Settur hefur verið á laggirnar starfshópur innan Hafnarfjarðarbæjar sem hefur það verkefni að vinna að tillögum að bættum starfsaðstæðum kennara í grunnskólum Hafnarfjarðar í þeim tilgangi að tryggja að fagmenntaðir kennarar séu í öllum stöðum, gera kennarastarfið eftirsóknarverðara og mæta áhyggjum kennara varðandi aukið álag í starfi. 

Alls unnu 536 hafnfirskir íþróttamenn til Íslandsmeistaratitla á árinu í um 30 greinum frá 14 félögum. Hrafnhildur Lúthersdóttir, landsliðskona í sundi úr Sundfélagi Hafnarfjarðar, var valin íþróttakona Hafnarfjarðar sjöunda árið í röð og Axel Bóasson, landsliðsmaður í golfi úr Golfklúbbnum Keili, íþróttakarl ársins annað árið í röð. 

Ívar Bragason hefur verið ráðinn lögmaður hjá Hafnarfjarðarbæ. Ívar lauk mag. jur. prófi frá Háskóla Íslands árið 2008. Hann öðlaðist réttindi sem héraðsdómslögmaður sama ár. Ívar hefur síðustu ár starfað hjá embætti borgarlögmanns. Hann mun hefja störf í janúar.

Breyting á deiliskipulagi Skarðshlíðar 2. áfangi hefur verið sett í auglýsingu.  Breytingin felst í því að lóðir og skilmálum íbúðabyggðar er breytt á 2. áfanga svæðisins. Tillaga er til sýnis hjá Hafnarfjarðarbæ en einnig hægt að nálgast hana rafrænt.  Athugasemdir óskast fyrir 13. febrúar 2017.

 

Hátíðarkveðjur til þín og allra þinna frá bæjarstjórn og starfsmönnum Hafnarfjarðarbæjar. Seasons Greetings and Happy New Year to you and your family.  

Hugheilar hátíðarkveðjur frá bæjarstjóra Hafnarfjarðarbæjar með hugvekju um nokkur orð sem honum eru afar hugleikin sér í lagi á aðventunni: Þakklæti, virðing, samstarf og einstaklingsframtakið.

Þorláksmessustemningin er í Hafnarfirði. Opið í Firði verslunarmiðstöð fram eftir kvöldi auk þess sem verslanir á Strandgötunni og víðar eru opnar til kl. 22-23. Við lofum notalegri og heimilislegri jólastemningu í miðbæ Hafnarfjarðar með jólatónlist, jólatrjám og jólasnjó. 

Bókasafn Hafnarfjarðar og Hafnarborg verða opin á eftirfarandi dögum og tímum yfir hátíðarnar. Löng útlán á DVD myndum  gilda á hátíðardögunum. 

Á aðfangadag jóla verður opið frá kl. 8-13 í Ásvallalaug og Suðurbæjarlaug. Lokað verður á jóladag og annan í jólum og opið frá kl. 8-11 á síðasta degi ársins. Lokað verður í laugunum tveimur á nýársdag. Lokað verður í Sundhöll Hafnarfjarðar alla daga milli jóla- og nýárs.  

Í desember og fram í janúar ætlar Hafnarfjarðarbær að bjóða til sölu auka poka fyrir almennt sorp. Þessa poka má setja við hlið sorptunna og verða þeir teknir við reglubundna sorphirðu í bænum á þessu tímabili.