Fréttir



Fréttir

  • IMG_7472

Frístundaakstur hefst í haust

14. júl. 2017

Fræðsluráð samþykkti á fundi sínum í dag að hefja gjaldfrjálsan frístundaakstur fyrir sex og sjö ára börn í Hafnarfirði í haust. Til að byrja með verður ekið með börnin á æfingar hjá Fimleikafélaginu Björk, FH og Haukum.  

Undirbúningur hefur verið unninn með fulltrúum frá þessum félögum út frá hugmyndum starfshóps um frístundaakstur sem skilaði af sér tillögum í vor. Stoppustöð verður sett upp við hvern grunnskóla í Hafnarfirði og þar verða börnin sótt og flutt á æfingar hjá þessum félögum sem hefjast um kl. 15. Starfsmenn frá frístundaheimilum munu fylgja börnum í bílinn og að æfingarsvæði. Forráðamenn munu svo sækja börn sín á svæði íþróttafélaga milli kl. 16-17. Þessi þjónusta mun kosta Hafnarfjarðarbæ milli þrjár til fjórar milljónir.   

Hér er fyrsta skrefið stigið í að stytta skóladag yngstu barnanna og gera vinnudag þeirra meira spennandi, koma enn betur til móts við óskir foreldra, auka samveru foreldra og barna, og nýta íþróttamannvirki enn betur.

Sjá fundargerð fræðsluráðs HÉR