Vegna viðgerðar er heitavatnslaust í suðurhluta Hafnarfjarðar þriðjudaginn 30. júlí frá kl. 8-18. Starfsfólk Veitna biðst velvirðingar á óþægindum vegna þessa. 

Umgengni íbúa við grenndargáma heilt yfir á höfuðborgarsvæðinu hefur lengi verið vandamál. Hafnarfjarðarbær úthlutar svæði fyrir grenndargáma innan bæjarmarkanna og SORPA þjónustar pappír, plast og glergáma á stöðvunum skv. sérstökum þjónustusamningi við sveitarfélögin. 

Menningar- og ferðamálanefnd Hafnarfjarðar auglýsir eftir umsóknum um styrki til verkefna, viðburða og samstarfssamninga á sviði menningar og lista í Hafnarfirði. Umsóknum skal skila inn með rafrænum hætti til og með 10. september 2019.

Þessa dagana stendur SORPA fyrir átaki í að hvetja íbúa til að kynna sér flokkunarvefinn www.sorpa.is. Markmiðið er að ná úr gráu tunnunni þeim flokkum sem eiga sér endurnýtingarfarveg. Gler, lyf, raftæki, spilliefni og textíll eiga sér öll endurnýtingarfarveg og eiga ekki heima með blönduðum úrgangi. Því er mikil áhersla lögð á að flokka þessi efni og skila í réttan farveg.

Hafnarfjarðarbær leitar til íbúa og annarra áhugasamra eftir tilnefningum til viðurkenninga fyrir fallega og vel hirta garða, götur og opin svæði eða stofnanalóðir í Hafnarfirði. 

Arkarinn Eva er komin heim í Hafnarfjörðinn eftir 50 daga styrktargöngu hringinn í kringum landið. Eva Bryndís er bæði fyrsta konan og yngst allra til að ganga hringinn í kringum landið. 

Hafnarfjarðarbær auglýsir til úthlutunar lóð fyrir flutningshús. Um er að ræða einbýlishúsalóð að Hverfisgötu 12 og verður lóðin seld á föstu verði. Umsóknarfrestur til og með föstudeginum 15. ágúst 2019.

Hafnarfjarðarbær og Hafnarfjarðarhöfn fengu á dögunum Græna ljósið frá Orkusölunni sem staðfestir og vottar að sveitarfélagið og höfnin notar í rekstri sínum 100% endurnýjanlega raforku með upprunaábyrgðum samkvæmt alþjóðlegum staðli. Þetta skref og þessi vottun er liður í grænni vegferð sveitarfélagsins.

Starfsmenn í Vinnuskóla Hafnarfjarðar ljúka störfum sínum nú í vikunni. Bæjarstjóri notaði góða veðrið í gær og heimsótti nokkra hópa til að fræðast betur um verkefni og störf þeirra í sumar og þakka þeim fyrir vel unnin störf.