Ungmennaráð Hafnarfjarðar hélt teboð fyrir bæjarstjóra og bæjarstjórn fyrir bæjarstjórnarfund á miðvikudaginn. Í teboði voru viðraðar þær tillögur sem komu fram á Ungmennaþingi 2017 ásamt því að ræða um stöðu ungs fólks í Hafnarfirði. Tillögur verða kynntar með formlegum hætti fyrir bæjarstjórn í byrjun júní.

Bæjarstjórn samþykkti í dag fyrirliggjandi rekstrar- og þjónustusamninga við tólf íþróttafélög í Hafnarfirði. Í nýju samningum er áhersla lögð á jöfnuð, sömu forsendur við útreikinga og að skilja á milli félagslega hluta félaganna og hefðbundins reksturs húsnæðis og valla. Starfsemi íþróttafélag í Hafnarfirði er í miklum blóma og kjölfestan í rekstri félaganna öflugt sjálfboðaliðastarf. Hafnarfjarðarbær vonast til að stuðningurinn muni styrkja öflugt íþróttastarf enn frekar.

Í gær voru opnuð tilboð í byggingu hjúkrunarheimilis við Sólvang í Hafnarfirði. Tilboð bárust frá fjórum aðilum; Ístaki, Eykt, Jáverki og Munck Íslandi. Lægsta tilboðið hljóðaði upp á kr. 1.460.336.306.- Kostnaðaráætlun verks hljóðaði upp á kr. 1.515.686.540.-

Um árabil hefur Hafnarfjarðarbær, í samstarfi við þriðja aðila, kannað ánægju og viðhorf starfsmanna til m.a. starfsumhverfis, samskipta og stjórnunarhátta og hafa niðurstöður verið nýttar til betrumbóta og umbóta á þeim 70 starfsstöðvum sem starfsemi Hafnarfjarðarbæjar dreifist á. Niðurstöður nýjustu vinnustaðagreiningarinnar eru heilt yfir ánægjulegar fyrir Hafnarfjarðarbæ þar sem allir þættir í könnun hækka á milli ára og aðeins einn þáttur lækkar. Sá þáttur, sem snýr að álagi, er þegar í gagngerri skoðun hjá stjórnendum bæjarins.

Hafnarfjarðarbær hefur verið þátttakandi í tilraunaverkefni fjármála- og velferðarráðuneytis um innleiðingu jafnlaunastaðals síðan 2013 en markmiðið er að eyða óútskýrðum launamun og uppfylla lagaskyldu atvinnurekenda um að greiða konum og körlum jöfn laun og tryggja að þau njóti sömu kjara fyrir sömu eða jafn verðmæt störf.

Boðað hefur verið til bæjarstjórnarfundar miðvikudaginn 29. mars. Fundurinn hefst kl. 14:00 í Hafnarborg, Strandgötu 34.  Fundi er streymt beint á heimasíðu. 

Foreldrar barna sem hefja grunnskólagöngu sína eru vinsamlega beðnir um að staðfesta skráningu í ákveðinn grunnskóla rafrænt í gegnum Mínar síður eigi síðar en 31. mars næstkomandi. 

Breyting á deiliskipulagi við Hamarsbraut 5, Hafnarfirði. Breytingin felst í að komið er fyrir tvíbýli á lóðinni. Ekki eru gerðar tillögur að öðrum skilmálabreytingum. Frestur til athugasemda er 5. maí 2017.

Fulltrúar Hafnarfjarðarbæjar, Vegagerðarinnar og verktaka að baki byggingar á nýjum mislægum gatnamótum Reykjanesbrautar og Krýsuvíkurvegar hittust í dag til að taka formlega fyrstu skóflustunguna að framkvæmdnum. Framkvæmdir hefjast strax enda á verkið að vinnast á skömmum tíma og vera lokið 1. nóvember.

Umsóknarfrestur hefur verið framlengdur! Hafnarfjarðarbær leitar eftir duglegum og öflugum einstaklingum til starfa í sumar. Til umsóknar eru störf safnvarða, flokkstjóra, leiðbeinenda og aðstoðarleiðbeinenda á íþrótta- og leikjanámskeiðum og í skólagörðum, störf í umhverfis- og garðyrkjuflokkum.