. Rusl eftir flugelda skal flutt í móttökustöðvar Sorpu sem opnuðu 2. janúar. Varað er við því að leyfum af flugeldum sér hent í ruslatunnur öryggisins vegna. 

Ef sem flestir gefa sér tíma í það á nýja árinu að fegra nærumhverfi sitt þá náum við í sameiningu að koma bænum í samt horf og halda honum áfram hreinum og fínum.

Hjálpumst að við að hreinsa bæinn okkar!