Fréttir



Fréttir

Umferðarslys - Hafnarfjörður

29. feb. 2012

Ellefu umferðarslys urðu á gatnamótum Reykjavíkurvegar, Hraunbrúnar og Flatahrauns á árunum 2008-2011. Á sama tímabili urðu tíu umferðarslys á Reykjanesbraut, eða á vegarkaflanum frá Rauðhellu að kirkjugarðinum við Hvammabraut, en þessir staðir skera sig úr þegar skoðaðar eru tölur um umferðarslys í Hafnarfirði.

Í samstarfi vegagerðar, sveitarfélaga og lögreglu er leitast við að greina orsök óhappa á þessum stöðum og leita lausna. Á árunum 2008-2011 urðu jafnframt sjö umferðarslys á gatnamótum Fjarðarhrauns og Hólshrauns og fimm á gatnamótum Reykjanesbrautar og Fjarðarhrauns. Á sama tímabili urðu ennfremur fjögur umferðarslys á gatnamótum Reykjavíkurvegar og Stakkahrauns.
Heimild: Umferðarstofa