Tillaga að breytingu á deiliskipulagi lóðanna Breiðhellu 18 og 20, Hafnarfirði.  Deiliskipulagsbreytingin felst í því að lóðirnar að Breiðhellu 18 og 20 sameinast í eina lóð, grunnflötur byggingarreits stækkar, hámarkshæð bygginga eykst og aðkomur að lóð verða tvær í stað einnar. Frestur til athugasemda er 11. apríl 2017

Tillaga að breytingu á deiliskipulagi Suðurhafnar í Hafnarfirði - Fornubúðir 5. Breytingin heimilar að reist verði skrifstofu- og þjónustuhús. Athugasemdir þurfa að berast fyrir 11. apríl 2017

Boðað hefur verið til bæjarstjórnarfundar miðvikudaginn 1. mars. Fundurinn hefst kl. 14:00 í Hafnarborg, Strandgötu 34.  Fundi er streymt beint á heimasíðu.

Starfsmenn Hafnarfjarðarbæjar og verktakar hafa unnið látlaust við snjóhreinsun og mokstur frá kl. 2:30 aðfaranótt sunnudags. Allar strætóleiðir og stofngötur eru nú greiðfærar og er unnið að hreinsun í húsagötum. Mokstri á plönum hjá skólum og leikskólum er að mestu lokið og verður unnið að frekari hreinsun í dag og næstu daga. Íbúar eru vinsamlega beðnir um að moka frá sorptunnum sínum.

Hafnarfjarðarbær leitar eftir duglegum og öflugum einstaklingum til starfa í sumar. Til umsóknar eru störf flokkstjóra, leiðbeinenda og aðstoðarleiðbeinenda á íþrótta- og leikjanámskeiðum og í skólagörðum, störf í umhverfis- og garðyrkjuflokkum. Rafrænn umsóknarfrestur til 24. mars.

Nýtt deiliskipulag Kaldárselsvegar frá Sörlatorgi við Reykjanesbraut að Hlíðarþúfum er nú komið í auglýsingu. Deiliskipulag afmarkast frá Sörlatorgi að Hlíðarþúfum, alls 8 ha að stærð. Frestur til athugasemda er 10. apríl 2017

Ingibjörg Magnúsdóttir, deildarstjóri í Hraunvallaskóla í Hafnarfirði, hefur verið ráðin skólastjóri við grunnskóla í Skarðshlíð. Ingibjörg er grunnskólakennari að mennt, hefur lokið meistaragráðu í uppeldis- og menntunarfræðum og diplómu í opinberri stjórnsýslu.

Guðrún Frímannsdóttir hefur verið ráðin deildarstjóri stoðþjónustu hjá fjölskylduþjónustu. Guðrún er félagsráðgjafi að mennt og hefur starfað sem slík mestan hluta starfsævinnar, að undanskildum fimm árum sem dagskrár- og fréttamaður hjá RÚV.

Nú standa yfir vakningardagar í Flensborgarskólinn í Hafnarfirði og í gær var boðið upp á starfa- og menntahlaðborð þar sem við þáðum boð um að kynna starfsemi okkar, þau störf sem hér eru unnin og þá menntun og hæfni sem þarf til að sinna þeim störfum. 

Sameiginlegt tilboð Loftorku Reykjavík ehf. og Suðurverks ehf. var lægst í byggingu mislægra vegamóta á mótum Reykjanesbrautar sunnan Hafnarfjarðar og Krýsuvíkurvegar. Þrjú önnur tilboð bárust. Loftorka og Suðurverk buðu 918 milljónir króna í verkið sem á að vera að fullu lokið 1. nóvember í ár.