Bæjarstjóri

Rósa Guðbjartsdóttir

Rósa Guðbjartsdóttir er bæjarstjóri í Hafnarfirði en hún er oddviti Sjálfstæðisflokksins og fráfarandi formaður bæjarráðs.

Rósa er stjórnmálafræðingur frá Háskóla Íslands og starfaði um árabil við blaða-og fréttamennsku, lengst af sem fréttamaður á fréttastofu á Stöðvar 2 og Bylgjunnar. Rósa hefur einnig verið ötull rithöfundur og ritstjóri hjá Bókafélaginu.

Rósa tók sæti í bæjarstjórn Hafnarfjarðar fyrir tólf árum, eða árið 2006 og var á síðasta kjörtímabili formaður bæjarráðs og fræðsluráðs.

Hún var varaþingmaður Sjálfstæðisflokksins á árunum 2007 til 2009 og sat um nokkurra mánaða skeið á Alþingi. Rósa hefur tekið virkan þátt í störfum innan íþróttahreyfingarinnar og er í fagráði Velferðarsjóðs barna.

Hún var framkvæmdastjóri Styrktarfélags krabbameinssjúkra barna á árunum 2001-2006 og hefur verið formaður stjórnar félagsins síðastliðin tíu ár.

Rósa er uppalin í Norðurbænum í Hafnarfirði og er stúdent frá Flensborgarskólanum. Hún er gift Jónasi Sigurgeirssyni og eiga þau fjögur börn.

Viðtalstímar

Bæjarstjóri er með viðtalstíma á þriðjudagsmorgnum
Nauðsynlegt er að bóka tíma, viðtalspantanir tekur skrifstofustjóri Auður Þorkelsdóttir í síma 585 5506.

Bæjarstjórar í tímaröð frá 1946

1946 -1948 Eiríkur Pálsson
1948 – 1948 Guðmundur Gissurarson (var bæjarstjóri í tvo mánuði)
1949 – 1954 Helgi Hannesson
1954 – 1962 Stefán Gunnlaugsson
1962 – 1966 Hafsteinn Baldvinsson
1966 – 1979 Kristinn Ó. Guðmundsson
1979 – 1986 Einar Ingi Halldórsson
1986 – 1993 Guðmundur Árni Stefánsson
1993 – 1994 Ingvar Viktorsson
1994 – 1995 Magnús Jón Árnason
1995 – 1998 Ingvar Viktorsson
1998 – 2002 Magnús Gunnarsson
2002 – 2010 Lúðvík Geirsson
2010 – 2012 Guðmundur Rúnar Árnason
2012 – 2014 Guðrún Ágústa Guðmundsdóttir
2014 – 2018 Haraldur L. Haraldsson
2018 – Rósa Guðbjartsdóttir

Var efnið hjálplegt? Já Nei