Fréttir



  • Lifshlaupid20221
    Lifshlaupid20221

Skráning í Lífshlaupið er hafin

21. jan. 2022

Lífshlaupið 2022 - landskeppni í hreyfingu - hefst þann 2. febrúar. Skráning hófst miðvikudaginn 19. janúar.

Ætlar þú ekki örugglega að vera með í ár? 

Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra landsmanna. Markmið þess er að hvetja landsmenn til þess að fara eftir ráðleggingum Embættis landlæknis um hreyfingu hvort sem er í frítíma, vinnu, skóla eða við val á ferðamáta. Í ráðleggingunum segir að börn og unglingar ættu að hreyfa sig í minnst 60 mínútur daglega og fullorðnir ættu að stunda miðlungserfiða hreyfingu í minnst 30 mínútur daglega.

Nú sem aldrei fyrr er mikilvægt að huga vel að bæði andlegri og líkamlegri heilsu. Það er meðal annars hægt að gera með því að hreyfa sig reglulega því allt telur. Taktu þátt og hvettu fólkið í kringum þig líka til þess að taka þátt í Lífshlaupinu 2022!

Lífshlaupið skiptist í fjóra keppnisflokka:

  • Vinnustaðakeppni frá 2. febrúar – 22. febrúar, fyrir 16 ára og eldri
  • Framhaldsskólakeppni frá 2. febrúar – 15. febrúar, fyrir 16 ára og eldri
  • Grunnskólakeppni frá 2. febrúar– 15. febrúar, fyrir 15 ára og yngri
  • Einstaklingskeppni þar sem hver og einn getur skráð inn sína hreyfingu allt árið

Eins og ávallt eru landsmenn allir hvattir til þess að taka þátt í Lífshlaupinu og skapa skemmtilega stemningu og auka félagsandann á vinnustaðnum/í skólanum. Það er gaman að geta fylgst með sinni hreyfingu og jafnframt tekið þátt í þessari skemmtilegu landskeppni.

Skráðu þig til leiks

Skráningarferlið er einfalt og þægilegt en fínar leiðbeiningar má finna á vef verkefnisins. Þeir sem það kjósa geta hlaðið niður LífshlaupsAPP-inu  þar sem mun einfaldara er að skrá alla hreyfinguna sína þegar maður er komin í lið. Allt um LífshlaupsAPP-ið má finna hér. Samstarfsaðilar ÍSÍ vegna Lífshlaupsins eru: Advania, Rás 2 og MS. Á meðan á Lífshlaupinu stendur eru bæði úrdráttarverðlaun alla virka daga sem og myndaleikur á samfélagsmiðlum. Það eru veglegir vinningar í boði frá Mjókursamsölunni, Ávaxtabílnum, Skautahöllinni, Klifurhúsinu, World Class, Primal Iceland, Lemon og Granaólabarnum.

Sendu Lífshlaupinu efni 

Þátttakendur eru hvattir til að deila reynslu sinni úr Lífshlaupinu til aðstandenda hlaupsins. Sendið Lífshlaupinu skemmtilegar sögur, myndir eða myndbönd í tengslum við þátttöku ykkar í Lífshlaupinu. Smelltu á hlekkina hér fyrir neðan til að senda inn efni: