Fréttir




  • Gestakortid

90% aukning í sölu Gestakorta

29. jún. 2017

Höfuðborgarstofa gefur út Gestakort Reykjavíkur (Reykjavík City Card) en á fyrstu sex mánuðum ársins var 90% meiri sala á kortunum samanborið við sama tímabil á síðasta ári. Það er mun meiri söluaukning en í straumi ferðamanna til landsins á svipuðum tíma en samkvæmt gögnum Ferðamálastofu var 47% aukning á brottförum frá landinu í Flugstöð Leifs Eiríkssonar fyrstu fimm mánuði ársins borið saman við síðasta ár. Kortið er selt á tæplega 50 stöðum sem þjónusta ferðamenn á höfuðborgarsvæðinu en Upplýsingamiðstöð ferðamanna í Ráðhúsinu er stærsti sölustaður kortsins. 

Handhöfum Gestakortsins er veittur aðgangur að tólf helstu söfnum í Reykjavík, Húsdýragarðinum og Viðeyjarferju. Korthafar fá einnig óheftan aðgang í sundlaugar og Strætó í borginni. Þá veitir kortið m.a. afslátt af verði aðgöngumiða á veitingahúsum, söfnum, verslunum og sundlaugum annarra sveitarfélaga á Höfuðborgarsvæðinu. Gestakortið er fáanlegt sem 24, 48 og 72 tíma kort.   

Áshildur Bragadóttir forstöðukona Höfuðborgarstofu:
,,Þetta er frábær árangur sem ber að þakka öllum okkar samstarfs-og söluaðilum. Það er greinilegt að gestir borgarinnar kunna vel að meta Gestakortið enda er það lykill að því öfluga menningarlífi sem borgin hefur upp á að bjóða og aðgangur í glæsilegar sundlaugar borgarinnar. Við bindum vonir við að geta rafvætt kortið á næstu misserum sem mun efla sölu þess enn frekar.“        

Gestakortið gildir á eftirfarandi stöðum:

Gestakortin kosta:

  • 24 tíma kort: 3.700 kr. - barnagjald: 1.500 kr.
  • 48 tíma kort: 4.900 kr. - barnagjald: 2.500 kr.
  • 72 tíma kort: 5.900 kr. - barnagjald: 3.300 kr. 

Nánari upplýsingar veitir: Berghildur Erla Bernharðsdóttir kynningarstjóri Höfuðborgarstofu í síma 694-5149.