Tvö verkefni tengd Hafnarfjarðarbæ hljóta styrk. Úthlutun Barnamenningarsjóðs Íslands fór fram í gær og hlutu 42 verkefni styrk úr sjóðnum í ár. Sjóðurinn hefur það hlutverk að styðja við fjölbreytta starfsemi á sviði barnamenningar með áherslu á sköpun, listir og virka þátttöku barna í menningarlífinu. Hafnarfjarðarbær fékk styrk í verkefnið Bæjarstjórn unga fólksins, hlutverkaleik. Annað verkefni, FLY – Ísland 2, sem tengist þremur grunnskólum í sveitarfélaginu, hlaut einnig styrk.

Samkomubannið sem tók gildi hér á landi 16. mars sl. hafði víðtæk áhrif á Hafnarfjarðarbæ sem vinnustað. Á örskömmum tíma þurfti að virkja stofnanir í bænum til nýrrar hugsunar og skipuleggja starf hvers vinnustaðar miðað við tilmæli almannavarna. 

Dögg Gunnarsdóttir, skólastjóri Lækjarskóla, bjó í Svíþjóð í sjö ár og þegar samkomubannið vegna COVID-19 skall á í mars ráðfærði hún sig ekki bara við íslenska kollega sína heldur líka sænska og gerði lista yfir það sem hún taldi þurfa að hafa í huga. Til samskipta við nemendur og forráðamenn notuðu kennarar síma, tölvupóst, hópa á netinu og samskiptaforrit.

Í fimm ár hefur Hafnarfjarðarbær boðið ófaglærðu starfsfólki á leikskólum styrki til að stunda nám í leikskólakennarafræðum. Jenný Dagbjört Gunnarsdóttir, þróunarfulltrúi leikskóla hjá Hafnarfjarðarbæ, var leikskólakennari í 21 ár og segir það afar fjölbreytta, skemmtilega og gefandi vinnu.

Næstu skref í uppbyggingu á Lífsgæðasetri St. Jó voru mörkuð á fundi bæjarráðs Hafnarfjarðar í morgun þegar samþykkt var að klára framkvæmdir utanhúss í sumar. Þann 5. september nk. er eitt ár liðið frá því að Lífsgæðasetur St. Jó var opnað á 2. hæð í húsinu og eru öll rými þar í útleigu.

Ásvallalaug og Sundhöll Hafnarfjarðar verða opnar á morgun, uppstigningardag, frá kl. 8-17. Í ljósi fjöldatakmarkana og umfangsmikilla viðhaldsframkvæmda í Suðurbæjarlaug verður opið um helgar í Sundhöll Hafnarfjarðar til og með 14. júní nk. Sundlaugargestum er bent á að hægt er að fylgjast með rauntímafjölda í hverri laug á vef bæjarins. 32 einstaklingar mega vera ofan í laug í einu í Sundhöll Hafnarfjarðar og 200 einstaklingar í Ásvallalaug til og með 1. júní.

Sú breyting verður á hreinsunardögunum í ár að settir verða upp gámar fyrir garðúrgang við alla grunnskóla sveitarfélagsins. Gámarnir verða við skólana frá morgni fimmtudagsins 21. maí til kl. 17 sunnudaginn 24. maí. Íbúar eru hvattir til að nýta sér þjónustuna. 

Nýtt hlaðvarp Bókasafns Hafnarfjarðar hefur í grunninn þann góða tilgang að koma á framfæri öllu því efni sem starfsfólki bókasafnsins þykir áhugavert. Hópur starfsfólks stendur á bak við þættina sem munu án efa verða fjölbreyttir og fróðlegir.

Nú styttist heldur betur í stuðið, vorboðann ljúfa. Hreyfivika UMFÍ hefst 25. maí næstkomandi og stendur til 31. maí. Boðberar hreyfingar í Hreyfiviku UMFÍ eru byrjaðir að undirbúa allskonar viðburði og leiki um allt land og má því búast við gríðarlegu sprikli í vikunni. 

Ásvallalaug og Sundhöll Hafnarfjarðar opna að nýju mánudaginn 18. maí og við tekur hefðbundinn opnunartími á þessum stöðum með smá viðbótum. Suðurbæjarlaug opnar hins vegar ekki strax sökum umfangsmikilla viðhaldsframkvæmda.