Fréttir




  • HraunvallaskoliVidurkenningJuli2017

Hraunvallaskóli verðlaunaður

11. júl. 2017

Í vor var efnt til samkeppni um kynningu á verkefninu Velkomin - úrræði fyrir móttöku og samskipti. Fyrstu verðlaun hlaut Hraunvallaskóli en starfsmenn skólans, þær Ingibjörg Edda Haraldsdóttir, Kristín Guðnadóttir og Hjördís Ýrr Skúladóttir unnu kynningarmyndband um verkefnið. Verðlaunin voru afhent föstudaginn 9. júní að viðstöddu starfsfólki skólans og fulltrúa fræðslu- og frístundaþjónustu. Hulda Karen Daníelsdóttir verkefnisstjóri verkefnisins afhenti verðlaunin.

Samskiptatæki sem auðveldar skólum móttöku, aðlögun og samskipti

Verkefnið Velkomin – úrræði fyrir mótttöku og samskipti er samskiptatæki til að auðvelda skólum mótttöku, aðlögun og samskipti við nemendur og foreldra með annað móðurmál en íslensku. Efninu er skipt upp í 13 flokka og dæmi um þá eru Samtala kennara og foreldra, Fyrsti dagurinn, vekominn, Nesti – hádegismatur og Líðan og samskipti nemenda. Verkefnið er byggt á erlendri fyrirmynd en var þróað á vegum Þjónustumiðstöðarvar Miðborgar- og Hlíða undir forystu Huldu Karenar Daníelsdóttur og Þorbjargar Þorsteinsdóttur. Það hefur hlotð mjög góðar viðtökur og meðal annars hlotið Evrópumerkið 2015 sem er viðurkenning framkvæmdastjórnar Evrópusambandsins og mennta- og menningarmálaráðuneytisins fyrir nýbreytni í tungumálanámi og tungumálakennslu.

Til hamingju Hraunvallaskóli!