Fréttir



Fréttir

  • Fjolgreind4Taka

Fjölgreindaleikar í Lækjarskóla

8. okt. 2019

Í upphafi vikunnar voru haldnir tveggja daga fjölgreindaleikar í Lækjarskóla. Fjölgreindaleikarnir eru haldnir í áttunda sinn og byggja sem fyrr á fjölgreinakenningu Gardners (1983). Allir nemendur skólans taka þátt í leikunum og styðja þeir sem eldri eru yngri samnemendur sína. Fjölgreindaleikarnir eru hugsaðir sem góð og skemmtileg tilbreyting í skólastarfi, einskonar hausthátíð allra í skólanum. Á leikunum eru til dæmis búin til vinabönd, klifrað í kaðli, leystar stærðfræðiþrautir, framsögn æfð og ljóð samin.

Fjölgreindaleikar með fjölbreyttum stöðvum

Í dag eru um 585 nemendur í Lækjarskóla og fara leikarnir fram á tveimur dögum þar sem nemendum er skipt upp í 40 lið og hefur hver hópur a.m.k. einn nemanda úr hverjum árgangi. Nemendur í 10. bekk eru fyrirliðar í sínum hópi og bera ábyrð á að halda hópnum sínum saman og sjá um að halda góðum aga og móral. Hlutverk hvers nemenda er að fylgja sínum fyrirliða og taka virkan þátt á hverri stöð með gleði og ánægju. Reynt er að hafa stöðvarnar þannig að þær henti nemendum frá 1. upp í 10. bekk svo að allir eða sem flestir fái tækifæri til þátttöku á hverri stöð. 

Starfsfólk og nemendur mættu full eftirvæntingar og tilhlökkunar í skólan í upphafi vikunanr og áttu frábæra fjölgreindaleika!