Fréttir




  • SamstarfSamgongustofa

Samstarf við Samgöngustofu um umferðarmál

13. nóv. 2019

Grunnskólar Hafnarfjarðar verða í sérstöku samstarfi við Samgöngustofu á skólaárinu 2019-2020. Samgöngustofa tekur þátt í að styðja grunnskóla bæjarins við að efla umferðarfræðslu í skólunum með ráðgjöf og kennslu.

Markmið samstarfsins er að efla umferðarfræðslu í grunnskólunum og styrkja reglulega fræðslu til nemenda um umferðarmál í einstaka árgöngum. Meðal verkefna er sérstök fræðsla til allra nemenda í 7. og 9. bekkjum vorið 2020 um ýmislegt sem snýr að vespum, rafhlaupahjólum og skellinöðrum sem virðast njóta sívaxandi vinsæla. Þá er ráðgert að hver skóli verði með sérstaka daga tileinkaða áherslu á umferðarmál einhvern tímann á skólaárinu.

Verkefnið er unnið í samstarfi við einstaka skóla og skólastjórnendur grunnskólanna. Sérstök verkefnisstjórn er um verkefnið í vetur með fulltrúa Samgöngustofu, skólastjóra Hraunvallaskóla, Önnu Kristínu Friðriksdóttur teymisstjóra verkefnisins og kennara í Hraunvallaskóla og þróunarfulltrúa grunnskóla. Unnið er eftir verkefnaáætlun sem verkefnisstjórnin setti sér og skólarnir fylgja eftir.