Fréttir




Skráning í sumarfrístund er hafin

28. apr. 2021

Í Hafnarfirði er boðið upp á fjölbreytta dagskrá fyrir börn og ungmenni yfir sumartímann. Á vefnum www.tomstund.is er hægt að skoða námskeið og sumarfrístund á vegum Hafnarfjarðarbæjar. Opið er fyrir skráningar frá og með 28. apríl 2021. 

Búið er að opna fyrir eftirfarandi skráningu:

  • Sumarfrístund fyrir 7-9 ára við alla grunnskóla
  • SumarKletturinn fyrir börn í 9–13 ára með sértæka stuðningsþörf
  • Tómstund fyrir 10-13 ára
  • Skemmtileg og skapandi sumarnámskeið í Hafnarborg fyrir 6-12 ára
  • Sumarfrístund fyrir 6 ára (útskriftarhópa leikskólanna)
  • Fjölskyldugarðar fyrir ræktun á grænmeti fyrir alla fjölskylduna við Öldutún og Víðistaði


Skráning fer fram hér

Sumarfrístund fyrir 7-9 ára

Sumarnámskeið eru starfrækt í öllum frístundaheimilum Hafnarfjarðar. Sumarfrístund inniheldur fjölbreytta dagskrá sem samanstendur af skapandi verkefnum, leikjum, hreyfingu, spennandi ferðum, sundferðum og sameiginlegum viðburðum. Dagskrá getur verið breytileg eftir því hvaða frístundaheimili er valið. Námskeið eru í boði í öllum frístundaheimilum frá 14. júní til 2. júlí. Boðið er uppá miðlægt námskeið í frístundaheimilinu Krakkabergi frá 5. júlí og hefjast námskeið aftur í öllum skólum 4. ágúst og standa til 23. ágúst.

Sumarfrístund fyrir 6 ára (útskriftarhópar leikskólanna)


Dagana 4. – 23. ágúst er boðið upp á fjölbreytta og uppbyggilega sumarfrístund í öllum frístundaheimilum í Hafnarfirði fyrir börn í útskriftarhóp leikskólanna, 6 ára börn fædd árið 2014. Námskeiðin eru líkt og hefðbundin sumarnámskeið en mikil áhersla er lögð á útiveru, hreyfingu, hollustu og er sérstaklega lagt upp með að fara í fjölbreytta leiki. Börnin fá tækifæri til að kynnast sínu frístundaheimili og nærumhverfi skólans með það að leiðarljósi að auka öryggi þeirra og vellíðan við upphaf skólagöngu.

Sjá nánar á www.tomstund.is

Opið er fyrir skráningu í sumarfrístund frá og með 28.apríl.
Skráning fer fram hér