Viðburðir framundan


Viðburðir framundan
  • Raemurymid-Spaceballs

Ræmurýmið - Spaceballs: the Movie

  • 19.5.2022, 17:00 - 19:00, Bókasafn Hafnarfjarðar

Spaceballs: Ræmurýmissýningin! Árið er 1987. Geimóperuparódían Spaceballs mætir með látum í leikstjórn kómedíumeistarans Mel Brooks.

Ræmurýmið er kvikmynda- og ræmuunnendaklúbbur Bókasafns Hafnarfjarðar, og er í umsjón Gunnhildar Ægisdóttur, kvikmyndafræðings. Mánaðarlega kemur út stuttur hlaðvarpspistill um kvikmynd mánaðarins, og myndin svo sýnd á bókasafninu viku síðar.

Spaceballs: Ræmurýmissýningin!
Árið er 1987. Geimóperuparódían Spaceballs mætir með látum í leikstjórn kómedíumeistarans Mel Brooks. Sagan segir frá Einstirni, geimþrjót með gullhjarta, og besta vini hans, Munda (sem er hálfur hundur, hálfur maður og besti vinur sjálfs síns) þar sem þeir ferðast um stjörnuþokuna í geimhjólhýsi.

Fyrir tilstilli örlaganna, og vanhæfrar ríkisstjórnar plánetunnar Geimbolta, verða þeir félagar að bjarga Vespu prinsessu af Drúidíu (sem getur alveg bjargað sér sjálf, takk fyrir), og gullvélmenninu hennar, Dot Matrix, úr höndum hins illa Svarthjálms og Tekins forseta, - áður en þeir stela öllu vel lyktandi lofti frá plánetum sólkerfisins með risavaxinni ryksugu.
Everybody got that?

Með aðalhlutverk fara Mel Brooks, Bill Pullman, John Candy, Rick Moranis, Daphne Zuniga og Joan Rivers.