Tugir þúsunda ganga á eða umhverfis Helgafell árlega og er fjallið verulega vinsælt hjá göngu-, hlaupa- og einnig fjallahjólafólki. Rúnar Pálsson fer nær daglega á Helgafell og hefur í næstum aldarfjórðung séð um gestabókina á toppnum þar. Það er orðin hefð hjá þeim hjónum, börnum þeirra og barnabörnum að ganga saman á Helgafellið á nýársdag með nýja gestabók og konfektkassa.

Í annríki dagsins er öllum mikilvægt að kunna leiðir út úr þeim óróa sem álag og streita geta valdið. Í landi Hafnarfjarðar er fjöldi útivistarsvæða þar sem náttúran býður til veislu allan ársins hring. Guðbjörg og Ingibjörg hjá fyrirtækinu Saga – Story House hafa farið í yfir 360 leiddar kyrrðargöngur með hópa í fjölbreyttri náttúrunni í kringum Hafnarfjörð. Á sama tíma og íslensk náttúra er hlaðborð af fallegum náttúruöflum hefur hún ótvíræð græðandi áhrif.

Betri Stofan opnaði í jólamánuðinum á sjöundu og efstu hæð í norðurturni verslunarmiðstöðvarinnar Fjarðar. Um er að ræða stað með óhefðbundinni, notalegri aðstöðu fyrir fólk sem vill geta unnið, nýtt fundarherbergi og átt þess kost eftir vinnudag að njóta samveru að kvöldi á sama stað með vinum og/eða vinnufélögum.

Val á íþróttakonu, íþróttakarli og íþróttaliði Hafnarfjarðar fór fram rafrænt á miðlum Hafnarfjarðarbæjar í dag. Afrekslið Hafnarfjarðar 2021 er meistaraflokkur kvenna í körfuknattleik hjá Knattspyrnufélaginu Haukum. Guðrún Brá Björgvinsdóttir kylfingur frá Golfklúbbnum Keili er íþróttakona Hafnarfjarðar og Róbert Ísak Jónsson sundmaður úr Íþróttafélaginu Firði er íþróttakarl Hafnarfjarðar.

Í hraða samfélagsins er mikilvægt að staldra við og gefa sér andrými til að þjálfa hugann og stuðla að auknu jafnvægi. Bryndís Jóna Jónsdóttir hjá Núvitundarsetrinu hefur leitt núvitundarþjálfun með starfsfólki í nokkrum leik- og grunnskólum Hafnarfjarðar sem hefur skilað sér beint inn í skólastarfið með góðum árangri. Hún deilir hér æfingum sem auðvelt er fyrir alla fjölskylduna að tileinka sér á aðventunni.

Tilboðsfrestur er 28. janúar 2022.

Bæjarstjórn Hafnarfjarðar og íþrótta- og tómstundanefnd standa fyrir afhendingu viðurkenninga til íþróttafólks sem keppa með hafnfirskum liðum, Íslandsmeistara, hópa bikarmeistara,Norðurlandameistara, heimsmeistara og sérstakra afreka, ásamt vali á íþróttakonu, íþróttakarli og íþróttaliði Hafnarfjarðar á árinu 2021. 

Á fundi framkvæmdaráðs almannavarnanefndar höfuðborgarsvæðisins rétt fyrir jól var tekin ákvörðun um að fella niður áramótabrennur á höfuðborgarsvæðinu um komandi áramót. 

Nú er daginn tekið að lengja á ný og brátt mun birtan verða ríkjandi. Fyrir það getum við verið þakklát. Jafnframt er gott að staldra við og þakka fyrir það sem við höfum. Þakka fyrir heilsuna, fjölskylduna, vinina og hvað það er sem lýsir upp tilveru okkar. Þakka fyrir alla litlu hlutina, hlýja samveru eða einföldu stundirnar sem færa okkur sanna gleði og ekki fást metnar til fjár. Á sama tíma og hugur okkar er hjá þeim sem eiga í erfiðleikum, eru veikir, sakna náinna ástvina eða finnst jólahátíðin erfiður tími af öðrum ástæðum.

Gleðileg jól! Season´s Greetings!