Fréttir




  • 67174116_1048470135360385_2752055961983123456_o

Sameiginlegur plokkdagur vinnuskólanna

3. júl. 2020

Vinnuskóli Hafnarfjarðar og Vinnuskóli Kópavogs taka höndum saman og halda sameiginlegan plokkdag.

Þriðjudaginn 7. júlí næstkomandi mun Vinnuskóli Hafnarfjarðar halda í samstarfi við Vinnuskóla Kópavogs sameiginlegan plokkdag. Þá ætla krakkar beggja vinnuskólanna að fara út að tína rusl eða að plokka eins og það er kallað. Hundruðir nemenda Vinnuskóla Hafnarfjarðar munu sjást víðsvegar um bæinn í gulum vestum að tína rusl ofan í poka með það markmið að skila bænum fallegum og hreinum.

Áhersla á umhverfisvernd og sjálfbæra þróun

Vinnuskóli Hafnarfjarðar leggur áherslu á umhverfisvernd og sjálfbæra þróun. Rusl á víðavangi er skaðlegt náttúrulífi, þess vegna eru nemendur í vinnuskólanum hvattir til að flokka rusl í endurvinnslutunnur og tína upp það rusl sem þeir sjá á jörðinni.

Á plokkdaginn verður markmiðið að hreinsa allan Hafnarfjarðarbæ. Til að ná því markmiði eru íbúar og allir aðrir áhugasamir hvattir til að leggja hönd á plóg, drífa sig út og taka þátt í deginum með vinnuskólanum. Starfsfólkk vinnuskóla Hafnarfjarðar vonast til þess að sem flestir taki þátt, þar sem margar hendur vinna létt verk. Það væri gaman að sjá ruslfrían Hafnarfjarðarbæ í lok dags með þeirri von að hann haldist þannig. 

Frekari upplýsingar veitir:

  • Melkorka Ýr Magnúsdóttir, grænn leiðbeinandi Vinnuskóla Hafnarfjarðar í  s.664-7124