Viðburðir framundan



Viðburðir framundan

Vetrarfrí

  • 21.2.2019 - 24.2.2019

Fimmtudaginn 21. og föstudaginn 22. febrúar er vetrarfrí í grunnskólum Hafnarfjarðar og Tónlistarskóla. Af því tilefni er frítt í sund fyrir börn og fullorðna og Byggðasafn, Bókasafn Hafnarfjarðar og Hafnarborg bjóða uppá smiðjur og aðra skemmtun.

Grunnskólabörn í Hafnarfirði eru boðin sérstaklega velkomin á Bókasafn Hafnarfjarðar í vetrarfríinu. Boðið verður uppá Spilafjör með Spilavinum, ritsmiðju fyrir 8-12 ára og bókabíó.

Byggðasafn Hafnarfjarðar tekur vel á móti grunnskólabörnum í Hafnarfirði og fjölskyldum þeirra í vetrarfríinu. Í Pakkhúsinu verður hægt að taka þátt í skemmtilegum og fróðlegum ratleik fyrir fjölskylduna sem leiðir gesti safnsins um safnið. Aðgangur er ókeypis.

Í Hafnarborg fer fram skapandi hljóðlistasmiðja fyrir börn á aldrinum 7–11 ára, undir leiðsögn myndlistar- og tónlistarmannsins Curvers Thoroddsen. Smiðjan fer fram í tengslum við Hljóðön – sýningu tónlistar, sem stendur nú yfir í Hafnarborg, en þar er horft öðrum augum á tónlistina og það hvernig hún skarast á við myndlistina. Þar er sköpunar- og leikgleðin í fyrirrúmi og mikið lagt upp úr þátttöku sýningargesta til að búa til tónlist á margs konar vegu, svo sem með tölvuleikjum, hljóðfærum og öðrum hlutum sem eru venjulega ekki taldir til hljóðfæra.

 

 

FIMMTUDAGUR 21. FEBRÚAR

  • FRÍTT Í SUND! Opið 6:30-22 í Ásvallalaug og Suðurbæjarlaug og 6:30-21 í Sundhöll
  • Kl. 10-12 Ritsmiðja fyrir 8-12 ára. Ritsmiðjunni stýra þær Bergrún Íris Sævarsdóttir og Eva Rún Þorgeirsdóttir rithöfundar. ATH fjöldatakmörkun er í smiðjuna (20) og er skráning nauðsynleg. Vinsamlegast sendið tölvupóst á netfangið berglindkr@hafnarfjordur.is með upplýsingum um nafn og aldur barns.
  • Kl. 11-15 Ratleikur í Byggðasafni Hafnarfjarðar. Skemmtilegur og fróðlegur ratleikur fyrir fjölskylduna um safnið.
  • Kl. 13-16 Hljóðlistasmiðja í Hafnarborg. Hámark 15 þátttakendur. Skráning á hafnarborg@hafnarfjordur.is. Sýningar safnsins eru opnar frá kl. 12-17.
  • Kl. 14-16 Spilafjör með Spilavinum. Fullt af skemmtilegum spilum í boði. Allir velkomnir á meðan húsrúm leyfir!


FÖSTUDAGUR 22. FEBRÚAR

  • FRÍTT Í SUND! Opið 6:30-20 í Ásvallalaug og Suðurbæjarlaug og 6:30-21 í Sundhöll
  • Kl. 10-12 Ritsmiðja fyrir 8-12 ára. Ritsmiðjunni stýra þær Bergrún Íris Sævarsdóttir og Eva Rún Þorgeirsdóttir rithöfundar. ATH fjöldatakmörkun er í smiðjuna (20) og er skráning nauðsynleg. Vinsamlegast sendið tölvupóst á netfangið berglindkr@hafnarfjordur.is með upplýsingum um nafn og aldur barns.
  • Kl. 11-15 Ratleikur í Byggðasafni Hafnarfjarðar. Skemmtilegur og fróðlegur ratleikur fyrir fjölskylduna um safnið.
  • Kl. 13-16 Hljóðlistasmiðja í Hafnarborg. Hámark 15 þátttakendur. Skráning á hafnarborg@hafnarfjordur.is. Sýningar safnsins eru opnar frá kl. 12-17.
  • Kl. 14-16 Bókabíó. Sýnd verður kvikmyndin Ronja Ræningjadóttir. Allir velkomnir á meðan húsrúm leyfir!