Fréttir




  • Suðurbæjarlaug

Suðurbæjarlaug opnar á ný

11. sep. 2020

Fastagestir Suðurbæjarlaugar geta nú tekið gleði sína á ný en laugin verður opnuð að nýju eftir nokkurra vikna lokun vegna viðhaldsframkvæmda. Sundlaugin opnar á laugardaginn 12. september kl. 8 og verður opin á sama tíma og áður, á virkum dögum og um helgar. Líkt og í sumar verður útisvæði og þar með útiklefar einungis opnir þar sem framkvæmdir við innilaug og búningsklefa standa enn yfir. Fjöldi sundlaugagesta verður takmarkaður við 45 til að byrja með.

Ráðgert að opna inniklefa og innilaug í nóvember

Umfangsmiklar viðhaldsframkvæmdir hafa staðið yfir við Suðurbæjarlaug síðustu vikur og þá einkum á þaki laugarinnar. Í lok júlí var ákvörðun tekin um að loka lauginni alfarið en búið var fram að þeim tímapunkti að halda lauginni opinni með hvorutveggja Covid19 takmörkunum og þeim takmörkunum að einungis útisvæði var opið þ.e. pottar og laugar og útklefar einu skiptiklefar svæðisins. Fyrirséð er að framkvæmdir inni í Suðurbæjarlaug standi áfram yfir næstu vikurnar.

Sundhöll Hafnarfjarðar , sem opin hefur verið um helgar síðustu vikurnar, mun taka upp fyrri opnunartíma frá og með 11. september. Þannig verður Sundhöllin aftur opin alla virka daga frá 6:30 – 21:00 og lokuð um helgar.

Sjáumst í sundi!