Boðað hefur verið til bæjarstjórnarfundar fimmtudaginn 27. apríl. Fundurinn hefst kl. 17 í Hafnarborg. Fundi er streymt beint á heimasíðu. 

Gámar á þremur stöðum í Hafnarfirði dagana 4. maí og 5. maí.  Starfsmenn fyrirtækja og stofnana ásamt nemendum og kennurum allra skólastiga í Hafnarfirði eru í hreinsunarátaki hvattir til að rýna í sitt nærumhverfi og taka sérstaklega til hendinni við hreinsun. 

Öllum félögum, samtökum og hópum í Hafnarfirði stendur til boða að sækja um þátttöku í Umhverfisvaktinni. Verkefnið snýr að umhirðu og fegrun bæjarins og er markmiðið sem fyrr að efla umhverfisvitund íbúa, fegurri bær og aukin hreinsun. Umsóknarfrestur er 5. maí

Þjóðhátíðarnefnd Hafnarfjarðarbæjar auglýsir eftir skemmtiatriðum á 17. júní. Í dagskránni er gert ráð fyrir barna- og fjölskylduskemmtunum á Thorsplani, leiktækjum og ýmsum sýningum og götuuppákomum í miðbænum. Tekið er við hugmyndum til 7. maí

Hafnarfjarðarbær vinnur að gerð umferðaröryggisáætlunar fyrir sveitarfélagið og óskar hér með eftir ábendingum frá íbúum um þau atriði sem geta stuðlað að bættu umferðaröryggi í bænum, fyrir gangandi, hjólandi og akandi.

Árvisst hreinsunarátak í Hafnarfirði verður dagana 2- 11. maí. Garðaúrgangur í Norðurbæ, Vesturbæ, Hraunum og miðbæ verður sóttur heim þriðjudaginn 2. maí, í Setbergi, Kinnum og Hvömmum fimmtudaginn 4. maí og í Áslandi, á Völlum og Holti fimmtudaginn 11. maí.  Íbúar á þessum svæðum eru hvattir til að vera búnir að setja garðaúrgang út fyrir lóðarmörk fyrir þessa settu hreinsunardaga í hverju hverfi fyrir sig. 

Á Sumardaginn fyrsta opnar Hafnarfjarðarbær með formlegum hætti nýtt grillhús á Víðistaðatúni og hefur fengið bæjarfulltrúa til að grilla pylsur handa gestum á svæðinu. Til stendur að halda áfram að gera Víðistaðatún enn skemmtilegra en nú er og snýr næsta verkefni að því að fjölga leiktækjum og bekkjum á svæðinu.

Gleðilegt sumar góðir íbúar og aðrir gestir. Við höldum veglega upp á Sumardaginn fyrsta í Hafnarfirði og látum veðrið ekki stöðva okkur í því.  Á Víðistaðatúni standa hátíðarhöld yfir frá kl. 11 og fram eftir degi en auk þess teygja hátíðarhöldin anga sína víðar um bæinn.

Menningarstyrkir voru veittir við hátíðlega athöfn í Hafnarborg í dag. Tuttugu og tvö verkefni í heild hlutu styrk að þetta sinni; einstaklingar, menningarhópar eða samtök sem eiga öll það sammerkt að tengjast Hafnarfirði með einum eða öðrum hætti. Styrkir menningar- og ferðamálanefndar Hafnarfjarðarbæjar eru afhentir einu sinni á ári til aðila og verkefna sem líkleg eru til að auðga og dýpka enn frekar listalíf bæjarins.

Steingrímur Eyfjörð myndlistarmaður hefur verið útnefndur bæjarlistamaður Hafnarfjarðar árið 2017. Menningar- og ferðamálanefnd Hafnarfjarðar kallaði eftir tilnefningum til bæjarlistamanns snemma árs og bárust fjölmargar tilnefningar.