Fréttir



Fréttir

  • Sofia-a-vikingahatid

Erlendar heimsóknir - yfirfærsla þekkingar og reynslu

8. júl. 2019

Fjölmargir hópar frá erlendum sveitarfélögum hafa heimsótt Hafnarfjörð á þessu ári. Sjö fulltrúar, m.a. bæjarstjórar fjögurra sveitarfélaga frá Búlgaríu komu í heimsókn í apríl og fengu kynningu á leikskólaþjónustu, þróunarverkefnum innan leikskóla og BRÚNNI sem snýr að samstarfi ólíkra sérfræðinga um stuðning við börn og foreldra þeirra. Sömuleiðis fékk hópurinn að kynnast menningarstarfsemi bæjarfélagsins og árlegum viðburðum tengdum ferðaþjónustu.

Fimm starfsmenn menningarskrifstofu vinabæjar okkar Tartu í Eistlandi komu í heimsókn í mars og fengu að kynnast menningarmálum í sveitarfélaginu frá ýmsum hliðum og kynntu umsókn Tartu um að verða menningarborg Evrópu árið 2024 en gangi það eftir felur það í sér spennandi tækifæri fyrir Hafnarfjörð og hafnfirska listamenn. Í maí kom svo stór hópur frá vinabænum Bærum í Noregi og skoðaði veitumannvirki og fékk kynningu á starfsemi umhverfis- og skipulagsþjónustu. Þá kynntu gestirnir umfangsmikil verkefni í fráveitumálum sem þeir standa að í heimabænum í samvinnu við Osló. Á dögunum fengum við svo heimsókn frá starfsmanni Hämennlinna í Finnlandi sem kynnti sér menningarmál og kynnti starfsfólk bæjarins fyrir áhugaverðum verkefnum tengdum atvinnumálum hámenntaðs fólks með erlendan bakgrunn og viðbótarveruleika (augmented reality) sem er mikið notaður á söfnum í Hämeenlinna.

Á dögunum tók svo bæjarstjóri tók á móti góðum hóp frá Danmörku á dögunum sem fékk ítarlega kynningu á starfsemi fræðslu og frístundaþjónustu og í vikunni komu hingað gestir frá Blagoevgrad í Búlgaríu sem 70.000 manna samfélag í suðvesturhluta Búlgaríu. Þau höfðu annars vegar áhuga á samstarfi varðandi menningarmál og skipulagningu tónlistarviðburða og svo varðandi umhverfismál og skipulagningu grænna svæða og kynntu sér hátíðina Hjarta Hafnarfjarðar og Sönghátíð í Hafnarborg ásamt því að heimsækja garðyrkjustjóra.