Fréttir



Fréttir

  • Fyrsta-sprenging-skurdur-13-feb-19

Sprengingar vegna vinnu við Háabakka

20. feb. 2019

Framkvæmdir eru hafnar af fullum krafti við byggingu Háabakka í Hafnarfjarðarhöfn, en þessi nýi stálþilsbakki sem verður um 110 metra langur mun liggja milli enda Suðurbakka og Óseyrarbryggju framan við Fornubúðir. Ráðgert er að þessi bakki verði aðalviðlegustaður rannsóknarskipa Hafrannsóknarstofnunar sem mun flytja starfsemi sína að Suðurhöfninni á síðari hluta þessa árs.

Til undirbúnings fyrir niðurrekstur stálþilsins þarf að sprengja skurð í sjávarbotninn og var fyrsta sprenging í dag. Vænta má að sprengja þurfi í skurðstæðinu 3-4 sinnum í viðbót.

ATH! Næsta sprenging verður í dag miðvikudag kl. 17:00 
Áður en sprenging fer fram er gefið hljóðmerki í þrígang fólki til viðvörunar. 

Það er verktakafyrirtækið Hagtak sem sér um framkvæmdir við Háabakka fyrir Hafnarfjarðarhöfn en ráðgert er að búið verði að reka niður stálþilið í aprílmánuði og frágangur við hafnarbakka og yfirborð að fullu lokið á komandi hausti.