Fréttir




  • IMG_8691

12 milljón króna úthlutun til íþróttastarfs

10. jún. 2021

Aðildarfélög ÍBH fengu í gær 12 milljóna króna úthlutun Rio Tinto og Hafnarfjarðarbæjar til íþróttastarfs fyrir yngri en 18 ára.  Jafnréttishvataverðlaun 2021 hlutu Fimleikafélagið Björk kr. 500.000 fyrir mestu iðkendafjölgun drengja og Fimleikafélag Hafnarfjarðar kr. 500.000 fyrir mestu iðkendafjölgun stúlkna.  Styrkir voru afhentir við hátíðlega athöfn í Álfafelli í Íþróttahúsinu við Strandgötu.

IMG_8672Birna Pála Kristinsdóttir fulltrúi Rio Tinto, Rósa Guðbjartsdóttir bæjarstjóri Hafnarfjarðar og Hrafnkell Marinósson formaður ÍBH undirrituðu samning fyrir árið 2021 og afhentu fulltrúum aðildarfélaga ÍBH styrkina.

Þríhliða samningur um framlag til eflingar íþróttastarfs fyrir yngri en 18 ára 

Samningur er í gildi fyrir árið 2021 á milli Íþróttabandalagsins í Hafnarfirði, Rio Tinto og Hafnarfjarðarbæjar. Rio Tinto og Hafnarfjarðarbær greiða 10 milljónir króna á ári hvor aðili inn í samstarfið til stuðnings íþróttum barna og unglinga í Hafnarfirði. Samtals var verið að úthluta 12 milljónum króna í fyrri úthlutun ársins úr sjóðnum eða 60% vegna iðkendafjölda sem æfir reglulega í félögunum og jafnréttishvata. 40% af styrknum er úthlutað síðla árs. Óskað var eftir umsóknum frá aðildarfélögum ÍBH í aprílmánuði og sóttu 13 félög um stuðning úr sjóðnum.  Samningur um úthlutun íþróttastyrkja hefur verið í gildi frá árinu 2001. Upphæð úthlutunar til hvers félags stýrist annarsvegar af jafnréttishvata og hinsvegar af þeim iðkendafjölda sem æfir reglulega í félögunum.

Eftirtalin félög fengu stuðning út frá samningi og umsóknum:


  • Fimleikafélag Hafnarfjarðar kr. 4.078.763
  • Knattspyrnufélagið Haukar kr. 2.395.622
  • Fimleikafélagið Björk kr. 1.981.043
  • Sundfélag Hafnarfjarðar kr. 739.788
  • Brettafélag Hafnarfjarðar kr. 513.879
  • Badmintonfélag Hafnarfjarðar kr. 491.537
  • Dansíþróttafélag Hafnarfjarðar kr. 362.446
  • Golfklúbburinn Keilir kr. 143.986
  • Hestamannafélagið Sörli kr. 111.713
  • Hnefaleikafélag Hafnarfjarðar kr. 71.993
  • Íþróttafélagið Fjörður kr. 54.615
  • Bogfimifélagið Hrói Höttur kr. 32.273
  • Tennisfélag Hafnarfjarðar kr. 22.343