Norðurljósin hafa glatt okkur mikið síðustu daga og lofar norðurljósaspá kvöldsins mjög góðu. Við nýtum tækifærið og höfum ákveðið að slökkva götulýsingu í hverfum vestan Reykjanesbrautar/Fjarðarhrauns milli frá kl. 22-23.

Fjöldi áhugaverðra erinda voru flutt á árlegri fjármálaráðstefnu sveitarfélaga 2016 sem fram fór dagana 22. – 23. september. Þar á meðal komu þrjú erindi úr ranni starfsmanna Hafnarfjarðarbæjar, erindi sem sneru að einkaframkvæmdum sveitarfélaga, fjölskylduþjónustu og fræðsluþjónustu og byggðu á reynslu og áralangri þekkingu í málaflokkunum.

Starfsfólk Bókasafns Hafnarfjarðar tekur þátt í Landsfundi starfsfólks bókasafna. Af þeim sökum verður röskun á afgreiðslutíma bókasafnsins í lok vikunnar. Við biðjumst velvirðingar á þeim óþægindum sem lokunin kann að valda. 

Nýverið kom út skýrsla um unglinga  í 8. – 10. bekk í Hafnarfirði. Skýrslan tekur á fjölda þátta í lífi unglinga s.s. líðan, frítíma, virkni og neyslu. Mælitæki rannsóknar eru ítarlegir spurningalistar með spurningum sem mótaðar hafa verið af fagfólki í félagsvísindum.

Í byrjun september óskaði Hafnarfjarðarbær eftir tilboðum í sex fjölbýlishúsalóðir í 1. áfanga Skarðshlíðar, hverfi sem er í skjóli hlíðar sunnan og vestan í Ásfjalli. Tilboðsfrestur rann út á hádegi 20. september og bárust í átta tilboð í lóðirnar frá sjö lögaðilum.

Krónan þykir góð fyrirmynd fyrirtækja í snyrtimennsku og almennri umgengni. við hönnun og framkvæmdir er leitað leiða við að gera verslun og umhverfi sem snyrtilegast og aðgengilegast fyrir viðskiptavini og starfsmenn. Fyrirtækið fékk á dögunum viðurkenningu frá Hafnarfjarðarbæ fyrir snyrtileika.

Árleg fjármálaráðstefna sveitarfélaga 2016 verður haldinn dagana 22. og 23. september á Hilton Reykjavik Nordica.  

Flutt verða erindi um margvísleg efni sem snúa að fjármálum og stjórnsýslu sveitarfélaga. Þrjú erinda koma frá Hafnarfjarðarbæ. 

Látinn er á 92 aldursári listmálarinn og Hafnfirðingurinn Eiríkur Smith. Framlag Eiríks til lista í Hafnarfirði er ómetanlegt og mun hans verða minnst sem merks listamanns sem sannarlega setti svip sinn á hafnfirska menningu og listir.

Te & Kaffi þykir góð fyrirmynd fyrirtækja í snyrtimennsku og almennri umgengni. Umhverfismál og ásýnd eru fyrirtækinu mjög hugleikin og bera framleiðslustaður, kaffihús og vörur vott um það stíhreina yfirbragð sem haft er að leiðarljósi í rekstrinum.  Fyrirtækið fékk á dögunum viðurkenningu frá Hafnarfjarðarbæ fyrir snyrtileika.

Héðinn þykir góð fyrirmynd fyrirtækja í snyrtimennsku og almennri umgengni. Starfsmenn líta á snyrtimennsku sem góða fjárfestingu og telja það afar mikilvægt að hafa góða reglu á hlutunum. Fyrirtækið fékk á dögunum viðurkenningu frá Hafnarfjarðarbæ fyrir snyrtileika.