Fréttir




  • Hafnafjordur_Jol_Web-27

Jólin hefjast í Hafnarfirði á morgun

27. nóv. 2020

Síðan 2003 hefur Jólaþorpið í Hafnarfirði á Thorsplani í Hafnarfirði heillað landsmenn jafnt sem þá ferðamenn sem þangað hafa ratað. Fagurlega skreyttu hafnfirsku jólahúsin eru fyrir löngu orðin landsþekkt fyrir ýmiss konar spennandi gjafavöru, sælkerakrásir, handverk og hönnun. Jólaþorpið verður opið allar helgar á aðventunni frá kl. 13-18 og verður stemningin í ár afar hlýleg og hugguleg en á sama tíma lágstemmd. Í ljósi aðstæðna og takmarkana verður engin skipulögð dagskrá á vegum jólaþorpsins þessa aðventuna. 

J5

Ljósin á Cuxhaven-jólatrénu voru tendruð í Jólaþorpinu í Hafnarfirði í morgunsárið að viðstöddum leikskólabörnum og starfsfólki frá Hjalla, Rósu Guðbjartsdóttur bæjarstjóra Hafnarfjarðar, Christian Stepper staðgengli sendiherra Þýskalands á Íslandi og Gísla Valdimarssyni formanni vinabæjarfélagsins Hafnarfjörður-Cuxhaven.

J3

Hafnafjordur_Jol_Web-34

Jólaþorpið verður opið allar helgar á aðventunni frá kl. 13-18 og verður stemningin í ár afar hlýleg og hugguleg en á sama tíma lágstemmd. Í ljósi aðstæðna og takmarkana verður engin skipulögð dagskrá á vegum jólaþorpsins þessa aðventuna. 

Huggulegasti heimabær höfuðborgarsvæðisins

Jólabærinn Hafnarfjörður hefur sjaldan verið eins jólalegur og býður jólin velkomin með sínum árlega jólamarkaði fullum af gleði, gómsætum bitum og skemmtilegum jólavarningi. Hafnarfjarðarbær hvetur gesti til að nýta allan opnunartíma jólaþorpsins og dreifa álagi á Thorsplani og heimsækja söfn, verslanir, kaffihús og veitingastaði í nágrenni þorpsins. Jólasveinar koma í heimsókn á laugardögum og Grýla verður á vappi um bæinn á sunnudögum til að athuga hvort að allir séu ekki að virða fjarlægðarmörkin, nota andlitsgrímur og duglegir að spritta og þvo hendur. 

Velkomin HEIM í Hafnarfjörð - þar sem hlýleikinn ræður ríkjum. 

ViderumOllalmannavarnirJolathorp