Fréttir




  • HFJ_060820-15

Skráning á frístundaheimili skólaárið 2021-2022

15. júl. 2021

Minnum foreldra og forráðamenn á skráningu barna sinna á frístundaheimili skólaárið 2021-2022.

Frístundaheimilin í Hafnarfirði eru í boði fyrir börn í 1.-4. bekk og starfa við alla grunnskóla sveitarfélagsins. Hlutverk þeirra er að bjóða upp á fjölbreytt tómstundastarf eftir að hefðbundnum skóladegi lýkur með m.a. hópastarfi, smiðjum, útiveru og vali. Markmið frístundaheimilanna er að hvert barn fái að njóta sín og þroskast í umhverfi sem einkennist af hlýju, öryggi og virðingu.

Skráning á frístundaheimili fer fram rafrænt í gegnum Mínar síður - sjá hér

Umsókn gildir eitt skólaár í senn (ágúst-júní) og þær umsóknir sem bárust fyrir 15. júní eru í forgangi. Umsóknir sem berast eftir þann tíma geta farið á biðlista og eru ekki afgreiddar fyrr en í ágúst. Við skráningu er mikilvægt að tryggja að allar upplýsingar séu réttar og sérþarfir skráðar. Þegar barn fær vistun á frístundaheimili þá berst boð um vistun á það netfang sem fylgdi skráningu barns. Boð þarf að staðfesta með svari innan þriggja daga.

Nánari upplýsingar um frístundaheimili í Hafnarfirði

Skráning á frístundaheimili