Viðburðir framundan



Viðburðir framundan
  • Upplestur úr spænsku veikinni.

Spænska veikin - Gunnar Þór Bjarnason, höfundur í heimsókn

  • 8.5.2021, 13:00 - 14:00, Bókasafn Hafnarfjarðar

Höfundur maímánaðar er Gunnar Þór Bjarnason, sagnfræðingur og rithöfundur, sem nýverið gaf frá sér bókina Spænska veikin, sagnfræðilega skáldsögu um þennan mikla óvætt sem barst til landsins fyrir rétt rúmum hundrað árum. Verið velkomin á Bókasafn Hafnarfjarðar í upplestur og spjall, og hittið höfund í heimsókn.

Athugið að grímuskylda er á bókasafninu!

Höfundur maímánaðar er Gunnar Þór Bjarnason, sagnfræðingur og rithöfundur, sem nýverið gaf frá sér bókina Spænska veikin, sagnfræðilega skáldsögu um þennan mikla óvætt sem barst til landsins fyrir rétt rúmum hundrað árum

Hundruð Íslendinga féllu í valinn á örfáum vikum, aðallega ungt fólk í blóma lífsins og fleiri konur en karlar. Mörg börn misstu foreldri. Þetta voru átakanlegir tímar með linnulitlum líkfylgdum og klukknahringingum. Spænska veikin skildi eftir sig sár sem greru seint eða aldrei.

Bókin segir frá togarasjómanni sem kom úr siglingu þegar veikin var í hámarki og fannst eins og allt líf í Reykjavík væri slokknað og ástsælli söngkonu sem dó frá barnungri dóttur sinni. Fleiri eftirminnilegir einstaklingar koma líka við sögu – læknar, hjúkrunarkonur, ljósmæður og aðrir sem börðust hetjulega gegn „sóttinni miklu“ en máttu sín oft lítils.
Víða um land var reynt að verjast veikinni með samgöngubanni en stjórnvöld, einkum þó landlæknir, sættu vægðarlausri gagnrýni fyrir að hafa hleypt henni inn í landið. Var hægt að mæta þessari skelfilegu heimsplágu með markvissum sóttvörnum? Og að hvaða leyti er spænska veikin sambærileg við veirufaraldurinn sem gengið hefur yfir heimsbyggðina árið 2020?

Verið velkomin á Bókasafn Hafnarfjarðar í upplestur og spjall, og hittið höfund í heimsókn.

Athugið að grímuskylda er á bókasafninu!