Fréttir




  • Matargjald

Niðurfelling á fæðisgjaldi vegna systkina í grunnskólum

17. jan. 2019

Frá og með 1.janúar 2019 kom inn breyting á fæðisgjaldi til fjölskyldna með börn á grunnskólaaldri í Hafnarfirði. Fæðisgjald er fellt niður ef börn á grunnskólaaldri í mataráskrift í sömu fjölskyldu eru fleiri en tvö. Niðurfelling á fæðisgjaldi er af mataráskrift elsta systkinis sem gerist sjálfkrafa þegar fjölskylda er með sama lögheimili og  fjölskyldunúmer í Þjóðskrá. 

Í einhverjum tilvikum er fjölskyldusamsetningin flóknari en svo að það náist utan um hana með lögheimili og fjölskyldunúmeri í Þjóðskrá. Í þeim tilvikum þurfa forráðamenn að óska eftir afslætti með viðeigandi útskýringum á fjölskylduhögum á MÍNAR SÍÐUR.  Hér gildir að börn geta aldrei verið tvítalin þegar þau eru í fleiri en einni fjölskyldu, t.d. þegar börn eru í sameiginlegri forsjá hjá tveimur fjölskyldum. Afslátturinn tekur gildi frá þeim tíma sem umsókn berst.

Reglur vegna niðurfellingar á fæðisgjaldi

  1. 1.Ef þrjú systkini eða fleiri með lögheimili í Hafnarfirði eru á grunnskólaaldri greiðir Hafnarfjarðarkaupstaður að fullu hádegismat frá og með þriðja systkini í áskrift í grunnskólanum. Systkini eru nemendur sem eru með sama lögheimili og fjölskyldunúmer í þjóðskrá. 
  2. 2. Ef um þrjú systkini eða fleiri er að ræða þurfa öll eða a.m.k þrjú að vera skráð í hádegismat svo gjald sé fellt niður hjá þriðja systkini. Forsjáraðili/forráðamaður greiðir aldrei hádegisverð fyrir fleiri en tvö systkini á grunnskólaaldri á sama tíma. 3. Skrifstofa Fræðslu- og frístundaþjónustu útvegar innheimtuaðila hádegisverðar í grunnskólum Hafnarfjarðar upplýsingar um þau systkini sem uppfylla fyrstu grein reglnanna. 
  3. 4. Sé fjölskyldumynstur annað en kemur fram í fyrstu grein þarf að sækja sérstaklega um afslátt á MÍNAR SÍÐUR
  4. 5. Ef að systkini sem eiga rétt á niðurfellingu skv. fyrstu grein er í grunnskóla utan Hafnarfjarðar eða sjálfstætt reknum skólum í Hafnarfirði fær næsta systkini niðurfellingu svo framarlega sem það er í grunnskóla í Hafnarfirði. Sé næst elsta systkini einnig í skóla utan Hafnarfjarðar færist niðurfellingin á þriðja elsta systkinið og áfram ef við á. 
  5. 6. Stundi systkini á grunnskólaaldri, með sama lögheimili í Hafnarfirði og sama fjölskyldunúmer, nám sitt utan sveitarfélagsins gilda sömu reglur um niðurfellingu fæðisgjalds.

Ef einhverjar spurningar vakna er foreldrum/forráðamönnum bent á að hafa samband við Valgerði Sveinbjörnsdóttur, ritara á fræðslu- og frístundaþjónustu: valgerdurs@hafnarfjordur.is