Bæjarstjóri Hafnarfjarðarbæjar segir sameiginlega viljayfirlýsingu forsvarsmanna sveitarfélaganna á höfuðborgarsvæðinu mikilvæga í áframhaldandi viðræðum við ríkið um næstu skref í samgönguframkvæmdum á höfuðborgarsvæðinu og vill sjá skýra áætlun um öryggi vegfarenda.

Hafnarfjarðarbær, starfsstöð bæjarins á Norðurhellu, tók á móti sinni fyrstu vottun sem hjólavænn vinnustaður í Evrópsku samgönguvikunni. Nú hafa 32 vinnustaðir á landinu útskrifast með hjólavottun og tveir endurnýjað sína fyrstu vottun. 

Hafnarfjarðarbær stendur fyrir fræðslu fyrir foreldra ungra barna með það að markmiði að auka vitund foreldra um mikilvægi málþroskans. 

Bæklingar um mikilvægi þess að lesa fyrir börn hafa nú litið dagsins ljós. Bæklingarnir, sem tengjast læsisstefnu Hafnarfjarðar, eru til á íslensku, ensku og pólsku. 

Eiríkur G. Stephensen hefur verið ráðinn skólastjóri Tónlistarskóla Hafnarfjarðar.  Eiríkur hefur lengst af starfað sem skólastjóri Tónlistarskóla Eyjafjarðar þar sem hann stýrði starfi og þróun tónlistarkennslu sem fór fram í þremur skólum í Eyjafjarðarsveit. 

Nemendur og kennarar í Skarðshlíðarskóla fóru í dag fyrstu „míluna“ af mörgum frá skólanum. Um er að ræða verkefni að skoskri fyrirmynd sem heitir The Daily Mile og er skólinn fyrsti íslenski skólinn sem tekur þátt.

Guðrún Þorsteinsdóttir hefur verið ráðin mannauðsstjóri Hafnarfjarðarbæjar.  Á árunum 2008-2015 starfaði Guðrún sem mannauðsstjóri Reykjanesbæjar.

Opnað hefur verið fyrir umsóknir í Jólaþorpið á Thorsplani í Hafnarfirði 2018. Sem fyrr vill Jólaþorpið fá til liðs við sig einstaklinga, samtök og fyrirtæki sem hafa til sölu gæðavöru á góðu verði og fjölbreytt úrval varnings með loforði um líf og jólafjör á á sölubásnum.

Boðað hefur verið til bæjarstjórnarfundar miðvikudaginn 19.september. Fundurinn hefst kl. 17:00 í fundarsal bæjarstjórnar Hafnarborg, Strandgötu 34.  

Um 800 nemendur Hraunvallaskóla tóku þátt í setningu Ólympíuhlaups ÍSÍ 2018 og gátu þeir valið um að hlaupa 2,5KM, 5KM og 10KM.