Fréttir




  • SonghatidHafnarborg2021

Seigla á Sönghátíð í Hafnarborg. Miðasala er hafin

9. jún. 2021

Miðasala er hafin á Sönghátíð í Hafnarborg, sem fram fer dagana 19.6.-4.7.2021. Sönghátíð í Hafnarborg hlaut Íslensku tónlistarverðlaunin sem Tónlistarhátíð ársins 2020. Á hátíðinni í ár mætir til leiks einstakt úrval tónlistarmanna með fjölbreytta dagskrá. Seiglan sem hefur hjálpað landanum í gegnum hinn erfiða heimsfaraldur er þema hátíðarinnar í ár. Tónlist og ljóðlist tjá sammannlegar tilfinningar þvert yfir tíma og lönd, hjálpa okkur að skilja okkur sjálf, sjá samhengið á milli okkar og annarra, veita okkur innblástur, kenna okkur að meta fegurð lífsins og gefa okkur vonandi von um betri tíma.

Níu tónleikar með fjórtán söngvurum

Níu tónleikar verða í boði með 14 framúrskarandi einsöngvurum og kórnum Schola Cantorum. Einnig verður leikið á píanó, gítar, fiðlu, selló, sembal og orgel á tónleikum með íslenskri og erlendri tónlist frá barokktímanum til okkar daga.  Miðasala fer fram á tix.is

Sjálfstæð hátíð haldin í samstarfi við Hafnarborg

Á hátíðinni eru einnig í boði ýmis námskeið fyrir söngnemendur, söngvara og börn. Sönghátíð í Hafnarborg er sjálfstæð hátíð, sem er haldin í samstarfi við Hafnarborg, og nýtur stuðnings Hafnarfjarðarbæjar, Tónlistarsjóðs og Sjóðs Friðriks og Guðlaugar. Listrænir stjórnendur og stofnendur Sönghátíðar í Hafnarborg eru þau Guðrún Jóhanna Ólafsdóttir og Francisco Javier Jáuregui. 

Verið velkomin á Sönghátíð í Hafnarborg!

Tónleikar á Sönghátíð í Hafnarborg 2021:

  • Þriðjudagur 22.6.2021 kl. 20:00. Fyrri master class tónleikar. Nemendur á fyrra master class námskeiði Kristins Sigmundssonar flytja sönglög og óperuaríur. Matthildur Anna Gísladóttir leikur með á píanó.
  • Fimmtudagur 24.6.2021 kl. 20:00. Mahler mætir Íslandi. Andri Björn Róbertsson bass-baritón, Hallveig Rúnarsdóttir sópran og Hrönn Þráinsdóttir píanóleikari flytja valin lög úr Des Knaben Wunderhorn eftir Gustav Mahler, auk laga í léttari kantinum eftir Hildigunni Rúnarsdóttur, Tryggva M. Baldvinsson og Þórunni Grétu Sigurðardóttur.
  • Föstudagur 25.6.2021 kl. 17:00. Út um allt - fjölskyldutónleikar. Ingibjörg Fríða Helgadóttir söngkona, Sigurður Ingi Einarsson gítar- og slagverksleikari og Ingvar Alfreðsson píanóleikari flytja tónleika fyrir alla fjölskylduna. Börn af tónlistarnámskeiði hátíðarinnar koma einnig fram. Ókeypis aðgangur.
  • Laugardagur 26.6.2021 kl. 17:00. Vinaspegill. Schola Cantorum flytur íslenska kórtónlist um vináttu, söknuð og ást. Stjórnandi er Hörður Áskelsson.
  • Sunnudagur 27.6.2021 kl. 17:00. Íslensk kventónskáld. Björk Níelsdóttir sópran, Erla Dóra Vogler mezzósópran, Eyjólfur Eyjólfsson tenór, Hafsteinn Þórólfsson baritón og Eva Þyri Hilmarsdóttir píanóleikari flytja tónlist eftir Þórunni Guðmundsdóttur, Jórunni Viðar og önnur íslensk kventónskáld.
  • Miðvikudagur 30.6.2021 kl. 20:00. Mediterraneo. Alexander Jarl Þorsteinsson tenór, Guðrún Jóhanna Ólafsdóttir mezzósópran og gítarleikararnir Francisco Javier Jáuregui og Pétur Jónasson flytja tónlist frá löndum sem liggja að Miðjarðarhafinu.
  • Fimmtudagur 1.7.2021 kl. 20:00. Seinni master class tónleikar. Nemendur á seinni master class námskeiði Kristins Sigmundssonar flytja sönglög og óperuaríur. Helga Bryndís Magnúsdóttir leikur með á píanó.
  • Laugardagur 3.7.2021 kl. 17:00. Indæla ró – barokktónleikar. Benedikt Kristjánsson tenór, Guðrún Jóhanna Ólafsdóttir mezzósópran, Pétur Björnsson fiðluleikari, Halldór Bjarki Arnarson semballeikari og Sigurður Halldórsson sellóleikari flytja tónlist eftir G. F. Händel og J.S. Bach í bland við forna íslenska söngva.
  • Sunnudagur 4.7.2021 kl. 17:00.Óperugala. Gissur Páll Gissurarson tenór, Hanna Dóra Sturludóttir mezzósópran, Kristinn Sigmundsson bassi, Oddur Arnþór Jónsson baritón, Sigrún Pálmadóttir sópran og Guðrún Dalía Salómónsdóttir píanóleikari flytja aríur og samsöngsatriði úr óperum eftir Beethoven, Donizetti, Gounod, Mozart, Nicolai, Saint-Saëns og Verdi.

Allir tónleikarnir fara fram í aðalsal Hafnarborgar við Strandgötu 34 í Hafnarfirði.
Miðasala fer fram á tix.is

Námskeið á Sönghátíð í Hafnarborg:

  • Laugardagur 19. – þriðjudagur 22. júní og mánudagur 28. júní – fimmtudagur 1. júlí. Master class fyrir söngnemendur og söngvara. Tónleikar 22.6. og 1.7. kl. 20:00. Kennari: Kristinn Sigmundsson. Uppbókað.
  • Laugardagur 19. – sunnudagur 20. júní kl. 15:00-18:00. Söngnámskeið fyrir söngnemendur í grunn- og miðnámi. Tónleikar 10.6. kl. 19:00. Kennari: Guðrún Jóhanna Ólafsdóttir. Skráning.
  • Mánudagur 21. – föstudagur 25. júní. Söngsmiðja og myndlistarnámskeið fyrir 6-9 ára og 10-12 ára. Skráning.
  • Laugardagur 26. og sunnudagur 27. júní kl. 11:00-11:45. Tónlistarsmiðja fyrir 3-5 ára með foreldrum. Kennari: Valgerður Jónsdóttir. Skráning.
  • Laugardagur 3. og sunnudagur 4. júlí kl. 11:00-11:45. Krílasöngur fyrir 6-18 mánaða börn með foreldrum. Kennari: Svafa Þórhallsdóttir. Skráning.

Nánari upplýsingar á www.songhatid.is