Fréttir



Fréttir

  • Fjolskyldugardar

Fjölskyldugarðar til ræktunar á eigin grænmeti

4. jún. 2019

Frábært tækifæri fyrir fjölskyldur og alla áhugasama.

Fjölskyldugarðarnir eru opnir öllum bæjarbúum og um að ræða frábært tækifæri fyrir fjölskyldur og aðra til að rækta sitt eigið grænmeti í sumar.

Fjölskyldugarðarnir eru opnir á Víðistöðum og ef eftirspurn er mikil er möguleiki á að opna garða efst á Öldugötu. Kostnaður fyrir garð er kr. 1.500.- og fyrir tvo garða er greiðslan 2.500.- kr.  Ólíkt fyrri árum er ekki innifalið grænmeti eða annað hráefni en aðgengi að vatni og minniháttar verkfærum verður til staðar. Garðarnir afhendast plægðir og úthlutun hófst í lok maí.

Opið er fyrir skráningar í fjölskyldugarða á MÍNUM SÍÐUM undir umsóknir – grunnskólar – skráning á sumarnámskeið.

Mæta þarf með kvittun fyrir greiðslu á garði á skrifstofu Vinnuskóla Hafnarfjarðar og velja garð. Skrifstofur vinnuskólans eru staðsettar að Hrauntungu 5 og eru opnar alla virka daga milli 8 -16. Einnig er hægt að ná í starfsmenn skrifstofunnar í síma 565-1899 og á tölvupóstfangið: vinnuskoli@hafnarfjordur.is

Allir áhugasamir hvattir til að sækja um og njóta þess að rækta eigið grænmeti í sumar!